Кун хыççăн кун

4 Ака, 2023

Чăваш Ен Республика кунне хатĕрленет

Шупашкарти экономика форумĕ, «Раççей çăлкуçĕсем» фестиваль, Пĕтĕм чăваш Акатуйĕ, фейерверк фестивалĕ — кусем Республика кунĕнче иртмелли мероприятисем. Уяв программи тата анлăрах пулĕ. Чăваш Республикин тĕп уявĕпе çыхăннă ыйтусене йĕркелÿ комитечĕн ларăвĕнче пăхса тухрĕç. Ăна ЧР Пуçлăхĕ Олег Николаев ертсе пычĕ.

31 Пуш, 2023

Централизаци тата шкапри скелетсем çинчен

Финанс министерствин коллегийĕн анлă ларăвĕнче иртнĕ çулхи бюджета мĕнле пурнăçланине пĕтĕмлетнĕ тата 2023 çулхи тĕллевсене палăртнă май ведомство пуçлăхĕ Михаил Ноздряков çулталăк каяллахи лару-тăрăва аса илтерчĕ: «Ковид та вĕçленменччĕ, нарăспуш уйăхĕсенче вара ятарлă çар операцийĕ пуçланнă май пирĕн çĕршыв çине санкцисем йăтăнса анчĕç. Экспертсем Раççей экономики анса ларасси çинчен калатчĕç…»

30 Пуш, 2023

Чăваш Енре Педагогпа наставник çулталăкĕ старт илчĕ

2023 çулта Раççей педагогикине никĕсленĕ Константин Ушинский çуралнăранпа 200 çул çитет. Юбилее халалласа кăçал Раççейре Педагогпа наставник çулталăкне ирттерме палăртнă. Уяв мероприятийĕ Чăваш патшалăх çамрăксен театрĕнче иртрĕ.

30 Пуш, 2023

Çĕрпе тивĕçтересси калаçтарать

Паян Чăваш Республикин Патшалăх Канашĕн Аграри ыйтăвĕсен, çут çанталăкпа усă курассин тата экологи комитечĕ «çавра сĕтел» ирттерчĕ.

Унта хутшăннисем 2011 çулхи ака уйăхĕн 1-мĕшĕнче йышăннă «Чăваш Республикинче нумай ачаллă çемьесене çĕр лаптăкĕсем парасси çинчен» саккун мĕнле пурнăçланнине тишкерчĕç.

30 Пуш, 2023

Владимир СТЕПАНОВ: Наци проекчĕпе пăхса хунă мероприятисем республикăра кăçал малалла пурнăçланĕç

Паян Чăваш Республикин Сывлăх сыхлав министерствин коллегийĕ анлă ларăва пухăнчĕ. Ку тытăмра вăй хуракансем пĕлтĕрхи ĕç-хĕлне пĕтĕмлетсе кăçал пурнăçламалли тĕллевсене палăртрĕç.

Ларăва уçнă май Чăваш Ен Пуçлăхĕ Олег Николаев 2022 çулта тухтăрсем тăрăшнипе çын вилес кăтартăва 22,9 процент чухлĕ чакарма, ку кăтартăва пандемичченхи шая çитерме май килнине каларĕ. Çапла вăтам пурнăç тăршшĕ 2,5 çул таран ӳснĕ, 72,5 çулпа танлашнă.

Pages