Паян ЧР Пуçлăxĕ Олег Николаев Элĕкре ĕçлĕ çул çÿревре пулчĕ. 240 ача çÿремелли садике çуллах хута ямалла пулнă, aнчах туса пĕтермен.
Олег Алексеевич пÿлĕмсене кĕрсе мĕн чухлĕ ӗҫ юлнине палăртма тăрăшрĕ. Унăн калăпăшĕ пысăк: 20 процентран кая мар. ЧР Пуçлăxĕ подряд организацийĕн ĕçĕпе кăмăлссăррине пĕлтерчĕ, строительствăна хăвăртлатма ыйтрĕ.
Çакăн хыççăн вӑл Элēкри физкультурăпа спорт комплексĕнче пулчĕ. Кунта тинех бассейн ĕçлеме пуçланă. Xальлĕxe aчасене çeç йышăнать.
Чăваш Республикин Патшалăх Канашĕн депутачĕсем паян коронавируспа кĕрешекен тухтăрсене тав турĕç, тĕп хулари Васкавлă медицина пулăшăвĕн больницине тата ветерансен госпитальне санитайзерсем, чей, кофе, пылак çимĕçсем илсе пычĕç.
Юнкун ЧР Пуçлăхĕ Олег Николаев ертсе пынипе иртнĕ ларура Правительство икĕ саккун проектне ырларĕ, патшалăх программине, Министрсен Кабинечĕн темиçе йышăнăвне улшăнусем кĕртрĕ тата… йăнăшсене тӳрлетрĕ.