Портал урлă - 30% йÿнĕрех

2017 çулхи кăрлачăн 1-мĕшĕнчен пуçласа Патшалăх тата муниципалитет пулăшăвĕсен пĕрлехи порталĕпе усă куракансем патшалăх пошлинисене 30% йÿнĕрех тÿлеме пултараççĕ.

Çакăн пирки калакан улшăнусене РФ Налук кодексне пĕлтĕрхи чÿк уйăхĕн вĕçĕнче кĕртнĕ. Çĕнĕ йĕрке Раççей тата ют çĕршыв паспортне илес, транспорт хатĕрне регистрацилес, мăшăрланнине ĕнентерекен свидетельствăллă пулас текенсене тата ыттисене те пырса тивет.

Асăннă çăмăллăха тивĕçес тесен темиçе условие пăхăнмалла:

Пулăшу илес тĕллевпе gosuslugi.ru портал урлă заявлени памалла.

Патшалăх пошлинине укçасăр тÿлемелли меле суйласа илмелле. Операцие банк картти /MasterCard, Visa, Мир/ тата электрон енчĕк /QIWI, Webmoney, Яндекс.Деньги/ е карас телефонĕ /федераци операторĕсем/ урлă пурнăçлама пулать.

Тĕслĕхрен, ют çĕршыв паспортне хатĕрленĕшĕн 3500 тенкĕ мар, 2450 тенкĕ тÿлемелле пулать. Наци водитель удостоверенийĕшĕн вара — 2000 тенкĕ мар, 1400 тенкĕ.

Патшалăх пошлинисене 2019 çулхи кăрлачăн 1-мĕшĕчченех йÿнĕрех тÿлеме май килет.