Новости по теме

Прокуратура органĕсем республикăри шкулсенче ачасен апатланăвне мĕнле йĕркеленине тĕрĕсленĕ. Тĕлĕнмелле те, анчах çак сферăра та саккуна пăснă тĕслĕх пайтах иккен.

Хальхи вăхăтра Чăваш Енри пĕтĕмĕшле пĕлÿ паракан шкулсенче вĕренекенсен 98,8% /121 540 ача/ вĕри апат çитереççĕ. Çав шутра 26% - çăмăллăхлă майпа, 14% тÿлевсĕр апатланаççĕ.

Март уйăхĕнче Крым Республикипе Севастополь хули Раççейпе пĕрлешнĕренпе çулталăк çитрĕ, çак пулăма халалласа Чăваш Енре, çĕршывăмăрăн ытти кĕтесĕнчи пекех, тĕрлĕ мероприяти иртрĕ. Вĕсене республикăри хĕр-упраçпа яш-кĕрĕм те хастар хутшăнчĕ.

Мурманск хулинче пĕрремĕш хут пăрлă шывра ишессипе тĕнче чемпионачĕ иртнĕ. Ăмăртăва сивĕрен хăраман 48 спортсмен хутшăннă, вĕсем пĕр километрлă дистанцире тупăшнă.

Чăваш Ен чысне унта Шупашкарти «Экстрим» клуб хастарĕсем хÿтĕленĕ. Пуринчен ытларах вара тĕнче чемпионатĕнче республикăри аквайсерсен федерацийĕн ертÿçи Татьяна Александрова палăрнă. Маттур хĕрарăм хăйĕн ушкăнĕнче дистанцие пĕрремĕш вĕçлесе пьедесталăн чи çÿллĕ картлашки çине хăпарнă.

Апрелĕн 2-мĕшĕнче Чăваш Ен Пуçлăхĕ Михаил Игнатьев Кăркăсстан Республикинчи Жалал-Абад облаçĕн делегацийĕпе тĕл пулнă. Калаçăва çавăн пекех Чăваш Республикин экономика аталанăвĕн, промышленноçпа суту-илÿ министрĕ Владимир Аврелькин тата Шупашкар хулин пуçлăхĕ Леонид Черкесов хутшăннă.