Чутай хĕрĕ, эс илемлĕ, Чутай тумĕ тăхăнсан...
Хĕрлĕ Чутайри культура çуртĕнче «Чутай Нарспийĕ – 2015» конкурс иртрĕ. Унта ку тăрăхри чи маттур та пултаруллă, çепĕç те сăпайлă, ĕçчен те илемлĕ хĕрсем хутшăнчĕç. Конкурсăн тĕллевĕ - чăваш халăхĕн культурипе йăли-йĕркине упраса халăх хушшинче анлăрах сарасси, çамрăксене тăван чĕлхе, юрă-кĕвĕ илемне туйма, хаклама хăнăхтарасси, пултаруллисене палăртасси, вĕсене хавхалантарасси.
Тупăшăва Кивĕ Атикасси, Мăн Этмен, Тралькасси, Хусанушкăнь тата Хĕрлĕ Чутай ял тăрăхĕсенчи хĕрсем тупăшăва тухрĕç.