Новости по теме

Муркаш районĕнче республикăри инвалидсен «Çаклан вăлтана, пулă, пысăкки тата пĕчĕкки» конкурсĕ иртнĕ. Ăна кăçалхипе виççĕмĕш хут йĕркеленĕ. Унта Муркаш, Элĕк, Етĕрне районĕсенчи тата Шупашкар, Çĕнĕ Шупашкарпа Канаш хулисенчи пулăçсем хутшăннă.

Сусăр çынсем пулă тытнисĕр пуçне шÿрпе пĕçерсе çинĕ, юрă шăрантарнă. Çавăн пекех вĕсем Александр Невский арçын мăнастирĕнче экскурсире пулнă, дартс енĕпе тата шашкăлла выляса ăмăртнă. Çĕнтерÿçĕсене парнесемпе, дипломсемпе хавхалантарнă. Савăк кăмăл-туйăмпа тăван тăрăхĕсене таврăннă вĕсем.

Ытти чух вуннăра пуçтарăнаканччĕ, Министрсен Кабинечĕн ĕнерхи ларăвĕ вара ирхине 8 сехетрех пуçланчĕ. Ку вăхăтра çапла пулмалла та пуль: ĕççи, суйлав умĕнхи тапхăр... Чăн та, ларăвăн кун йĕркине кĕртнĕ темăсенче çак çивĕчлĕх палăрмарĕ - кулленхи ыйтусем темелле...

Чăваш патшалăх гуманитари ăслăлăхĕсен институчĕ йĕркеленнĕренпе 85 çул çитрĕ. Çак тапхăрта пĕчĕк йышран гуманитари ăслăлăхĕн тĕп килĕ пулса тăнă. Чи малтанхи тата паянхи ăсчахсен ĕçĕ-хĕлĕ çинчен "Хыпар" хаçатăн иртнĕ номерĕсенчен пĕринче тĕплĕн çырса кăтартнăччĕ.

Ĕнер вара институтра сумлă юбилее халалланă савăнăçлă лару иртрĕ. Унта ăсчахсем кăна мар, культурăпа искусство, общество хастарĕсем те хутшăнчĕç. Çакă ахальтен мар - институт ĕçченĕсем республика пурнăçĕпе тан пыраççĕ, ун çыннисен кунçулĕпе кăсăклансах тăраççĕ.

Пĕтĕм Раççейри информаципе пропаганда, сывлăха пиçĕхтерекен «Сывлăх хумĕ» акци кăçалхипе 10-мĕш хут иртет. Çĕршывăн чи чаплă медицина центрĕсен тухтăрĕсем çÿллĕ шайри технологи диагностика оборудованийĕ вырнаçтарнă теплоходпа черетлĕ çулçÿреве августăн 31-мĕшĕнче тухма палăртаççĕ.

Чулхула - Хусан - Саратов - Самара - Ульяновск - Шупашкар - Чулхула маршрутпа йĕркеленекенсер «Наци сывлăхĕн лиги» Раççей общество организацийĕн пуçарăвĕпе РФ Сывлăх сыхлавĕн министерстви тата РФ Общество палати пулăшнипе иртет.