Республикăри Вĕренÿ институчĕн çуртĕнче /Максим Горький урамĕ, 5-мĕш çурт/ суйлав виçĕ участокĕ /761. 762, 763 -мĕшĕсем/ ĕçлерĕ. Суйлав комиссийĕсен членĕсемпе общество сăнавçисем хăйсен ĕçне пуçăнма ирех хатĕрччĕ. Акă сехет пĕчĕк йĕппи саккăр тĕлне шуса çитсенех малтанхи суйлавçăсем килсе çитрĕç.
Хаклă туссем! Эсир, юрă-кĕвĕ ăстисем, çуллланнисем те, çамрăксем те, мĕн ачаран «Хыпар» хаçата /ĕлĕк - «Коммунизм ялавĕ»/ вуласа ÿснĕ, халĕ те чăваш халăхĕн тĕп хаçатне хавхалансах вуласса шанатпăр!
Юлашки çулсенче вăл е ку районăн, вăл е ку ялпа поселокăн, вăл е ку предприятипе учрежденин гимнĕсене çырса çирĕплетесси, çав гимнсене савăнса та мăнаçланса юрласси йăлана кĕчĕ.
«Хыпар» хаçат та ыттисенчен юласшăн мар. Вăл та, хăйĕн 110 çулхи юбилейне сумлăн паллă тума хатĕрленекенскер, пурăнан пурнăçра хăйĕн мухтав юррийĕ-гимнĕ кирлĕ тесе шутлать.
Августăн 11-мĕшĕнче Чăваш Республикин Пуçлăхĕн тивĕçĕсене вăхăтлăх пурнăçлакан Михаил Игнатьев Çĕнĕ Шупашкарти железобетон изделийĕсем кăларакан завода тума пуçланнипе çыхăннă мероприятие хутшăнчĕ.
Елчĕк район хĕрĕ ялти шкулта 10 класс пĕтернĕ çул Канашри педагогика училищинче физкультура уйрăмĕ уçăлнă, амăшĕ унта вĕренме каймашкăн хытă ÿкĕтленĕ. Ахальтен мар Ольгăна учительсем спорт ăмăртăвĕсене тăтăшах илсе çÿренĕ. Хĕр йĕлтĕрпе те, конькипе те аван чупнă, волейболла вылянă, çăмăл атлетикăра палăрнă. Çитĕнÿсем туман мар. Акă шорт-трек енĕпе /конькипе чупассипе/ республикăра 2, 3-мĕш вырăнсем çĕнсе илнĕ. Спорта юратнă пулин те малашнехи пурнăçне унпа çыхăнтарас шухăшлă пулман хĕр. Амăшĕн сăмахĕпе килĕшмен. Апат-çимĕç хатĕрлеме кăмăлланăран ăна пуринчен ытла кондитер профессийĕ илĕртнĕ. Шупашкарти кулинари училищинче повара вĕренсе тухнă. Пултарулăхне кура вĕрентекенсем ăна аслă пĕлÿ илме сĕннĕ. Шупашкар хулинче унашкал вĕренÿ заведенийĕ пулман. Аслă пĕлÿллĕ кондитера вĕренес тесен Петербурга çитиех кайма тивнĕ. Унта çул тытиччен 2-3 çул ĕçлемелле пулнă. Ниçта та кайман, республикăн тĕп хулинчех юлнă Оля.
Чăваш Республикин Пуçлăхĕн тивĕçĕсене вăхăтлăх пурнăçлакан Михаил Игнатьев сентябрĕн 9-мĕшĕнче Раççей Сывлăх сыхлав министерствин «Федерацин травматологи, ортопеди тата эндопротезировани центрĕ» ФГБОУра пулчĕ.
Сентябрь уйăхĕн 8-мĕшĕнче Чăваш Республикин Министрсен Кабинечĕн Председателĕн çумĕ - сывлăх сыхлавĕпе социаллă аталану министрĕ Алла Самойлова Шупашкар тата Çĕнĕ Шупашкар хулисенчи медицина учрежденийĕсенче юсав ĕçĕсем мĕнле пынипе вырăна çитсе паллашрĕ.
Тĕп хуламăрăн Мускав районĕн Элкер урамĕнче пурăнакансемшĕн ĕнер чăн-чăн уяв çитрĕ тесен те йăнăш пулас çук: 18-мĕш çуртра вĕсем валли пĕтĕмĕшле практика врачĕн офисĕ хута кайрĕ. Ăна уçнă ятпа ирттернĕ савăнăçлă мероприятие Чăваш Ен Пуçлăхĕн тивĕçĕсене вăхăтлăх пурнăçлакан Михаил Игнатьев, Чăваш Республикин Министрсен Кабинечĕн Председателĕн çумĕ - сывлăх сыхлавĕпе социаллă аталану министрĕ Алла Самойлова, Шупашкар хула пуçлăхĕ Леонид Черкесов, Шупашкар хула пухăвĕн депутачĕ Владимир Викторов, официаллă ытти çынсем хутшăнчĕç.
Чăваш Республикин Пуçлăхĕн 2015 çулхи сентябрĕн 10-мĕшĕнче кăларнă 121-мĕш указĕпе килĕшÿллĕн ял хуçалăхĕнчи тава тивĕçлĕ ĕçсемшĕн тата нумай çул тÿрĕ кăмăлпа ĕçленĕшĕн Елчĕк районĕнчи «Прогресс» акционерсен хупă обществин механизаторне Владимир Ильич ВОРОНЦОВА, Хĕрлĕ Чутай районĕнчи Н.И.Лисаев хресчен /фермер/ хуçалăхĕн трактористне Георгий Геннадьевич СУДАКОВА, Пăрачкав районĕнчи тулли мар яваплă «Простор» сăнавпа производство хуçалăхĕ» общество трактористне Александр Иванович ЧЕРЕПКОВА «ЧĂВАШ РЕСПУБЛИКИН ТАВА ТИВĔÇЛĔ МЕХАНИЗАТОРĔ» хисепл
Ĕнер республикăри Хĕрарăмсен канашĕн XVII-мĕш отчетпа суйлав съезчĕ иртрĕ. Унăн ĕçне Чăваш Республикин Пуçлăхĕн тивĕçĕсене вăхăтлăх пурнăçлакан Михаил Игнатьев та хутшăнчĕ.
Чăваш Республикин Пуçлăхĕн тивĕçĕсене вăхăтлăх пурнăçлакан Михаил Игнатьев сентябрĕн 9-мĕшĕнче Комсомольски район администрацийĕн пуçлăхĕпе Алексей Самаркинпа тĕл пулнă. Регион ертÿçине Алексей Александрович хăйĕн должноçне йышăннăранпа икĕ уйăх иртнĕ тапхăрта тунă ĕç-хĕл çинчен каласа кăтартнă. Çак вăхăтра вăл хăйне шанса панă территорипе тĕплĕ паллашнă: «Районăн пуласлăхĕ пысăк, çирĕп хуçалăхсем, пултаруллă ертÿçĕсем пур, вĕсемпе тачă çыхăну йĕркелетпĕр...»
Чăвашла верси
Русская версия
