Сентябрĕн 21-мĕшĕнче Чăваш Ен Пуçлăхĕ Михаил Игнатьев ЧР Министрсен Кабинечĕн Председателĕн тивĕçĕсене пурнăçлакан Иван Моторинпа ĕçлĕ тĕлпулу ирттернĕ.
Регион ертÿçи Иван Моторина Чăваш Ен Правительствине ертсе пыма сĕннĕ: «Эпир сирĕнпе пĕр-пĕрне шанса ĕçлерĕмĕр. Сирĕн кандидатурăна Чăваш Республикин Министрсен Кабинечĕн Председателĕн должноçне йышăнмашкăн Чăваш Енĕн Патшалăх Канашне сĕнме палăртатăп. Сире, эпир ĕçлеме пултаракан Министрсен Кабинетне йĕркелессе шанатăп».
Республика Пуçлăхĕ Михаил Игнатьев ертсе пынипе влаç органĕсен, федераци ведомствисен территори органĕсен, хула-район ертÿçисемпе эрне пуçламăшĕнче ирттерекен йăлана кĕнĕ канашлăвĕ иртрĕ.
Пĕтĕм Раççей ялхуçалăх çыравне республикăра пурăнакан çамрăксем ырласа йышăнма пултарччăр, унăн кăтартăвĕсен пĕлтерĕшĕ тĕлĕшпе общественноçа тимлĕрех пулма ыйтас, çĕр çыннин ĕçĕ-хĕлĕпе ялти пурнăçа тивĕçлипе хаклассине ÿстерес тесе Чăвашстат тата ЧР Ялхуçалăх министерстви «Хыпар» издательство çурчĕ» АУпа пĕрле ачасен ÿкерчĕкĕсен «Савнă ялăм, тăван ял» конкурс ирттересси çинчен пĕлтереççĕ.
Пĕтĕм Раççей ялхуçалăхĕн 2016 çулхиJçыравĕн талисманне туса хурас тĕллевпе ирттернĕ конкурсра Самар тăрăхĕнчи Сызраньте пурăнакан Наталья Иванова мала тухнă. Палăртнă йĕрке тăрăх çĕнтерÿçĕ сумлă премие - 50 пин тенкĕне - тивĕçет.
Хальхи вăхăтра кашни виççĕмĕш çамрăка çурт-йĕр ыйтăвĕ кăсăклантарать. Тин çеç ура çине тăраççĕ пулин те вĕсенчен чылайăшĕ хваттер туянмашкăн банкра кредит илме васкать. Анчах ăна уйăхсерен тÿлесе тăрасси ай-ай пит çăмăл мар. Кризис тапхăрĕнче пушшех те.
Чулхула облаçĕнчи Дальнеконстантиновски районĕнчи «Тепелево» акционерсен уçă обществинче машинăпа ĕне сăвакансен Пĕтĕм Раççейри çирĕм пиллĕкмĕш конкурсĕ иртнĕ. Унта Тăвай районĕнчи «Фирма Акконд-агро» акционерсен хупă обществинчи Екатерина Георгиева /сăнÿкерчĕкре/ Чăваш Ен чысне хÿтĕленĕ.
Нумаях пулмасть Мурманскра çĕнĕ палăк, çĕршывĕпех паллă летчике, Раççей Федерацийĕн Геройне Тимур Апакидзе генерал-майора хисеплесе лартнăскер, уçăлчĕ.