Шупашкарти Калинин районĕнчи следстви уйрăмĕ 31 çулти арçын тĕлĕшпе уголовлă ĕç пуçарнă. Ăна Çар комиссариачĕ 2004 çултанпа шыранă. Вăл салтака каясран тарса çÿренĕ тесе шухăшлаççĕ.
Сентябрĕн 21-мĕшĕнче Чăваш Ен Пуçлăхĕ Михаил Игнатьев РФ Пенси фончĕн республикăри уйрăмĕнче пулнă, унăн управляющине Роза Кондратьевăна юбилей ячĕпе саламланă.
Редакцие пĕр хĕрарăм килчĕ. Унăн ялта пурăнакан ашшĕ, «Хыпар» хаçата нумай çул тăршшĕ пĕр сиктерми çырăнаканскер, юратнă пичет кăларăмне йĕркеллĕн илсе тăрайми пулнă-мĕн. Ватă çын пăшăрханăвне чĕрине çывăха илекен хĕрĕ сых ятне тенешкел хаçат çырăнни çинчен квитанцие те чиксе килнĕ. Хаçатăн индексне те, çурçуллăх хакне те... - йăлтах тĕрĕс палăртнă унта. Чăрмавĕ мĕнре, камра пулнине тĕпчесе пĕлме вырăна çитсе килмешкĕн шут тытрăмăр. Тепĕр тесен, Çĕрпÿ районĕнчи Патăрьел тăрăхĕнче «Хыпар» вулаканĕсем сахалăн пулакан марччĕ - хамăр туссемпе курнăçса вĕсен савăнăçĕ-нуши çинчен пĕлме эпир яланах хавас.
Çĕршывăн ытти регионĕнчи пекех пирĕн республикăра та Пĕтĕм Раççейри ялхуçалăх çыравĕн пĕлтерĕшлĕ хатĕрленÿ тапхăрĕ сентябрь уйăхĕн 15-мĕшĕнче вĕçленчĕ - регистраторсем 2016 çулта çыравăн суйласа илнĕ обCекчĕсен списокĕсене тишкерсе пĕтерчĕç.
Иртнĕ эрнере Чăваш Енри промышленноç продукцийĕн саккунсăр çаврăнăшне çул пÿлес енĕпе ĕçлекен комиссийĕн ларăвĕ иртрĕ.
Кĕрхи кунсем çитрĕç, çанталăк сулхăнланса пырать. Кун пек чухне шăнса пăсăлас, гриппа чирлес хăрушлăх ÿсет. Çакна тĕпе хурса теветкеллĕх ушкăнне кĕрекенсене амак сарăлма тытăниччен иммунизацилеççĕ.
Тухтăрсем асăрхаттарнă тăрăх - ашшĕ-амăшĕ ачине вакцинацилеме килĕшменни - унăн пурнăçĕн тата сывлăхĕн правине хĕсни. Профилактикăн шанчăклă мелĕпе усă курни вара чире сирнипе пĕрле ун хыççăнхи йывăрлăхран та хăтарать.
Вакцинацие медицина организацийĕсенчи прививка кабинечĕсенче, çавăн пекех ача-пăча вĕренÿ учрежденийĕнче тÿлевсĕр тăваççĕ.
ЧР Сывлăх сыхлавĕпе социаллă аталану министерствинче ачасене полиомиелитран вакцина профилактики тăвас ыйтусемпе семинар-канашлу иртнĕ. Унта Шупашкар хулинчи ача-пăча больницисен ертÿçисем, Роспотребнадзорăн Чăваш Енри управленийĕн специалисчĕсем хутшăннă.
Федерацин потребительсен правине, çынсен тăнăçлăхне хÿтĕлекен тытăмĕнчи надзор служби палăртнă тăрăх тата халăхăн миграци куçăмĕ вăйланса пынине шута илсе полиомиелит чирĕ пирĕн çĕршывра сарăлас хăрушлăх ÿсет.
Пĕтĕм Раççейри «Обязательнăй пенси страхованийĕн 2015 çулхи чи лайăх страхователĕ» конкурс вăй илчĕ.
Ăна иртнĕ çулхи кăтартусем тăрăх курăмсăр майпа ирттереççĕ: Пенси фондне страховани взносĕсене вăхăтра тата тулли виçепе куçармалла, отчета палăртнă тапхăрта тата йăнăшсемсĕр çитермелле: çавăн пекех тара тытса ĕçлеттерекенсене обязательнăй пенси страхованийĕн тытăмĕнче кая юлмасăр регистрацилемелле.
Конкурса çитес çулхи май уйăхĕнче ĕçпе тивĕçтерекенсен Пенси фондĕнче упранакан отчечĕсене тĕпе хурса пĕтĕмлетеççĕ.
Федераци çăмăллăхçисен 2016 çулта социаллă пулăшу пуххине мĕнле майпа тивĕçессине кăçалхи юпа уйăхĕн 1-мĕшĕччен уçăмлатмалла: е тÿлевсĕр эмеле, санаторипе курорт сиплевĕн путевкине, хулаçум пуйăсĕпе тÿлевсĕр çÿрессине, е вĕсен укçа эквивалентне суйласа илмелле.
2015 çулхи сентябрь уйăхĕн 29-мĕшĕнче, Аслă ăру çыннисен кунĕ умĕн, Раççей Федерацийĕн Президенчĕн Чăваш Енри йышăну пÿлĕмĕнче 10 сехетрен пуçласа 12-чен граждансен пенси прависене хÿтĕлес енĕпе «хĕрÿ лини» телефонĕ иртет, унта Раççей Пенси фончĕн республикăри уйрăмĕн управляющийĕ хутшăнать.
Чăвашла верси
Русская версия
