Новости по теме
«Ялхуçалăх çыравĕ çинчен эсир мĕн пĕлетĕр?» викторина
Наталья кĕмĕл медаль илнĕ
Сентябрĕн 21-23-мĕшĕсенче Китайра йывăр атлетика енĕпе ăмăрту иртнĕ. Унта çĕнтернĕ спортсменсем Рио-де-Жанейрăра 2016 çулта иртекен Олимп вăййисене хутшăнма пĕр утăм çывхараççĕ.
Крымра - чăвашсен пĕрлешĕвĕсем
Крым Республикинче чăвашсен наципе культурин пĕрлешĕвĕсем йĕркеленнĕ. Виçĕ пĕрлешĕве кĕçех юстици органĕсенче регистрацилĕç.
Учредитель пухăвĕ Крымра сентябрĕн 19-мĕшĕнче иртнĕ. Чăвашсен наципе культурин автономийĕсем Ялтăра тата Симферопольте йĕркеленнĕ. Çав кунах кунашкал организацие Севастопольте тума йышăннă. Çапла майпа Раççейре тата ют çĕршывсенче чăвашсен пĕрлешĕвĕсен йышĕ 99-а çитĕ.
Мăшăрланмалли зал
Шупашкарта ку таранччен çамрăксем Мăшăрлану керменĕнче хут уйăрттарнă. Хĕрÿ тапхăрта, çулла, унта черет пысăкчĕ. Халĕ тĕп хулара мăшăрланмалли тепĕр зал ĕçлеме тытăннă.
Вăл - Шупашкарти Калинин районĕнче. Зал çемье çавăрма шухăш тытнисене сентябрĕн 19-мĕшĕнче йышăнма пуçланă. Çак кун мăшăра регистрациленĕ тата пĕрлешнĕренпе нумай çул пурăнакансене чысланă.
Пысăк хăвăртлăхлă магистраль пирки
Чăваш Енре «Мускав - Хусан» пысăк хăвăртлăхлă магистрале тăвас ыйтăва сÿтсе явнă. Хальлĕхе палăртнă тăрăх, вăл республикăри тăватă район урлă иртсе кайĕ.
Операци хыççăн вилнĕ
Шупашкарти Ленин районĕн сучĕ пĕр больницăри реаниматолог анестезиолог тĕлĕшпе уголовлă ĕç пуçарнă. Вăл професси тивĕçĕсене пурнăçланă чухне çынна асăрханмасăр вĕлернĕ тесе шухăшлаççĕ.
Следстви версийĕ акă мĕн пĕлтерет: кăçалхи июлĕн 13-мĕшĕнче çак тухтăр операци ирттернĕ. Анчах 48 çулти пациент çур сехетрен сывлама чарăннă. Судпа медицина экспертизи палăртнă тăрăх, хĕрарăм тĕрĕс мар тунă операцие пула куçне яланлăхах хупнă. Халĕ уголовлă ĕçе малалла уçăмлатаççĕ.
Салтака каяс вырăнне - Мускава
Шупашкарти Калинин районĕнчи следстви уйрăмĕ 31 çулти арçын тĕлĕшпе уголовлă ĕç пуçарнă. Ăна Çар комиссариачĕ 2004 çултанпа шыранă. Вăл салтака каясран тарса çÿренĕ тесе шухăшлаççĕ.
Юбилей ячĕпе саламланă
Эпир хамăрăн вулакансене хисеплетпĕр, хаклатпăр, хÿтĕлетпĕр
Редакцие пĕр хĕрарăм килчĕ. Унăн ялта пурăнакан ашшĕ, «Хыпар» хаçата нумай çул тăршшĕ пĕр сиктерми çырăнаканскер, юратнă пичет кăларăмне йĕркеллĕн илсе тăрайми пулнă-мĕн. Ватă çын пăшăрханăвне чĕрине çывăха илекен хĕрĕ сых ятне тенешкел хаçат çырăнни çинчен квитанцие те чиксе килнĕ. Хаçатăн индексне те, çурçуллăх хакне те... - йăлтах тĕрĕс палăртнă унта. Чăрмавĕ мĕнре, камра пулнине тĕпчесе пĕлме вырăна çитсе килмешкĕн шут тытрăмăр. Тепĕр тесен, Çĕрпÿ районĕнчи Патăрьел тăрăхĕнче «Хыпар» вулаканĕсем сахалăн пулакан марччĕ - хамăр туссемпе курнăçса вĕсен савăнăçĕ-нуши çинчен пĕлме эпир яланах хавас.