Новости по теме

Мускавра пурăнакан чăвашсем кроса хатĕрленеççĕ. Октябрь уйăхĕн 24-мĕшĕнче "Сокольники" паркра чăваш кросĕ пĕрремĕш хут иртĕ. Ăна Ардалион Игнатьев ячĕпе хисеплĕç.

Кросс ирттересси пирки Чăваш Республикин РФ Президенчĕ çумĕнчи полномочиллĕ представителĕ Леонид Волков тата парк директорĕ Андрей Лапшин тĕлпулура калаçса татăлнă. Ăмăртăва тĕрлĕ ушкăнра ирттерме палăртнă. 14 çул тултарманнисем, 18-а çитменнисем, 50 çулчченхи хĕрарăмсемпе арçынсем тата аслăраххисем уйрăммăн тупăшĕç. Кроса хутшăнакансем 10 сехет тĕлне пухăнĕç. Ăмăрту 11 сехетре пуçланĕ.

Сентябрĕн 25-мĕшĕнче йĕрке хуралне Муркаш районĕнчи Юрпаш ялĕ çывăхĕнче «Лада Калина» автомобиль çунни пирки пĕлтернĕ. МЧС ĕçченĕсем çулăма сÿнтернĕ хыççăн водитель ларкăчĕ çинче 49 çулти хĕрарăм виллине тупнă. Ку ĕç тĕлĕшпе Етĕрнери районсен хушшинчи следстви уйрăмĕ следстви умĕнхи тĕрĕслев ирттерет.

Кăçалхи августăн 17-мĕшĕнче Шупашкарти çĕнĕ кăнтăр районĕнчи супермаркетсенчен пĕринче ÿсĕр хĕр икĕ булкăпа салата, пурĕ 64 тенкĕлĕх, укçа тÿлемесĕрех илсе тухма тăнă. Суту-илÿ залĕн ĕçченĕ вăрра асăрханă та полицие пĕлтернĕ. Йĕрке хуралçисем çимелли йăкăртса тухнă хĕре полици уйрăмне пыма ыйтнă. Анчах хĕр унта кайма хирĕçленĕ, вăйлах турткалашнă. Пакунлисем автомобиле ăна вăйпа лартнă чухне пике, хырăмĕ выçнăран-ши, малтан - пĕр полицейские, кайран теприне сулахай алăран çыртнă. Çапах хăйне йĕркеллĕ тытма пĕлменскере алхасма паман.

Ятарласа та мар, ял-ял витĕр çÿренĕ чухне, ăнсăртран пирĕн куç тĕлне тĕл пулаççĕ вĕсем, ишĕлекен клубсем. Халăха илĕртсе савăнăç парнеленĕскерсен шăпи мĕншĕн çавнашкал хурлăхлă вĕçленнĕ-ха? Ял çыннисен, çамрăкĕсен культура шайĕ пĕчĕкленсе пынипе ишĕлнĕ çуртсен хушшинче çыхăну пур-и? Клубсăр ялсене çитсе курнă хыççăн нумай ыйту канăç памасть. Çак кунсенче Красноармейски районĕнче çÿренĕ май асăрханă ÿкерчĕксем те чуна ыраттарчĕç.