Новости по теме

7 Юпа, 2015

Унăн ĕçĕсене йăлтах «5» паллăпа хакламалла

Елчĕкри историпе таврапĕлÿ музейĕнче йывăçа эрешлесе касакан Борис Пятаковăн «Чăнлăх - илемре» куравĕ уçăлнă. Ăна уçнă çĕре Елчĕк район администрацийĕн культура пайĕн пуçлăхĕ Антонина Александрова, культура ĕçченĕсем, Борис Михайловичăн тăванĕсем, юлташĕсемпе ĕçтешĕсем хутшăннă.

6 Юпа, 2015

Пĕтĕм тĕнче утать

Пĕтĕм тĕнчери массăллă спорта аталантарма пулăшакан ассоциаци йĕркеленипе 1991 çултанпа Пĕтĕм тĕнчери утмалли куна паллă тăваççĕ. Октябрĕн пĕрремĕш шăматкунĕнче 150 çĕршывра пурăнакан пин-пин çын палăртнă вырăна утма тухать. Пĕлтĕр çак уява пирĕн патра та ирттерме пуçларĕç. Вăл Шупашкарта «Раççей - спорт çĕршывĕ» форум вăхăтĕнче старт илчĕ.

6 Юпа, 2015

Сочири инвестици форумĕ: пысăк шайри тĕлпулусем

Импорт вырăнне - хамăрăн продукци

Октябрĕн 3-мĕшĕнче Пĕтĕм тĕнчери «Сочи-2015» инвестици форумĕнче Чăваш Ен Пуçлăхĕ Михаил Игнатьев Правительствăн импорта улăштарас енĕпе ĕçлекен комиссийĕн Дмитрий Медведев премьер-министр ертсе пынипе иртнĕ ларăвне хутшăннă.

6 Юпа, 2015

Шăматкун çил-тăвăл «аташрĕ»...

2014 çулхи октябрĕн 17-мĕшĕнче Чăваш Енри темиçе муниципалитет территорийĕнче пурăнакансене çутçанталăк халиччен пулман синкер кăтартнине çынсем манман пулĕ-ха. Тĕрĕссипе, ăна манма ниепле те май çук. Пăрлă çумăр тата йĕпе юр çунă май электропередача линийĕсем йывăрăша чăтаймасăр татăлнă. Çуртсене, ытти об<ектсене электроэнерги пырса тăма чарăннă. Йывăç тăррисем хуçăла-хуçăла аннă... Аса илме те хăрушă.

6 Юпа, 2015

Следстви кăтартĕ

«Следствие покажет» - РФ Следстви комитечĕн массăллă информаци хатĕрĕсемпе çыхăну тытакан управленийĕ пуçарнипе çакăн пек ятпа «Красный квадрат» студи телекăларăмсен ярăмне хатĕрленĕ, вăл Пĕрремĕш каналпа эфира тухĕ. Документлă ярăм никĕсне СК следователĕсем тĕпченĕ чăн уголовлă ĕçсен материалĕсене хывнă.

Проекта комитетăн тĕп криминалистика управленийĕн сотрудникĕсем, çавăн пекех регионсенчи следстви управленийĕсен следователĕсем хутшăннă. Тĕрлĕ вăхăтри пулăмсене актерсене тата преступленисене уçса пама тÿрремĕнех хутшăннисене явăçтарса реконструкциленĕ.

6 Юпа, 2015

Общество палатин эмблеми пулĕ

Çитĕнĕкен ăрăва тăван республикăн историйĕпе тĕплĕнрех паллаштарас, унăн граждан позицине çирĕплетес тĕллевпе Чăваш Республикин Общество палати хăйĕн эмблемин конкурсне ирттерме йышăннă. Вăл икĕ тапхăрпа иртĕ: пĕрремĕшĕ - октябрĕн 30-мĕшĕччен, ик­кĕмĕшĕ /пĕтĕмлетÿ/ - октябрĕн 30-мĕшĕнчен пуçласа - ноябрĕн 10-мĕшĕччен. Ĕçсене октябрĕн 30-мĕшĕччен йышăнаççĕ. Çĕн­терÿçĕне Палатăн Канашĕн ларăвĕнче палăртаççĕ, ăна Дипломпа, хавхалантаракан парнепе чыслаççĕ. Ытти лайăх ĕçсене те уйрăм парнесемпе палăртĕç. Конкурс пирки /8352/ 39-35-86 е 38-35-67 номерсемпе шăнкăравласа уçăмлатма пулать.

Pages