Çак сăвă йĕркисене вуланинчен пуçланчĕ те нумай пулмасть ЧР вĕренÿ институтĕнче иртнĕ тăван чĕлхепе вырăс чĕлхи учителĕсен ăсталăх урокĕсен Пĕтĕм Раççейри фестивалĕ.
Унăн тĕп тĕллевĕ - тăван чĕлхе вĕрентекенĕн профессийĕн хисепне тата ачасен пĕлÿ туртăмне ÿстересси.
Чăваш кĕнеке издательстви регионсен хушшинче 5-мĕш хут иртнĕ «Чăваш кĕнеки. Çамрăк талантсем» конкурса пĕтĕмлетнĕ. Çĕнтерÿçĕсене ÿсĕме кура палăртнă. Вĕсене чÿк уйăхĕн 3-мĕшĕнче Республикăри ачасемпе çамрăксен библиотекинче чыслĕç.
Чăваш патшалăх оперăпа балет театрĕ опера фестивалĕ ирттерме хатĕрленет. Ăна кăçалхипе 25-мĕш хут йĕркелĕç.
Юпа уйăхĕн 22-31-мĕшĕсенче Катар çĕршывĕнчи Доха хулинче хусканупа тĕрев енчен сусăр спортсменсен йышĕнче çăмăл атлетика енĕпе тĕнче чемпионачĕ иртет. Унта 100 çĕршыври 1300 яхăн спортсмен вăй виçеççĕ. Ăмăртура пирĕн ентеш медаль çĕнсе илнĕ.
Елена Свиридова /хĕр чухнехи хушамачĕ - Иванова/ 200 метрлă дистанцие 29,67 çеккунтра парăнтарса ылтăн медаль çĕнсе илнĕ кăна мар, Европăри рекорда та çĕнетнĕ. Елена ку çĕнтерĕве пĕчĕк ывăлне халалланă.
Юпа уйăхĕн 21-мĕшĕнче Улатăр хулинчи Пĕрремĕш май урамĕнчи пĕр çурт хваттерĕнче 66 çулти арçын виллине тупнă. Ăна вĕлерни палăрнăран йĕрке хуралçисем çийĕнчех уголовлă ĕç пуçарнă.
Çĕнĕ Шупашкар хулин сучĕ те кун йышши уголовлă ĕçе пăхса тухнă. Ашшĕне хĕненĕшĕн тата вĕлернĕшĕн çак хулара пурăнакан 47-ри арçынна çирĕп режимлă колоние 9 çуллăха лартма йышăннă.
Уголовлă ĕç материалĕсемпе паллашсан акă мĕн паллă пулчĕ: кăçалхи ака уйăхĕн 8-мĕшĕнче çĕрле çак арçын, эрех ĕçсе самаях ÿсĕрĕлнĕскер, тăван ашшĕне тискеррĕн хĕненĕ. 80 çулти арçыннăн темиçе аяк пĕрчи хуçăлнă, алли-ури суранланнă. Кунпа та лăпланман путсĕр арçын - ашшĕне пăвса вĕлернĕ. Ĕç-пуçа тишкернĕ вăхăтра тискер преступлени тунă арçын ăна унччен те пĕрре мар хĕнени çиеле тухнă.
Канаш районĕн сучĕ 40-ри арçын тĕлĕшпе тишкернĕ уголовлă ĕçе пăхса тухса йышăну кăларнă: ашшĕне вĕлернĕскере çирĕп режимлă колоние 12 çуллăха ăсатас.
ФОТОРЕПОРТАЖ Тимĕр вăййи хĕрсемпе яшсене спортпа туслашма хавхалантарать
Нумаях пулмасть Куславкка «Хыпар» турнирне йышăнчĕ. Атăл хĕрринчи хулара иртнĕ ăмăртăва 10 регионти вун-вун спортсмен хутшăнчĕ. «Атăл» спорт комплексĕ хăнасене ăшшăн кĕтсе илчĕ. Çак кунсенче ЧР тава тивĕçлĕ тренерĕн Иван Красновăн ларма-тăма та вăхăт пулмарĕ: спортсменсемпе хăнасене йышăнса вырнаçтармалла; ăмăрту вăхăтĕнчи йĕркелĕхе тĕрĕслесе тăмалла; çав вăхăтрах район командине те хатĕрлемелле.
27 октября Глава Чувашии Михаил Игнатьев обсудил вопросы развития образовательной инфраструктуры и социально-экономической политики с депутатом, заместителем Председателя Комитета Государственной Думы Федерального Собрания Российской Федерации по образованию Аленой Аршиновой.
Паян РФ Президенчĕн Чăваш Енри йышăну пÿлĕмĕнче РФ Наркотĕрĕслев службин Чăваш Республикинчи управленийĕн пуçлăхĕ Евгений Барсуков полици генерал-майорĕ граждансене йышăнать.
Йышăну Шупашкар хулинчи Ленинград урамĕнчи 36-мĕш çуртра /Президент бульварĕ енчен кĕмелле/ иртет. 15 се-
хетре пуçланать. Черете маларах çак телефонсемпе - 8/8352/ 62-22-33, 62-22-55 - шăнкăравласа çырăнма пулать.
Чăвашла верси
Русская версия
