Чÿк уйăхĕн 24-мĕшĕнче чăваш халăхĕн мухтавлă спортсменĕ, Олимп вăййисен бронза призерĕ Ардалион Игнатьев /1930-1998/ çуралнăранпа 80 çул çитет. Çак пулăма халалласа республикăн тĕрлĕ кĕтесĕнче пысăк мероприятисем йĕркелеме палăртнă.
Ачасен садиксенчи апатланăвĕшĕн ашшĕ-амăшĕ хывакан тÿлев виçи - чăннипех сисĕмлĕ тема. Ăна пысăклатас ыйтăва çĕклерĕç те - ку тÿрех пурне те калаçтарма тытăнчĕ. Çавăнпах-тăр ĕнер ЧР вĕренÿ министрĕ Владимир ИВАНОВ журналистсемпе курнăçрĕ, ыйтăва уçăмлатрĕ.
Чÿк уйăхĕн 10-мĕшĕнче Раççей Федерацийĕн Правительствин Председателĕ Дмитрий Медведев шкулсем тăвас тата реконструкцилес ыйтупа селектор канашлăвĕ ирттернĕ.
ЧР Наци библиотекинче «Çутçанталăкăн уйрăмах сыхлакан лаптăкĕсен биотĕрлĕлĕхне тĕпчесси» ыйтупа Пĕтĕм тĕнчери ăслăлăх практика конференцийĕ иртрĕ. Ăна «Сăрçи» заповедника йĕркеленĕренпе 20 çул çитнине халалларĕç.
Унăн директорĕ Евгений Осмелкин нумай регионтан пухăннисене усравлăх талккăшри чĕрчун хутлăхĕ, ÿсен-тăрана хÿтĕлес тĕлĕшпе учреждени коллективĕ пурнăçлакан ĕçсем, унăн умĕнчи тĕллевсем çинчен каласа пачĕ.
«Халăх фрончĕ» общество юхăмĕн пуçарăвĕпе пĕлтĕр иртнĕ «Чăнлăх тата тĕрĕслĕх» конкурсра Чăваш Енри виçĕ журналист малти вырăнсене йышăнни çинчен эпир пĕлтернĕччĕ.
Комисси пирĕн ĕçтешсен - Елена Зайцева /«Советская Чувашия»/, Марина Иванова /«Грани»/ тата Дарья Платонова /«Про Город»/ - ăсталăхне пысăк хак панă, социаллă пĕлтерĕшлĕ çивĕч темăсемпе çырнă хайлавĕсене премисемпе чысланă.
Шупашкарти политехника институчĕн историйĕ 60 çул каялла çырăнма тытăннă. Ун чухне вăл Пĕтĕм Союзри куçăнсăр майпа политехника пĕлĕвĕ паракан институтăн вĕренÿпе консультаци пункчĕ пулнă. Вăхăт иртнĕçем унăн никĕсĕ çинче Мускаври патшалăх машиностроени университечĕн филиалĕ йĕркеленнĕ. 2013 çултанпа Шупашкарти политехника институчĕ - Машиностроени университечĕн филиалĕ шутланать.
Паян Шупашкарта Пĕтĕм чăвашсен пĕрремĕш "Асам" кинофестивалĕ уçăлчĕ. Йĕркелÿçисем - ЧР Кинематографистсен союзĕ тата ЧР Культура, национальноçсен ĕçĕсен тата архив ĕçĕн министерстви.
Фестиваль пуçаруçисен тĕллевĕ пархатарлă: киноискусствăри пултаруллă çынсене тупса палăртасси, чăваш киностудийĕсен çитĕнĕвĕсене халăхра сарасси. Конкурса тăратнă ĕçсене тĕрлĕ номинаципе пахалĕç. Кинофильмсем кăтартнисĕр пуçне картинăсене пахалĕç, ăсталăх класĕсем, презентацисем ирттерĕç.
Налук службин ĕçченĕсем çитĕнÿсемпе савăнтараççĕ
Хăйсен ĕçне тивĕçлĕн туса пынă вăхăтрах спортзала çÿресе ÿт-пĕве тĕреклетме, тĕрлĕ ăмăртăва хутшăнса ăсталăха ÿстерме ĕлкĕреççĕ. Чăваш Ен инспекторĕсем спортра хастар пулнине Раççей налук службин çуллахи спартакиадин пĕтĕмлетĕвĕ те кăтартса пачĕ.
Кăвар чĕреллĕ Çеçпĕл Мишши 1899 çулхи чÿк уйăхĕн 16-мĕшĕнче килнĕ çак тĕнчене. Çапах юлашки çулсенче сăвăç çуралнине эрнекун паллă тăвассине йăлана кĕртрĕмĕр. Кăçал та унăн палăкĕ умне чÿк уйăхĕн 13-мĕшĕнчех пуçтарăнтăмăр. Ку мероприятие яланах пĕр çынсем хутшăнни çинчен çырма кирлех-ши?
Чăвашла верси
Русская версия
