Новости по теме

20 Чÿк, 2015

Эрехпе наркăмăшланнă

Чаплă эрех тесе сутнă контрафакт спирт хутăшĕпе чÿк уйăхĕн 10-14-мĕшĕсенче Шупашкар хулинче тата районĕнче 3 çын наркăмăшланса вилнĕ. Тата тепĕр çын больницăна лекнĕ.

- 20 çулти хĕр, 30-ти çамрăк хĕрарăм тата 22-ри каччă пурнăçĕ татăлнă. Вĕсем метил спирчĕпе наркăмăшланнă. Следстви комитечĕн республикăри управленийĕн пресс-служби пĕлтернĕ тăрăх - ку тĕслĕхсемпе каварлашнă ушкăн хăрушсăрлăх требованийĕсене тивĕçтермен продукци сутнă май асăрханмасăр икĕ е ытларах çынна вилĕм кÿнĕшĕн уголовлă ĕç пуçарнă. Полици преступлени тунă тесе шанман 4 çынна тытса чарнă.

Пулса иртни
20 Чÿк, 2015

Хăрушсăрлăх правилисем - Брайль шрифчĕпе

Раççей МЧСĕн Чăваш Республикинчи тĕп управленийĕн ĕçченĕсем çĕршывăн чрезвычайлă ведомствине туса хунăранпа 25 çул çитнине халалланă «25 ырă ĕç» акцие тăтăшах хутшăнаççĕ. Ырă ĕçсен пухмачĕ куçĕ япăх тата пачах курман çынсем валли кăларнă пособисемпе пуянланчĕ.

Пулса иртни
20 Чÿк, 2015

Çĕре камсем сухалĕç?

ЧР ял хуçалăх министрĕ Сергей Артамонов Красноармейскинче усă курман çĕре пусă çаврăнăшне кĕртессипе çыхăннă ыйтупа «çавра сĕтел» ирттернĕ. Унта ял администрацийĕсен, ял хуçалăх организацийĕсен тата ХФХ пуçлăхĕсем хутшăннă.

АПК ведомствин ертÿçи хытхура пуснă уйсене сухалассишĕн пыракан ĕçе кунтан ахальтен пуçламан. Трак тăрăхĕнче çăвĕпех çумкурăк ашкăракан лаптăк чылай. Миçе гектар йышăннине тĕрĕс палăртман министр райадминистраци пуçлăхне ятран тивмен лаптăксене кăçалтан ака-суха çаврăнăшне кĕртме сĕннĕ.

Ял хуçалăхĕ
20 Чÿк, 2015

Проект тÿлевсĕр тупра сĕнет

Раççейре 193 халăх пĕр-пĕринпе килĕштерсе, туслă пурăнать. Кашнин историйĕ хăйне евĕр пуян, культурипе йăли-йĕрки сĕм авалтан йĕркеленсе пынă.

Нумаях пулмасть паллă тунă Халăхсен пĕрлĕхĕн кунĕ аслă çĕршывра тĕпленнĕ халăхсен пĕрлĕхĕ никам аркатайми çирĕп пулнине уçăмлăн кăтартрĕ. Уяв умĕн Федерацин национальноçсен ĕçĕсен агентствипе «MyBook» электрон вулавăш «Эксмо» издательствăпа Мускаври А.Гайдар ячĕллĕ тĕп библиотека пулăшнипе «Страницы России» проект йĕркеленĕ.

Культура
20 Чÿк, 2015

Аслă шкул ĕçченĕсемпе тĕл пулчĕç

Кĕç-вĕç алла аттестат илме хатĕрленекенсене малаш пурнăç валли кирлĕ професси суйласа илме пулăшассине вĕренÿ заведенийĕсем хăйĕн тивĕçĕсенчен пĕри тесе шутлаççĕ. Акă нумаях пулмасть Шупашкарти темиçе аслă шкул представителĕсенчен йĕркеленĕ делегаци Етĕрне районĕнче пулчĕ.

Вĕрентÿ
20 Чÿк, 2015

Паян - Пĕтĕм тĕнчери ача кунĕ

Ăна Чăваш Енре Ачасене право пулăшăвĕ памалли кун пек паллă тăвĕç. Республикăри хуласемпе районсенче Раççей Минюсчĕн Чăваш Енри Управленийĕн, федерацин ĕç тăвакан влаç органĕсен территорири органĕсен представителĕсем, Чăваш Енри Ача прависене хÿтĕлекен Уполномоченнăй, патшалăх влаç органĕсемпе вырăнти хăйтытăмлăх, нотариуспа адвокатсен пĕрлĕхĕн, Раççей Юрисчĕсен ассоциацийĕн республикăри уйрăмĕн, коммерциллĕ мар тата вĕренÿ организацийĕсен элчисем хутшăннипе мероприятисем иртеççĕ.

Çамрăксем
20 Чÿк, 2015

Томск тăрăхĕнчи чăвашсен пĕрлĕхĕ - 20 çулта

Томск облаçĕнчи чă­вашсен пĕрлĕхне 1995 çулта тăван чĕлхене, йăла-йĕркене тата культурăна упраса хăварас тĕллевпе йĕркеленĕ. Наци культура центрне туса хуракансен йышĕнче Яков Мульдияров, Емельян Мульдияров, Александра Крестова тата хастар ытти Çĕпĕр чăвашĕ пулнă.

Культура
ЧНК хыпарĕсем
20 Чÿк, 2015

"Шкул шăпчăкĕ"

Çак ятпа Шупашкар хулинчи Трактор тă­вакансен культура керменĕнче чăваш халăх юррисене юратакан шкул ачисемпе вĕрентекенсен республикăри конкурсĕ иртрĕ. Конкурса йĕркелекенсем - Трактор тăвакансен культура керменĕ, Чăваш наци конгресĕ тата Чăваш Республикинчи Учительсен ассоциацийĕн чăваш чĕлхипе литературине вĕрентекенсен секцийĕ.

Культура
ЧНК хыпарĕсем
20 Чÿк, 2015

Аслă ăру пурнăçа лайăх ăнланать

Чăваш наци конгресĕн президенчĕ Николай Угаслов йыхравланипе пирĕн шанчăклă та сумлă Ваттисен канашĕн пайташĕсем уяв кĕрекине пуçтарăнчĕç.

Пурĕ çирĕм пиллĕкĕн вĕсем: чăваш халăхĕн чи хисеплĕ, аслă çыннисем. Сумлă çак йышра - хăй вăхăтĕнче министрта ĕçленĕ çынсем, ăсчахсем, çыравçăсем, таврапĕлÿçĕсем, профессорсем, халăх хисеплекен аксакалсем.

Культура
ЧНК хыпарĕсем
20 Чÿк, 2015

Ăçта вилĕм сутнине пĕлтер!

Чăваш Енре ĕнер Пĕтĕм Раççейри «Ăçта вилĕм стунине пĕлтер» акци пуçланнă. Вăл чÿк уйăхĕн 27-мĕшĕччен пырĕ.

ЧР Наркотĕрĕслев управленийĕн пресс-служби палăртнă тăрăх - профилактика, сиплев тата реабилитаци ыйтăвĕсемпе çыхăннă информацие халăх патне çитересси, çавăн пекех регион территорийĕнче наркопреступленисен шутне чакарасси акцин тĕп тĕллевĕ шутланать. «Çынсем çак инкеке курмăш туса ан иртчĕр, саккунсăр ĕçсем çинчен право хуралĕн органĕсене пĕлтерччĕр, вăхăтра психологсемпе наркологсенчен пулăшу ыйтма пултарччăр», - теççĕ наркополицейскисем.

акци

Pages

Хыпарсем