Новости по теме

23 Чÿк, 2015

Репертуар хушăннă

Çеçпĕл Мишши ячĕллĕ Чăваш патшалăх çамрăксен театрĕнче Денис Фонвизинăн «Недоросль» камичĕ хăйĕн кураканне тупрĕ. Çак ĕç шкул ачисемшĕн тата студентсемшĕн уйрăмах кăсăклă. Унăн режиссерĕ - Вячеслав Оринов.

К.В.Иванов ячĕллĕ Чăваш патшалăх академи драма театрĕн репертуарĕ Николай Терентьев пьеси тăрăх хатĕрленĕ «Манăн çăлтăр тÿпере» çĕнĕ спектакльпе пуянланчĕ. Режиссерĕ - Наталия Сергеева. Çак ĕçре çамрăксен пурнăçне сăнланă.

23 Чÿк, 2015

Акци пуçланнă

Чÿк уйăхĕн 16-мĕшĕнчен пуçласа Раççейре «Вилĕм ăçта сутнине пĕлтер» акци пуçланнă. Республикăра вăл пĕрремĕш хутчен иртмест. Халĕччен ку акцие 2200 ытла çын хутшăннă. Çынсем наркăмăшлă япаласем ăçта сутнине пĕлтернин витĕмĕ пысăк. Çавăнпах наркопритонсем вырнаçнă, наркăмăш сутакан вырăнсем çинчен талăкĕпе ĕçлекен «шанăç телефонĕпе» - 8/8352/ 23-01-00 шăнкăравласа пĕлтермелле. Ятăр-шывăр вăрттăнлăхра юлĕ. info@21.fskn.gov.ru электрон адреспа çыру та яма юрать.

Татьяна НИКОЛАЕВА.

23 Чÿк, 2015

Пуйма килнĕ «хăнасем»

Республикăри наркополицейскисем юпа уйăхĕн вĕçĕнче Чăваш Енре Анат Тагил икĕ çыннине тытнă. Вĕсем пирĕн тăрăха синтетика наркотикĕсем сутса хăйсен бизнесне сарас тĕллевпе килнĕ.

Гастролерсем темиçе уйăх наркăмăша вăрттăн вырăнсене хурса-салатса пурăннă. Хăйсене тытасран асăрханнă вĕсем: синтетикăна алăран паман, Интернетра ят палăртмасăр çырнă. Темле вăрттăн хăтлансан та палăрмасăр юлман вĕсем, наркополицейскисен аллине лекнĕ. Тăван тăрăхне «наркоусламçăсем» урăх статуспа таврăнĕç.

23 Чÿк, 2015

Тетте пуçтарманшăн...

Хулари Калинин районĕнчи следстви уйрăмĕ 27 çулти арçын тĕлĕшĕпе уголовлă ĕç пуçарнă. Шупашкар арçыннине икĕ çулти хĕрне вĕлерме пултарнă тесе шанмаççĕ.

Следстви версийĕ тăрăх, чÿк уйăхĕн 15-мĕшĕнче ÿсĕрскер икĕ çулти ачипе вăрçăннă. Шăв-шав çĕклени çитмен ăна, пĕчĕкскерне хĕненĕ те. Ку та çителĕксĕр пек туйăннă курăнать - мăйĕнчен аллипе пăвнă. Хĕрача вырăнтах вилсе кайнă.

Ашшĕ ăнлантарнă тăрăх, вăл çак усал утăма тĕпренчĕкĕ хăй хыççăн тетте пуçтарманнипе тунă.

Следстви ĕç-пуçа малалла тишкерет.

 

Анна НИКОЛАЕВА.

21 Чÿк, 2015

Телейлĕ çул пултăр!

Паян республикăри Шалти ĕçсен министерствин пĕрлештернĕ отрячĕ Çурçĕр-Кавказ регионне командировкăна тухса кайрĕ. Нумай вăхăтлăха Чăваш Ен тулашĕнче служба тивĕçĕсене пурнăçлама каякан полицейскисене çывăх çыннисемпе тăванĕсем, республика ертÿлĕхĕ Хĕрлĕ лапамра чаплă лару-тăрура ăсатрĕç.

20 Чÿк, 2015

Çамрăксен министрĕсене палăртнă

Чăваш Республикин Çамрăксен правительствине туса хурасси çинчен калакан Указа Чăваш Ен Пуçлăхĕ Михаил Игнатьев 2015 çул пуçламăшĕнче алă пуснăччĕ. Хальхи вăхăтра унăн йышне çирĕплетнĕ, унта пĕтĕмпе 12 çамрăк министр кĕнĕ.

20 Чÿк, 2015

Эрехпе наркăмăшланнă

Чаплă эрех тесе сутнă контрафакт спирт хутăшĕпе чÿк уйăхĕн 10-14-мĕшĕсенче Шупашкар хулинче тата районĕнче 3 çын наркăмăшланса вилнĕ. Тата тепĕр çын больницăна лекнĕ.

- 20 çулти хĕр, 30-ти çамрăк хĕрарăм тата 22-ри каччă пурнăçĕ татăлнă. Вĕсем метил спирчĕпе наркăмăшланнă. Следстви комитечĕн республикăри управленийĕн пресс-служби пĕлтернĕ тăрăх - ку тĕслĕхсемпе каварлашнă ушкăн хăрушсăрлăх требованийĕсене тивĕçтермен продукци сутнă май асăрханмасăр икĕ е ытларах çынна вилĕм кÿнĕшĕн уголовлă ĕç пуçарнă. Полици преступлени тунă тесе шанман 4 çынна тытса чарнă.

20 Чÿк, 2015

Хăрушсăрлăх правилисем - Брайль шрифчĕпе

Раççей МЧСĕн Чăваш Республикинчи тĕп управленийĕн ĕçченĕсем çĕршывăн чрезвычайлă ведомствине туса хунăранпа 25 çул çитнине халалланă «25 ырă ĕç» акцие тăтăшах хутшăнаççĕ. Ырă ĕçсен пухмачĕ куçĕ япăх тата пачах курман çынсем валли кăларнă пособисемпе пуянланчĕ.

20 Чÿк, 2015

Çĕре камсем сухалĕç?

ЧР ял хуçалăх министрĕ Сергей Артамонов Красноармейскинче усă курман çĕре пусă çаврăнăшне кĕртессипе çыхăннă ыйтупа «çавра сĕтел» ирттернĕ. Унта ял администрацийĕсен, ял хуçалăх организацийĕсен тата ХФХ пуçлăхĕсем хутшăннă.

АПК ведомствин ертÿçи хытхура пуснă уйсене сухалассишĕн пыракан ĕçе кунтан ахальтен пуçламан. Трак тăрăхĕнче çăвĕпех çумкурăк ашкăракан лаптăк чылай. Миçе гектар йышăннине тĕрĕс палăртман министр райадминистраци пуçлăхне ятран тивмен лаптăксене кăçалтан ака-суха çаврăнăшне кĕртме сĕннĕ.

20 Чÿк, 2015

Проект тÿлевсĕр тупра сĕнет

Раççейре 193 халăх пĕр-пĕринпе килĕштерсе, туслă пурăнать. Кашнин историйĕ хăйне евĕр пуян, культурипе йăли-йĕрки сĕм авалтан йĕркеленсе пынă.

Нумаях пулмасть паллă тунă Халăхсен пĕрлĕхĕн кунĕ аслă çĕршывра тĕпленнĕ халăхсен пĕрлĕхĕ никам аркатайми çирĕп пулнине уçăмлăн кăтартрĕ. Уяв умĕн Федерацин национальноçсен ĕçĕсен агентствипе «MyBook» электрон вулавăш «Эксмо» издательствăпа Мускаври А.Гайдар ячĕллĕ тĕп библиотека пулăшнипе «Страницы России» проект йĕркеленĕ.

Pages