Новости по теме

27 Чÿк, 2015

Пулăшупа тивĕçтерес енĕпе – иккĕмĕш вырăнта

Раççей Пенси фончĕн республикăри уйрăмĕнчен пĕлтернĕ тăрăх - çĕршыври пенси служби патшалăх пулăшăвĕпе тивĕçтерес енĕпе иккĕмĕш вырăн йышăннине мониторингăн "Сирĕн контроль" электрон тытăмĕ пĕлтернĕ.

Кăçалхи авăн уйăхĕнче Раççей гражданĕсем Пенси фончĕн 26,3 пин пулăшăвне пахаланă, вăтам хаклав 4,88 балпа танлашнă. Чылайăшĕ "питĕ лайăх" паллă лартнă /91 процент/.

Чăваш Республикинчи лару-тăру та çакăн евĕрлех - СМС-ыйтăм кăтартăвĕсем тăрăх вăтам хаклав 4,86 балл пулнă, хуравланисен 85 проценчĕ Пенси фончĕн пулăшу пахалăхне "чи лайăх" тесе палăртнă.

пенси
27 Чÿк, 2015

Вилнĕ хыççăн - суд умне

Айăпли çут тĕнчере çук ĕнтĕ, анчах уголовлă ĕçе пурпĕр суд тишкерет. ЧР Аслă судĕнче хăй пропагандăлакан тĕнчекурăмпа сăлтавласа икĕ çулти ывăлне вĕлернĕ арçын тĕлĕшпе пуçарнă уголовлă ĕçе пăхса тухаççĕ.

Следстви органĕсем çирĕплетнĕ тăрăх - 38 çулти арçын тĕнчекурăмĕпе килĕшÿллĕн пурнăç чăн пулăм мар, урăх формăпа иртмелле пулнă. Çак шухăша арçын хăй ĕненнĕ кăна мар, ăна пропагандăланă та. Кăçалхи пуш уйăхĕнче вара вăл çак тĕнчекурăма тĕпе хурса хăйĕн иккĕри ывăлне вĕлернĕ, унтан хăйĕн çине алă хунă.

Пулса иртни
27 Чÿк, 2015

Чулхуларан килнĕ те - çакланнă!

Федерацин алкоголь рынокне йĕркелекен службин Атăлçи округĕнчи регион управленийĕн тĕп специалист-эксперчĕ Чăваш Ене тĕрĕслевпе килнĕ. Кунта вара ăна коррупципе çыхăннă преступленишĕн тытса чарнă.

28 çулти Максим Томилин Шупашкарта алкоголь продукцийĕ туса кăларакан тата сутакан организацие тĕрĕсленĕ. Саккуна пăснине тупса палăртнă. Кунашкаллишĕн яваплăх çирĕп - организацие административлă майпа айăпласа 1 млн таран тенкĕлĕх штрафлама пултараççĕ. Томилин вара çак «кăлтăка» курмăш тума пултарасси пирки систернĕ. Паллах, ахаль мар, «200 пин тенкĕ парăр та...»

Пулса иртни
27 Чÿк, 2015

ÇАНТАЛĂК ÇИНЧЕН

Канмалли кунсенче республикăра ăмăр çанталăк пулать, вырăн-вырăнпа юр çăвать. Паян кăнтăрла 1-6 градус сивĕ, каçхине 5-10 градус сивĕ пулать. Ыран, чÿк уйăхĕн 28-мĕшĕнче, кăнтăрла - 2-4 градус сивĕ, каçхине - 2-8 градус сивĕ. Çил çурçĕр енчен 7-12 метр хăвăртлăхпа вĕрет. Атăл шывĕ 1 градус ăшă тăрать, пĕчĕк юханшывсенче - 0 градус. Хĕвел ирхине 7 сехет те 55 минутра тухать, каçхине 15 сехет те 25 минутра анать. Кун тăршшĕ - 7 сехет те 30 минут.

Çанталăк
26 Чÿк, 2015

Ача-пăча туризмĕ - пĕлтерĕшлĕ ыйту

Юлашки вăхăтра пирĕн çĕршывра ача-пăча туризмне вăйлатасси çине пусăм тума тытăнчĕç. Ку ыйтăва РФ Правительствин шайĕнчех тĕрĕслесе тăраççĕ. Тепĕр çул ятарлă проект та хута каймалла. Çавна май паян Чăваш Ене РФ ача-пăча туризмне аталантарас енĕпе ĕçлекен координаци канашĕн членĕ, «Интерс» пĕрлешÿ гендиректорĕ Татьяна Козловская ертсе пыракан ушкăн килсе çитрĕ. Çулçÿрев тĕллевĕ - экскурсисемпе туризм маршручĕсем йĕркелемелли обьектсемпе паллашасси.

Çамрăксем
26 Чÿк, 2015

Пике çула пÿлсен

Хăрушсăрлăх тата ОНКпа çыхăнса ĕçлекен комиссин председателĕн çумĕ, РФ Общество палатин çамрăксен пуçарăвĕсене пурнăçлама пулăшакан комиссин членĕ Дмитрий Чугунов Шупашкарта икĕ кун пулнă. Пирĕн тăрăха вăл пĕрремĕш хут çитнĕ.

Çамрăксем
26 Чÿк, 2015

Таджикистанра çапăçнисем валли

РФ Патшалăх Думи «Ветерансем пирки» федераци саккунне улшăнусем кĕртнĕ. 1992-1997 çулсенче Таджикистанри хирĕç тăрура пулнă çынсем те халĕ çар çапăçăвĕсене хутшăннă ветеранăн статусне илме пултараççĕ.

Пулса иртни
26 Чÿк, 2015

Елчĕк паттăрĕсем

Тутар Республикинче йывăр атлетика енĕпе Раççей кубокĕ вĕçленнĕ. Унта 69 регионти 30 çултан аслăрах 180 ытла спортсмен хутшăннă.

Пирĕн республика чысне Елчĕк районĕнчи Илья Ишмуратов тата Юрий Балтаев хÿтĕленĕ. Вĕсем хăйсен виçе категорийĕсенче призерсем пулса тăнă. 108 килограмм таяканнисен йышĕнче Илья Ишмуратов кĕмĕл медаль çĕнсе илнĕ, Юрий Балтаев вара кÿршĕ республикăран бронза медальпе таврăннă.

Спорт

Pages

Хыпарсем