Новости по теме

30 Чÿк, 2015

Усрава илнĕ ачасен амăшĕсемпе тĕлпулу иртнĕ

Шăмăршă районĕнчи Палтиелти культура керменĕнче усрава илнĕ ачасен амăшĕсемпе «Манăнни пек анне пĕртен пĕрре» тĕлпулу ирттернĕ. Хăйсен пепкисемсĕр пуçне тепĕр çемьери ачасене те ăшăлăх, юрату парнелеме пултаракан амăшĕсене Палтиел ял тăрăхĕн пуçлăхĕ Феннур Рахматуллов саламланă. Уяв каçĕнче тĕрлĕ халăх юррисене шăрантарнă. 8-мĕш класс вĕренекенĕсем пĕчĕк спектакль лартнă. Усрава илнĕ ачасем хăйсен амăшĕсене хитре сăвăсемпе саламланă. «Пирĕн аттепе анне пуринчен те ырă кăмăллă та ĕçчен», - çирĕплетнĕ ывăлĕсемпе хĕрĕсем. Концерт хыççăн хăнасем вулавăшра чей ĕçнĕ.

Культура
30 Чÿк, 2015

Аслă Таяпари культура çуртĕнче «Лар, аннеçĕм, юнашар» уяв иртрĕ

Амăшĕн кунне халалласа Елчĕк районĕнчи Аслă Таяпари культура çуртĕнче «Лар, аннеçĕм, юнашар» уяв иртнĕ. Куракансене уйрăмах А.Сурков шăрантарнă «Аттепе анне пулсассăн» юрă тыткăнланă. Уявра «Шанчăк» ушкăн «Утар-и, чупар-и», «Хăна юрри» тата ытти чăваш юррисене шăрантарнă. Н.Ильинапа Л.Горшкова залра ларакансене шÿтпе тыткăнланă. Р.Блиновăпа О.Васильевăна куракан яланхи пекех ăшшăн йышăннă. Шкул ачисем те айккинче тăрса юлман, амăшĕсене илемлĕ юрă-ташăпа савăнтарнă.

Культура
30 Чÿк, 2015

Патăрьелти историпе этнографи музейĕнче уяв иртрĕ

Амăшĕ çут хĕвел пекех, вăл çемьене ăшăпа, савăнăçпа тултарать. Унсăрăн кил-çурт та пушă та кичем. Уяв умĕн, кĕçнерникун, Патăрьел районĕнчи Патăрьелти «Çăкăр» историпе этнографи музейĕнче «Яланах пултăрччĕ анне» уяв иртнĕ. Патăрьелти 2-мĕш вăтам шкулти 2-мĕш класс вĕренекенĕсем Роза Илюткина вĕрентекен тăрăшнипе амăшĕсем валли концерт хатĕрленĕ. Наталья Румянцева экскурсовод çывăх çыннисемпе ачисен хушшинче тĕрлĕ вăйă йĕркелесе ирттернĕ.

Культура
27 Чÿк, 2015

"Çемье çулталăкĕ - 2015" конкурсра Магаринсем çĕнтерчĕç

Общество кирек хăш саманара та çирĕп çемьесемпе вăйлă. Çавна май çемье пĕлтерĕшне ÿстерес тĕллевпе республикăра тĕрлĕ мероприяти ирттересси йăлана кĕнĕ. Раççейре Амăшĕн кунне паллă тăвас умĕн Чăваш Енри кăçалхи чи лайăх çемьесене чысларĕç.

"Çулталăк çемйи - 2015" конкурс йĕркелÿçисем тĕп çĕнтерÿçĕсĕр пуçне тата 5 номинаци çĕнтерÿçине палăртма й ышăннă.

Çемье çулталăкĕ - 2015
27 Чÿк, 2015

«Раççей ялĕн портречĕ - 2016»

Пĕтĕм Раççей ял хуçалăх çыравĕн пресс-центрĕ çак ятпа конкурс пуçланни çинчен пĕлтернĕ. Унта регионти пичет кăларăмĕсем, информаци агентствисем, интернет-МИХсем тата МИХ шутланман интернет-ресурссем хутшăнма пултараççĕ.

Ял хуçалăхĕ
27 Чÿк, 2015

Чăваш Ен - виççĕмĕш вырăнта

Раççейри общество çыхăнăвĕсен аталанăвĕн компанийĕн аналитика центрĕ кăçалхи юпа уйăхĕнче Пĕтĕм Раççей ял хуçалăх çыравĕн тематикин информаци хутлăхĕн черетлĕ мониторингне ирттернĕ тата регионсен, çĕршыв хулисен тата Росстатăн территори подразделенийĕсен хушшинче çĕнтерÿçĕсене палăртнă.

Тишкерÿ кăтартăвĕсем тăрăх пĕрремĕш вырăна - Мускав хули /129 хыпар/, иккĕмĕшне - Красноярск крайĕ /74/, виççĕмĕшне Чăваш Республики /67/ йышăннă.

Ял хуçалăхĕ
27 Чÿк, 2015

Германие - пĕлĕве тарăнлатма

Чăваш патшалăх ял хуçалăх академийĕнче ЛОГО пĕрлĕхĕн тĕллевĕсемпе паллаштарчĕç. Организаци представителĕ - нимĕç чĕлхи преподавателĕ Константин Пильщиков - Германие ял хуçалăх практикине кайма хатĕрленекен 30 ытла студентпа тĕл пулчĕ. Тестсене çыру вĕççĕн хуравлаттарса тата калаçтарса тĕрĕслерĕ.

Вĕрентÿ
27 Чÿк, 2015

Шупашкарта хоккей площадкисен шучĕ ÿсрĕ

Хĕллехи кану тесен эпир тÿрех конькипе, йĕлтĕрпе ярăннине аса илетпĕр. Халăха сывă пурнăç йĕркине пăхăнма хăнăхтарас, канăва усăллă йĕркелес тĕллевпе Шупашкар хулинче ятарлă площадкăсем уçаççĕ. Пĕлтĕр çавăн пек вырăнсем республикăн тĕп хулинчи Çамрăклăх бульварĕнче тата Афанасьев урамĕнче хута кайнă.

Хула

Pages

Хыпарсем