Шупашкарти Ленин районĕнчи следстви уйрăмĕ тăватă çамрăк тĕлĕшпе икĕ уголовлă ĕç пуçарнă. Шупашкарта пурăнакан 16, 17-ри каччăсене тата Шупашкар районĕнче кун кунлакан 15, 16 çулсенчи йĕкĕтсене мĕншĕн айăплаççĕ-ха?
Çĕмĕрлери районсен хушшинчи следстви уйрăмĕ 35 çулти арçын тĕлĕшпе пуçарнă уголовлă ĕçе тишкерсе пĕтерсе суда ярса панă.
Пĕтĕм Раççейри "Единая Россия" политика партийĕн Генеральнăй Канашĕн Президиумĕн йышăнăвĕпе политика партийĕ "çуралнă" кун, раштав уйăхĕн 1-мĕшĕнче, çĕршывăн 85 рагионĕнче халăха харпăр хăй ыйтăвĕсемпе йышăнмалли кун иртрĕ. Çав кун Раççейре çынсене 10 пин ытла площадкăра йышăннă.
Хăйне евĕр çакнашкал ăмăрту, Испанире старт илнĕскер, хальхи вăхăтра 72 çĕршыва пĕрлештерет. Унта хутшăнакансен йышĕ çултан çул ÿссе пырать.
Раштавăн 1-4-мĕшĕсенче асăннă чемпионата Чăваш Ен çамрăкĕсем черетлĕ хут хăтшăнĕç. Пирĕн республика çакнашкал конкурса пуçласа 2012 çулта хутшăннă. Унтанпа ăмăрту виçĕ хутчен кăна иртнĕ пулин те çитĕнÿсем тĕнче шайĕнче те пур.
Ирĕклĕ мелпе кĕрешекен хĕрсен çĕршывĕ ăçта вырнаçнă тесе ыйтсан эпир хăюллăнах хамăр республикăна асăнма пултаратпăр.
Тăван республикăмăрăн Тĕп саккунне йышăннăранпа ĕнер 15 çул çитрĕ.
Раççей Федерацийĕн çĕнĕ Конституцине йышăннă /1993/ май республика Конституцине те тĕпрен çĕнетме тивнĕ. Чăваш Республикин Президенчĕ 1994 çулхи çурла уйăхĕн 3-мĕшĕнче 75-мĕш номерлĕ Указпа çĕнĕ Конституци проектне хатĕрлекен 21 çынран тăракан комисси йышне палăртнă. Тепĕр 9 уйăхран Конституци комиссийĕ Чăваш Республикин çĕнĕ Конституцийĕн хатĕр проектне Патшалăх Канашне тишкерме сĕннĕ. Сăмах май, республика парламентне унпа пĕрлех альтернативлă темиçе проект тăратнă.
Чÿк уйăхĕн 30-мĕшĕнче Чăваш Ен Пуçлăхĕ Михаил Игнатьев РФ Правительствин пуçлăхĕ Дмитрий Медведев регионсен бюджечĕсен парăмĕн ыйтăвĕпе ирттернĕ канашлăва хутшăннă, сăмах каланă.
Чăваш наци конгресĕн пайташĕсем, И.Н.Ульянов ячĕллĕ ЧПУ профессорĕ Владимир Васильев культуролог тата Кÿкеçри «Бичурин тата паянхи самана» музей директорĕ Ирина Удалова Тюмень тăрăхĕнчи чăвашсен «Тăван» ассоциацийĕ «Бичурин вулавĕсем» ятпа ирттерекен наука-практика конференцине хутшăнчĕç.
Чăваш наци библиотекинче Чăваш халăх ăс-хакăлĕпе ÿнер академийĕн черетлĕ пухăвĕ иртрĕ. Унта ЧНК президенчĕ Николай Угаслов та хутшăнчĕ.
Чăваш наци конгресĕн Ваттисен Канашĕн черетлĕ ларăвĕ иртрĕ.
Чăвашла верси
Русская версия
