Тăвай районĕнче çитĕннĕ пĕртăван Василий, Петр тата Олег Восторгинсен тăван халăх валли çуралнă тăрăхра кану вырăнĕ тăвас шухăшĕ çулсем иртнĕçемĕн çирĕпленсех пынă. Пилĕк çул каялла проектпа паллаштарма район администрацине пынă. Вăрманалла тăсăлакан Паçнер шывĕ хĕрринчи усă курма пăрахнă çĕр лаптăкне харпăрлăха куçарса çав вырăнта кану тăрăхĕ йĕркелесси çинчен пĕлтернĕ.
«Единая Россия» партин ача сачĕсем, шкулсем, физкультурăпа сывлăха çирĕплетмелли комплекссем, медицина учрежденийĕсем тăвассипе çыхăннă проекчĕсем мĕнле пурнăçланнине Чăваш Ен Пуçлăхĕ Михаил Игнатьев тата РФ Патшалăх Думин Регламентпа Патшалăх Думин ĕçне йĕркелекен комитечĕн председателĕ Виктор Пинский сÿтсе явнă.
Шупашкарти Мускав район сучĕ 17 çулти йĕкĕт тĕлĕшĕпе приговор йышăннă. Наркотикăн пысăк виçине саккунсăр майпа туяннăшăн тата упранăшăн Шупашкар çамрăкне 2 çуллăха условлă майпа айăпланă.
Следстви пайĕпе суд палăртнă тăрăх, кăçалхи çурла уйăхĕнче çамрăк интернет урлă 5 пин тенкĕпе синтетика наркотикĕ туяннă, ăна палăртнă вырăнтан кайса илнĕ. Спайса унтах тутаннă та... больницăра çеç тăна кĕнĕ. Унăн кĕсйинче синтетика тултарнă 8 хутаç тупнă, наркотикăн пĕтĕмĕшле виçи - 7,5 грамм.
Приговор вăя кĕмен-ха. Наркотик ăçтан тупăннине малалла тĕпчеççĕ.
Раштавăн 18-мĕшĕнче Наци библиотекинче Раççейри Литература çулталăкне, Чăваш Республикинчи Константин Иванов çулталăкне пĕтĕмлетсе уяв ирттерчĕç. "Вулакан Чăваш Ен" ятпа йĕркеленнĕ форума культура тытăмĕнче ĕçлекен çĕр-çĕр çын килсе курчĕ.
Çĕнĕ Шупашкарти Олимп резервĕсен 3-мĕш спорт шкулĕн пысăк керменĕнче ирĕклĕ мелпе кĕрешекен арçынсем хушшинче Раççей Геройĕн Николай Гаврилов генерал-лейтенантăн парнисене çĕнсе илессишĕн Пĕтĕм Раççейри турнир иртрĕ.
Раштавăн 17-мĕшĕнче Чăваш Республикин Пуçлăхĕн çумĕнчи 2012-2017 çулсенче ачасен интересĕсене хÿтĕлессипе Наци стратегине хута ярассине йĕркелекен Координаци канашĕн черетлĕ ларăвĕ иртрĕ. Ăна 2015 çула пĕтĕмлетессине, çитес çул валли тĕллевсемпе ĕçсем палăртассине халалларĕç.
Раштав уйăхĕн 18-мĕшĕнче Наци библиотекинче "Вулакан Чăваш Ен" форум иртрĕ. Ăна Раççейри Литература çулталăкĕ, Чăваш Енри Константин Иванов çулталăкĕ савăнăçлă лару-тăрура хупăннине халалланă. Ун ĕçне Чăваш Республикин Пуçлăхĕ Михаил Игнатьев та хутшăнчĕ.
Ĕнер РФ Президенчĕ Владимир Путин хамăр тата ют çĕршывсенчи массăллă информаци хатĕрĕсенче ĕçлекен журналистсемпе вунпĕрмĕш хут пресс-конференци ирттерчĕ. Унта хутшăнакансен йышĕ çулсерен ÿснине палăртмалла. Кăçалхи пек йышли пулман - пĕтĕмпе 1400 яхăн журналист аккредитаци илнĕ. Чăваш Республикинчен унта "Советская Чувашия" хаçат, Чăваш наци телекуравĕ тата pg21.ru сайт представителĕсем хутшăннă.
Михаил Игнатьев ертсе пынипе Правительство çуртĕнче Чăваш Ен Пуçлăхĕ çумĕнчи Наци проекчĕсене пурнăçлас тĕлĕшпе ĕçлекен Канаш ларăвĕ иртрĕ. ЧР ял хуçалăх министрĕ Сергей Артамонов ял хуçалăх пĕлтерĕшлĕ çĕрпе тухăçлăрах усă курассишĕн йышăннă мероприятисене тата мелиораци программине епле пурнăçлани çинчен çивĕч сăмах каларĕ.
Çĕнĕ çул - чи хитре, чи ĕлккен, чи асамлă уяв. Ăна аслисем те, вĕттисем те кĕтеççĕ. Асăннă праçнике эпир çĕнĕ ĕмĕтсене палăртас, чăрăш айĕнчен ĕмĕтленнĕ парнене илес, сехет йĕпписен сассине илтес тесе çулталăкĕпех кĕтетпĕр. Уява хатĕрленни те кăмăла уçать. Чăрăша капăрлататпăр, открыткăсем çыратпăр, парнесене илемлĕ чĕркетпĕр, çĕнĕ теттесем ăсталатпăр, илемлĕрех курăнас тесе хамăра пăхатпăр, уяв сĕтелне хатĕрлетпĕр.
Чăвашла верси
Русская версия
