Самуил Маршакăн вуникĕ уйăхĕ çинчен çырнă юмахĕпе ачалăх çулĕсенче пурте тенĕ пекех паллашаççĕ. Халĕ акă «чун çимĕçне» кăмăллакансемшĕн савăнăçлă хыпар: нумаях пулмасть Чăваш кĕнеке издательствинче Валерий Муравьевăн «Çулталăкри вуникĕ уйăх» кĕнеки пичетленсе тухнă.
Инкек юнкун ирхине 9 сехет те 40 минут тĕлнелле Çĕнĕ Шупашкар-Тутаркасси автоçул çинче Шупашкар районĕнчи Атайкасси ялĕ патĕнче пулнă.
Республика тата муниципалитет шайĕнчи çулсене юртан тасатас ĕç мĕнле пырать?
Кивĕ çĕнĕ çул каçне артистсем авалтанпах кăсăклă ирттернĕ. Хăйсен чĕлхипе «капустник» теççĕ ăна. Чăваш Ен Театр ĕçченĕсен союзĕн пуçарăвĕпе çак кун Чăваш патшалăх оперăпа балет театрĕнче актер тата режиссер ĕçĕсен XIV республика конкурсĕ те иртрĕ.
Кăрлач уйăхĕн 16-мĕшĕнче Çĕнĕ Шупашкарти Олимп резервĕсен 3-мĕш спорт шкулĕн керменĕнче Чăваш Ен Пуçлăхĕн кубокне çĕнсе илессишĕн çăмăл атлетика турнирĕ старт илет.
Канмалли кунсенче республикăра улшăнса тăракан пĕлĕтлĕ çанталăк пулать, хушăран юр çăвать, вырăн-вырăнпа тăман вĕçтеркелет. Паян, кăрлач уйăхĕн 15-мĕшĕнче, кăнтăрла - 4-9, каçхине 6-11 градус сивĕ пулать. Ыран, кăрлачăн 16-мĕшĕнче, кăнтăрла - 15-18, каçхине 17-21 градус сивĕ пулать. Кăрлач уйăхĕн 17-мĕшĕнче - 15-20 градус сивĕ. Çил кăнтăр-хĕвеланăç енчен 5-10 метр хăвăртлăхпа вĕрет.
Федерацин айăплава пурнăçлакан службин республикăри управленийĕн ятарлă тĕллевлĕ отрядне 1991 çултах йĕркеленĕ. Малтан вăл Шупашкарти 1-мĕш СИЗОра вырнаçнă, унтан - юсанмалли 1-мĕш колонире.
Çĕнĕ çула кĕтĕмĕр. Çулталăк пуçламăшĕ ырă хыпарсемпе савăнтарнă. Чăваш Енре Çĕнĕ çулта тата кăрлачăн 1-мĕшĕнче 10 ача кун çути курнă. 2016 çулта пĕрремĕш ача /ăна Тимофей ят панă/ Çĕнĕ Шупашкарта çуралнă.
Кăçалхи кăрлач уйăхĕнче Чăваш Республикинче чи лайăх выпускниксем пирки даннăйсем пухма тытăнĕç. Кайран вĕсем пирки "Чи лайăх выпускник" электрон ресурсра вуласа пĕлме пулĕ.
Çак проект пирĕн республикăра 2005 çултанпа пурнăçланать. Ку даннăйсем организацисемпе предприятисене ĕçченсене шырама пулăшĕç. Çапла майпа аслă шкул, техникум, колледж дипломне алла илнисене те ĕç тупма меллĕ пулĕ. Чи лайăх выпускниксен йышне хĕрлĕ диплома тивĕçнисем, тĕрлĕ тытăмра çитĕнÿ тунисем кĕртме пултараççĕ. Çак проекта çулсерен 500 ытла çамрăк хутшăнать.
Чăваш Енре Пĕтĕм Раççейри ял хуçалăх çыравне ирттерессипе çыхăннă ĕç малалла пырать. Аса илтеретпĕр: вăл кăçалхи утăн 1-мĕшĕнчен пуçласа çурлан 15-мĕшĕччен пулĕ. ЧР Ял хуçалăх министерствин сайтĕнче пĕлтернĕ тăрăх, пирĕн республикăра çырава ирттермешкĕн 660 çын хутшăнĕ.
Вĕсем ялсенчи - 240, хулари - 9 пине яхăн хуçалăх, 4 пине яхăн фермер хуçалăхĕ çинчен даннăйсем пухĕç. 11 районта шута илмелли объектсен йышĕ 10 пинрен иртет. Чи нумаййи - Шупашкар районĕнче /24 пине яхăн/. Чи сахалли вара - Шăмăршă районĕнче. Унта 6 пине яхăн объект.
Чăвашла верси
Русская версия
