ЧР Министрсен Кабинечĕн Председателĕн заместителĕ Алла Салаева "Держава XXI век" комплекслă наци программин координаци тата общество канашĕсен, йĕркелÿ комитечĕн ларăвне хутшăннă. Вăл Мускавра РФ Федераци Канашĕнче иртнĕ.
Нарăс уйăхĕн 29-мĕшĕнче мамăк тирлĕ чĕрчуна тытмалли сунар сезонĕ вĕçленчĕ. Кăçалхи кăрлачăн 1-мĕшĕнчен пуçласа республикăра 17 кашкăра персе ÿкернĕ. Вăрнар район сунарçисем тискер 7 чĕрчун тытнă. Çĕмĕрлесем те çивĕч куçлă. Вĕсем пиллĕкĕшне тĕп тунă. Элĕк, Улатăр, Тăвай, Патăрьел районĕсенчисем пĕрер кашкăр йĕрĕ çине ÿкнĕ.
Кашкăр персе ÿкернĕ сунарçăсене хир сысни е пăши тытма ирĕк параççĕ. Сунарçăсен трофейĕсене Çутçанталăк министерствинче шута илеççĕ.
Марина ТУМАЛАНОВА.
Пирĕн республикăра Раççей Федерацийĕнчи пекех усал шыçă чĕрепе юн тымарĕсен тата сывлав органĕсен чирĕсем хыççăн халăх вилĕмĕн виççĕмĕш сăлтавĕ шутланать. Чăн та çĕршыври, федерацин Атăлçи округĕнчи вăтам кăтартусенчен палăрмаллах пĕчĕк пулин те /Чăваш Енре 100 пин çын пуçне - 164,4, Раççейре - 203,2, ФАОра - 197,3/, пĕлтĕр асăннă амакăн пĕчĕк симптомлă формисене - ÿпке, апат хуранĕн, тÿрĕ тата хулăм пыршăсен ракне - пула, пурнăçран уйрăлнисен йышĕ 168 çын е 8,9% нумайланнă.
Куçаççех теме иртерех-тĕр, анчах Патшалăх Канашĕн депутачĕсемшĕн сасăламалли кунччен вăхăт тата çур çул ытла пулин те çывхаракан суйлав сенсацисем кÿме пуçларĕ теме юрать.
Вăл е ку преступление уçса панă май ытларах чухне тепĕр майлă пулать: саккуна кам пăсни паллă, анчах ăна шырама тивет. Ку тĕслĕхре вара преступнике тытнă, анчах вăл кам - хальлĕхе паллă мар.
Чăваш Ен наркополицейскийĕсем Пенза облаçĕнчи ĕçтешĕсемпе тата ЧР ШĔМĕн сотрудникĕсемпе пĕрле преступниксен пысăк ушкăнне тытса чарнă. «Ушкăнра Раççейпе Украинăн 20 ытла гражданинĕ тăнă», - пĕлтерчĕ управлени пресс-секретарĕ Ирина Анисимова. Пакунлисем саккунсăр çаврăнăшран 2,5 килограмм наркотик туртса илнĕ. Ваккăн шутласан çак виçе - 24 пин ытла хут усă курмалăх.
Чăваш гидрометеорологи центрĕ пĕлтернĕ тăрăх - канмалли кунсенче республикăра улшăнса тăракан пĕлĕтлĕ çанталăк пулать, вырăн-вырăнпа юр е йĕпе юр çăвать, хушăран çил-тăман вĕçтеркелеме пултарать. Паян, нарăс уйăхĕн 26-мĕшĕнче, кăнтăрла 3 градус ăшăран пуçласа 2 градус таран сивĕ пулать, каçхине 1 градус ăшă - 4 градус сивĕ. Ыран, нарăсăн 27-мĕшĕнче, кăнтăрла 2 градус ăшăран пуçласа 3 градус таран сивĕ, каçхине 1-6 градус сивĕ пулать. Нарăс уйăхĕн 28-мĕшĕнче - 1-5 градус сивĕ.
Паян Тăвай тата Вăрмар районĕсен депутачĕсен Пухăвĕсен анлă ларăвĕсем иртрĕç. Кун йĕркинче пĕртен-пĕр ыйту - муниципалитетсен социаллă пурнăçĕпе экономикăн пĕлтĕрхи аталанăвĕ тата 2016 çулхи тĕллевсем.
Чăваш Ен Пуçлăхĕ Михаил Игнатьев нарăс уйăхĕн 24-мĕшĕнче РФ Президенчĕн федерацин Атăлçи округĕнчи полномочильлĕ представителĕ Михаил Бабич ертсе пынă ĕçлĕ канашлусене хутшăннă.
Вĕсенче Чăваш Ен муниципалитет йĕркеленĕвĕсен социаллă-экономика тата «Трактор завочĕсем» Концерн предприятийĕсен аталанăвĕн ыйтăвĕсене сÿтсе явнă.
Раççей Президенчĕн полпречĕ, Чăваш Республикин ĕç тăвакан влаç тата вырăнти хăйтытăмлăх органĕсен представителĕсем муниципалитетсен аталанăвĕн пĕлтерĕшлĕ чылай ыйтăвне тишкернĕ.
Чăвашла верси
Русская версия
