Патăрьелти агропромышленноç техникумĕнче «Пыл хурчĕсене пулăшасчĕ» ыйтупа республика шайĕнчи II форум иртрĕ. Хурт-хăмăр ăстисем унта пыл тĕсĕсемпе, ăна хушса хатĕрленĕ апат-çимĕçпе, вĕлле хуртне сиплемелли майсемпе паллашрĕç. Хурт пăхнă чухне усă курмалли ĕç хатĕрĕсене, тĕрлĕ вĕллене курчĕç. Пыл хурчĕ çинчен çырса кăтартнă кĕнеке-брошюрăпа, журналсемпе кăсăкланчĕç. Пĕр-пĕрин пылне пахаларĕç.
Çухалнă ВАЗ-2108 автомобиле уголовлă шырав оперативникĕсем темиçе кунран тупнă. Анчах хуçи тĕрĕс-тĕкел машина кĕтсе илеймĕ: унăн саппас пайĕсене сÿтнĕ кăна мар, транспорт хатĕрне касса темиçе пая пайлама ĕлкĕрнĕ!
Канмалли кунсенче республикăра улшăнса тăракан пĕлĕтлĕ çанталăк пулать, кашни кун юр е йĕпе юр çăвать, хушăран çил-тăман вĕçтеркелет. Паян, пуш уйăхĕн 4-мĕшĕнче, кăнтăрла та, каçхине те 3 градус ăшăран пуçласа 2 градус таран сивĕ пулать. Ыран, пушăн 5-мĕшĕнче, кăнтăрла та, каçхине те - 2 градус ăшăран пуçласа 1 градус таран сивĕ. Пуш уйăхĕн 6-мĕшĕнче - 1-2 градус ăшă.
Раççей Правительствин пуçлăхĕ Дмитрий Медведев паян Шупашкарта Правительство çуртĕнче ĕçлев рынокĕнчи лару-тăрăва тата ĕçлеве пулăшмалли мерăсене халалланă канашлу ирттерчĕ. Унта Ольга Голодец вице-премьер, РФ ĕçлев тата вĕренÿ министрĕсем Максим Топилинпа Дмитрий Ливанов, Раççей Президенчĕн федерацин Атăлçи округĕнчи полномочиллĕ представителĕ Михаил Бабич, çĕршывăн темиçе регионĕн ертÿçисем хутшăнчĕç.
Паян Шупашкара килнĕ май Раççей Правительствин пуçлăхĕ Дмитрий Медведев Правительство çуртĕнче Чăваш Ен Пуçлăхĕпе Михаил Игнатьевпа ĕçлĕ тĕлпулу ирттерчĕ.
"Маттур!" - çак сăмаха Раççей Федерацийĕн Правительствин Председателĕн заместителĕ Ольга Голодец Шупашкарти "Ачалăх утравĕ" 201-мĕш ача садĕнче пулнă май темиçе хут та каларĕ. Çапла майпа вăл унта вăй хуракансене - тăрăшуллă ĕçшĕн, ачасене вара тавçăрулăхĕшĕн мухтарĕ.
Шупашкарти 5-мĕш гимназире çамрăк ăрăва пĕлÿ парассине питĕ хăйнеевĕр йĕркеленĕ.
РФ Патшалăх Думин Вĕренÿ комитечĕн председателĕн заместителĕ Алена Аршинова Патшалăх Думин депутатне суйланас кăмăлне палăртса ĕнер "Единая Россия" партин малтанхи сасăлавне хутшăнма регионри йĕркелÿ комитетне заявлени пачĕ.
Нарăс уйăхĕн 28-мĕшĕнче Раççейĕн биатлон енĕпе пĕрлештернĕ командин тренерĕсем тĕнче чемпионатне хутшăнакансен йышне палăртнă. Аса илтеретпĕр: тĕнче чемпионачĕ пуш уйăхĕн 3-мĕшĕнче Норвегири Холменколлен хулинче старт илет. Ăмăртусем пуш уйăхĕн 13-мĕшĕнче масс-стартсемпе вĕçленеççĕ.
ЧР Министрсен Кабинечĕн Председателĕн заместителĕ Алла Салаева "Держава XXI век" комплекслă наци программин координаци тата общество канашĕсен, йĕркелÿ комитечĕн ларăвне хутшăннă. Вăл Мускавра РФ Федераци Канашĕнче иртнĕ.
Чăвашла верси
Русская версия
