Новости по теме

29 Пуш, 2016

"Чи лайăххине вулатпăр: вулавăн 2016 çеккунчĕ"

Республикăра çак ятпа иртнĕ акцие 3 пин ытла çын — ачасемпе çамрăксем, педагогсемпе воспитательсем, библиотекăсен специалисчĕсем — хутшăннă. Унăн пуçаруçи — Чăваш Республикинчи ачасемпе çамрăксен библиотеки.

29 Пуш, 2016

Çырав ирттермешкĕн – планшетлă компьютер

Росстат Пĕтĕм Раççей ял хуçалăхĕн 2016 çулхи çыравĕнче кăтартусене тишкермешкĕн планшет компьютерĕсем туянас тĕллевпе ирттернĕ аукцион пĕтĕмлетĕвĕ паллă: çакăн йышши 20 пин техника илмелле. Çав шутран Чăваш Республикине 255 уйăрса параççĕ. Вĕсем валли ятарлă программа тата электронлă ыйтăм йĕркеленĕ, куçаруçăсен вĕренĕвĕн интерактивлă хушăмĕсене хатĕрленĕ.

28 Пуш, 2016

Михаил Игнатьев — Челябинск облаçĕнче

Пуш уйăхĕн 28-29-мĕшĕсенче Чăваш Республикин делегацийĕ — ăна республика Пуçлăхĕ Михаил Игнатьев ертсе пырать — Челябинск облаçĕнче пĕр-пĕриншĕн тухăçлă ĕçтешлĕх йĕркелес, республика вăй-хăватне кăтартас тата çĕнĕ партнерсем шырас тĕллевпе ĕçлĕ тĕлпулусем ирттерет.

28 Пуш, 2016

Айăплав та хăтармасть

Ака уйăхĕн 1-мĕшĕнче çурхи призыв пуçланать. Ăна хатĕрленнĕ май Шупашкарти Мускав районĕнчи следстви уйрăмĕ Раççей Федерацийĕн УК 328-мĕш статйин 1-мĕш пайĕпе /хĕсметрен тарса çÿрени/ пуçарнă уголовлă ĕçсене еплерех тишкернине пĕтĕмлетнĕ.

РФ Конституцийĕн 59-мĕш статйипе килĕшÿллĕн, граждансен тăван çĕршыва хÿтĕлемелле. Çак тивĕçе пурнăçламаншăн уголовлă майпа айăплаççĕ. Хĕсметрен тарса пурăнакансене 2 çул таран ирĕклĕхсĕр хăварма пултараççĕ. Ытти айăплав та пур: 200 пин тенкĕ таран штраф е 2 çул таран вăйпах ĕçлеттереççĕ.

28 Пуш, 2016

Ушкăнпа каварлашнă

Республикăра синтетика наркотикĕ сарнă каварлашнă ушкăн тĕлĕшĕпе приговор йышăннă.

Уголовлă ĕçĕн тĕп фигуранчĕ — Украинăри Николаевски облаçĕнче çуралса ÿснĕ çамрăк. Ку таранччен судпа айăпланманскер Интернет урлă наркăмăшăн пысăк виçине салатнă. Ушкăнри тата пилĕк çын синтетика курьерĕсем, салатаканĕсем пулнă. Наркăмăша пытарма вĕсем вăрттăн вырăнсем шыранă. Вĕсенчен пĕри — Шупашкарти аслă шкулсенчен пĕринче ăс пухнă хĕр.

25 Пуш, 2016

Малтанхи сасăлав мĕнле иртĕ?

Чăваш Енре пурăнакансене ЧР Патшалăх Канашĕн депутачĕ пулас текенсен суйлав умĕнхи программине хатĕрлес ĕçе хутшăнма чĕнеççĕ. Çакăн пирки "Единая Россия" партин Чăваш регион уйрăмĕн секретарĕ Николай Малов пресс-конференцире пĕлтерчĕ.

25 Пуш, 2016

Олимпиада Иванова — ГТО посолĕ

РФ Спорт министерствинче иртнĕ мероприятире ведомство ертÿçин заместителĕ Наталья Паршикова ГТО посолĕсене сертификатпа тата шарфпа чысланă. Çак ята ку хутĕнче 17 регион представителĕ тивĕçнĕ.

25 Пуш, 2016

Юридици пулăшăвĕ - «тÿрĕ линипе»

2016 çулхи пуш уйăхĕн 30-мĕшĕнче ЧР Юстици министерстви республика прокуратурипе пĕрле «тÿрĕ лини» йĕркелет.

Республикăра пурăнакансем 10-ран пуçласа 12 сехетчен /8352/ 64-20-70 /хушăм — 1921, 1948/, 62-33-53 телефонсемпе шăнкăравласа тÿлевсĕр юридици пулăшăвĕпе усă курасси пирки ыйтма пултараççĕ.

25 Пуш, 2016

ÇАНТАЛĂК ÇИНЧЕН

Чăваш гидрометеорологи центрĕ пĕлтернĕ тăрăх — канмалли кунсенче республикăра пĕлĕтлĕ çанталăк пулать, хушăран уяртать, юр е йĕпе юр çăвать, вырăн-вырăнпа çил-тăман вĕçтеркелет. Паян, пуш уйăхĕн 25-мĕшĕнче, кăнтăрла 3 градус ăшăран пуçласа 2 градус таран сивĕ пулать, каçхине — 1-6 градус сивĕ. Ыран, пушăн 26-мĕшĕнче, кăнтăрла 1 градус ăшăран пуçласа 2 градус таран сивĕ пулать, каçхине — 2-4 градус сивĕ. Пуш уйăхĕн 27-мĕшĕнче — 2 градус ăшăран пуçласа 2 градус таран сивĕ. Çил çурçĕр-хĕвелтухăç енчен 3-8 метр хăвăртлăхпа вĕрет.

Pages