Чăваш Енре ака уйăхĕн 2-мĕшĕнче «Единая Россия» партин малтанхи сасăлавĕн пĕрремĕш дебачĕ иртнĕ. Унта хутшăнакансем «Нацие сыхласа хăварасси: вĕренÿ, сывлăх сыхлавĕ, социаллă политика» темăна сÿтсе явнă.
РФ Пенси фончĕн республикăри уйрăмĕ пĕлтернĕ тăрăх — 2016 çулхи ака уйăхĕн 1-мĕшĕнче патшалăх тивĕçтерекен пенсисем, çав шутра социаллисем, пенсионер ĕçленипе-ĕçлеменнине шута илмесĕр, пурин те хушăнаççĕ.
Ака уйăхĕнче çавăн пекех Раççей Федерацийĕ умĕнчи курăмлă çитĕнÿсемшĕн тата тава тивĕçлĕ ĕçсемшĕн хушма пурлăхпа тивĕçтернин тата социаллă пенси суммине тĕпе хурса палăртнă тÿлевсен виçисем те пысăкланаççĕ.
Апрелĕн 1 - мĕшĕнчен "Хыпар" Издательство çурчĕн хаçат-журнала 2016 çулхи 2-мĕш çурринчен илсе тăмашкăн çак хаксемпе çырăнма пулать
Суту-илÿпе экономика, ăслăлăхпа техника, социаллă пурнăç тата культура — шăпах çак енсемпе пĕр-пĕринпе çыхăнса ĕçлесси пирки Чăваш Республикин Министрсен Кабинечĕ тата Архангельск облаçĕн Правительстви 2014 çулхи çу уйăхĕнче Килĕшÿ алă пуснă.
Чăваш гидрометеорологи центрĕ пĕлтернĕ тăрăх — канмалли кунсенче республикăра улшăнса тăракан пĕлĕтлĕ çанталăк пулать, хушăран йĕпе юр е çумăр çăвать. Паян, ака уйăхĕн 1-мĕшĕнче, кăнтăрла 3-8 градус ăшă пулать, каçхине — 0-2 градус ăшă. Ыран, ака уйăхĕн 2-мĕшĕнче, кăнтăрла — 3-8 градус ăшă, каçхине 2 градус сивĕрен пуçласа 2 градус таран ăшă пулать. Ака уйăхĕн 3-мĕшĕнче — 1-5 градус ăшă. Çил кăнтăр енчен 5-10 метр хăвăртлăхпа вĕрет. Хĕвел ирхине 5 сехет те 57 минутра тухать, каçхине 19 сехет те 10 минутра анать. Кун тăршшĕ — 13 сехет те 13 минут.
Пуш уйăхĕн 28-29-мĕшĕсенче Чăваш Республикин делегацийĕ Челябинск облаçĕнче пулнă. Икĕ ен килĕштерсе ĕçлес, çĕнĕ партнерсем тупас ыйтăва сÿтсе явнă.
Ямалти çулçÿревçĕ Алексей Коротков Çĕпĕрти тата ытти юханшыв урлă выртакан çĕнĕ маршрут шухăшласа кăларнă. «Ермак çулĕ» ятлă вăл.
Шупашкарта пурăнакан икĕ ача «Дудл для Google» конкурсра çурма финала тухнă. Унта хутшăнмашкăн чи лайăх 30 ĕçе суйланă. Вĕсен йышне 13-ри Иванпа 10 çулти Ольга Коротинсен ĕçĕсем те кĕнĕ.
Онлайн-сасăлав ака уйăхĕн 3-мĕшĕччен иртĕ. Çапла майпа чи лайăх 3 дудла суйлĕç. Пуринчен те пахине вара профессионал ÿнерçĕ палăртĕ. Ÿкерчĕкпе google.ru страницăра ака уйăхĕнче усă курĕç. Çĕнтерÿçĕ компанин штаб-хваттерĕнче пулса курĕ, унăн шкулне вара компьютер класĕпе тивĕçтерĕç.
Чăвашла верси
Русская версия
