Çĕртме уйăхĕн 30-мĕшĕччен — 15% йÿнĕрех
Раççей почти апрелĕн 1-мĕшĕнчен тытăнса çĕртме уйăхĕн 30-мĕшĕччен Раççей почтин каталогне кĕнĕ хăш-пĕр кăларăма /социаллă пĕлтерĕшлĕ хаçат-журнала/ 2016 çулăн II çурри валли çырăнмашкăн 15% чакарасси çинчен пĕлтерчĕ. Çак переченьте — «Хыпар» Издательство çурчĕн 10 кăларăмĕ /вĕсене таблицăра хурапа палăртнă/.
Чăваш Енре ачасене çуллахи лагерьте кантарас енĕпе кампани пуçланнă. Кăçал унта 900 организаци хутшăнĕ.
Çуллахи каникулта республикăри 99 пин ытла ача лагерьте канĕ. Вĕсенчен 48 пинĕшĕ — йывăр лару-тăруллă çемьерисем. Лагерь ĕçĕ-хĕлĕ валли 491 миллион тенкĕ тăкаклама палăртнă. Кану вăхăтĕнче ачасем чирленипе чирлеменнине тĕрĕслесех тăрĕç.
Çĕрпÿ хулинче тимĕртен ăсталанă палăк чылай. Малтанах унта аллине шăпăр тытнă арçынна вырнаçтарнă. Вăл иртен-çÿрене тасалăх пирки аса илтерет.
Каярахпа хула тепĕр палăкпа пуянланнă. Урамра Печкин почтальон вырăн тупнă. Кăштахран унпа юнашар Матроскин кушак аçипе Шарик йытă пырса ларнă. Кăçал Çĕрпÿ хули çынсене тепĕр палăкпа тĕлĕнтернĕ. Ĕç çыннин çулталăкне халалласа тимĕртен юман йывăçне ăсталанă унта.
Шупашкарта палăк лартасшăн. Ăна Петрпа Феврони Муромскисене халаллĕç. Скульптура композицине туса пĕтернĕ ĕнтĕ.
Шупашкар хула пуçлăхĕ Леонид Черкесов Петрпа Феврони палăкĕ халăха килĕшессе шанать. Çанталăк лайăхлансанах ăна вырнаçтарма тытăнĕç. Вăл заливра арçынсен мăнастирĕ çывăхĕнче пулĕ.
Шупашкарта ял хуçалăх продукцине сутас енĕпе ярмăрккă ĕçлеме тытăнĕ. Кун пирки пуш уйăхĕн 31-мĕшĕнче калаçнă, Шупашкар хула администрацийĕн пуçлăхĕ Алексей Ладыков йышăнăва алă пусса çирĕплетнĕ.
Ярмăрккă ака уйăхĕн 9-мĕшĕнче ĕçлеме тытăнĕ. Ял хуçалăх продукцине Шупашкарта виçĕ вырăнта сутĕç: «Николаевский» суту-илÿ комплексĕнче, «Дар» тата «Северная» суту-илÿ компанийĕ» тулли мар яваплă обществăсенче. Унта сутма килекенсене вырăнпа тÿлевсĕрех тивĕçтерĕç. Ярмăрккăра тавара йÿнĕрехпе туянма май пулĕ. Вăл çу уйăхĕн 21-мĕшĕччен ĕçлĕ.
Ака уйăхĕн 4-мĕшĕнче ирхи тăхăр сехет тĕлнелле Шупашкарти Б.Хмельницкий урамĕнчи çĕнĕ микрорайонта çĕкленекен пĕр çуртра инкек пулнă. Платник лифт шахтине пилĕк метр çÿллĕшĕнчен ÿкнĕ.
Йывăр сурансене пула 48 çулти арçын васкавлă медпулăшу çитичченех куç хупнă. Ку тĕслĕх тĕлĕшпе Шупашкарти Ленин районĕн следователĕсем следстви умĕнчченхи тĕрĕслев ирттереççĕ, инкек сăлтавне тĕпчеççĕ. Судпа медицина экспертизине ирттерме палăртнă. Тĕрĕслеве Чăваш Республикин Патшалăх ĕç инспекцийĕн специалисчĕсене те явăçтарнă.
Чăваш патшалăх оперăпа балет театрĕнче çирĕм çул каялла пурнăçа кĕме тытăннă проект — Пĕтĕм тĕнчери балет фестивалĕ — кирек мĕнле йывăр вăхăтра та куракана савăнтарма чарăнман. Паллах, ытти çулсенчи пек чикĕ леш енчен килнĕ ташăçăсем пулмарĕç. Тĕрĕссипе, вĕсемсĕр те кичем марччĕ.
Чăваш Енре ака уйăхĕн 2-мĕшĕнче «Единая Россия» партин малтанхи сасăлавĕн пĕрремĕш дебачĕ иртнĕ. Унта хутшăнакансем «Нацие сыхласа хăварасси: вĕренÿ, сывлăх сыхлавĕ, социаллă политика» темăна сÿтсе явнă.
Чăвашла верси
Русская версия
Çурхи шыв-шур шар кăтартмĕ-и?
