Новости по теме

24 Çу, 2016

Республика уй-хирĕнче

Патăрьел. Туçа, Çĕнĕ Ахпÿрт, Хирти Пикшик ял тăрăхĕсенче пахчаçимĕç управĕ тăваççĕ. Анат Туçари Валерий Кузнецовпа Именкассинчи Владимир Гладков унăн кăшкарне хăпартнă, халĕ шалта ĕç пырать. Пĕрремĕшĕ — 500, иккĕмĕшĕ 250 тонна пахчаçимĕç упрамалăх çĕклеççĕ. Строительство материалĕ хăйсен укçипех туянма вăй çитереççĕ.

Çĕнĕ Ахпÿртри Евгений Мартышкин фермер пахчаçимĕç управĕсемпе усă курать пулин те çывăх вăхăтра 100 тонна севок хĕл каçармаллине хута ярасшăн. Пахчаçимĕç çитĕнтерессипе ку ялти Л.Краснова фермер та ырă тĕслĕх кăтартать.

Ял хуçалăхĕ

24 Çу, 2016

БМВпа, ытла та пуçтах

Следстви комитечĕн Шупашкарти Калинин районĕнчи пайĕ Шупашкар районĕнчи Ишлей поселокĕн 24 çулти çамрăкĕ тĕлĕшпе пуçарнă уголовлă ĕçе тĕпчет. Вăл ниçта та ĕçлемест, анчах çакă ăна хаклă БМВ рулĕ умне ларма чăрмантарман. Сĕмсĕрскере влаç представителĕсем тĕлĕшпе вăйпа усă курнăшăн айăплаççĕ.

Пулса иртни

24 Çу, 2016

Пăр керменĕшĕн сасăлăр

Шупашкарти чи пысăк кермен "Спорт индустрийĕн лидерĕсем" конкурса хутшăнать. "Раççейри чи лайăх пăр кермен" ята тивĕçессишĕн çавăн пекех Мускаври "Мегаспорт", Сочири "Большой", Хусанти "Татнефть-Арена", Коломнăри конькипе чупакансен центрĕ тата ыттисем кĕрешеççĕ.

22 Çу, 2016

Малтанхи сасăлав — пĕлтерĕшлĕ пулăм

Çу уйăхĕн 22-мĕшĕ, "Единая Россия" партин малтанхи сасăлавĕн кунĕ, Чăваш Еншĕн чăнласах та пысăк уява çаврăнчĕ: шутлав участокĕсенче ирех хаваслă юрă-кĕвĕ янăрарĕ, концертсем пулчĕç, чылай çĕрте пĕчĕк ачасем валли вăйă кĕтесĕ йĕркелерĕç... Суйлавçăсем участоксене лайăх кăмăл-туйăмпа килни вĕсем пĕлĕшĕсене е кÿршисене курсан "Уяв ячĕпе!" тесе саламлани те çирĕплетрĕ. Çынсем малтанхи сасăлав пĕтĕмлетĕвĕсемпе РФ Патшалăх Думин тата ЧР Патшалăх Канашĕн кăçал авăн уйăхĕнче иртекен суйлавĕсене хутшăнакан кандидатсен списокне хатĕрленине те пĕлни палăрчĕ.

20 Çу, 2016

Михаил Игнатьевăн ят-сумĕ чакман

Информаци коммуникацийĕсен "Рейтинг" центрĕ Раççей Федерацийĕнчи субъектсен пуçлăхĕсен 2016 çулхи пуш-ака уйăхĕсенчи ĕç-хĕлне халалланă черетлĕ тĕпчев пичетленĕ.

Ку тĕпчевре РФ субъекчĕсен ертÿçисем тĕп объект пулса тăнă. Чăваш Республикин Пуçлăхĕ Михаил Игнатьев рейтингăн пĕрремĕш ушкăнĕнче сыхланса юлнă. Унта 1-25 вырăнсем йышăннă ертÿçĕсем кĕреççĕ. Чăваш Ен Ертÿçи Атăлçи округĕнчи регионсен пуçлăхĕсен Р.Миннихановпа Р.Хамитов хыççăн виççĕмĕш тăрать.

рейтинг

19 Çу, 2016

Купăрля ăс-хакăл управçине пуç тайрĕ

Паян çав кун çывхарчĕ мар-и?

Мĕн пур тăван çĕршывăм тăрăх

Янрать чăваш ăс-халĕ хурçăн.

Эппин — шăтрех, сая каймарĕ

Эсир акса хăварнă вăрлăх.

Тавсси, профессор!

Тайăн пуçăм!

Петĕр ХУСАНКАЙ,

Чăваш халăх поэчĕ.

Чăваш çутлăх ĕçĕнче аслă икĕ çын пулнă: Иван Яковлев /1848-1930/ тата Николай Никольский /1878-1961/. Ака уйăхĕн 25-мĕшĕнче Иван Яковлевич çуралнăранпа 168 çул çитнине паллă турăмăр. Паян вара Николай Васильевич кун çути курнăранпа 138 çул çитрĕ.

19 Çу, 2016

«АККОНДра» хăнара — Куславккари шкулта вĕренекенсем

«АККОНД» кондитер фабрики Куславккари вăтам пĕлÿ паракан 3-мĕш шкулта пĕлÿ илекенсене ачасем уйрăмах килĕштерекен пылак çимĕçе туса кăларассин вăрттăнлăхĕсемпе паллаштарнă.

Çамрăксене уйрăмах килĕшекен пылак çимĕç шутĕнче — шăккалат, канфет, печени, вафли, десерт. Вĕсемпе савăнтаракан фабрикăра пулса вăл е ку кондитер изделине мĕнлерех туса кăларнине курмашкăн пирĕнтен кашниех шухăшланă. Тĕрĕссипе, паянхи кунчченех ĕмĕтленетпĕр те пулĕ.

АККОНД

19 Çу, 2016