Новости по теме

26 Çу, 2016

Канашра лифт кăларма тытăнĕç

Канашри машиностроени заводĕнче хальхи йышши лифт кăларма тытăнĕç. Предприяти 100 лифт хатĕрлемешкĕн саккас илнĕ ĕнтĕ.

Завода 300 миллион тенкĕ инвестици хывнă. Палăртмалла: Раççейре лифт кăларас енĕпе темиçе завод çеç ĕçлет. Çĕршыври чылай лифт вара кивелнĕ, çулталăкне 35 пинĕшне улăштармалла. Канашра туса кăларакан тавар вара ют çĕршывра хатĕрленисенчен кая мар пулĕ. Унта 400-1250 килограмм чăтакан, видеосăнавлă тата сенсор экранлă лифтсем кăларĕç.

26 Çу, 2016

«Чеплашка» — çамрăксем валли

Шупашкарта çамрăксем валли фильм ÿкересшĕн. «Чеплашка» кĕске метражлă картинăна Раççейри паллă мусăкçăсем те хутшăнĕç.

Фильм валли тизер хатĕрленĕ. Видеона Интернета вырнаç­тарнă. Фильма ÿкерме тытăннă ĕнтĕ. Юрий Спиридонов кинопродюсер каланă тăрăх, ку — «Чăвашфильм» наци киностудийĕн çĕнĕ проекчĕ. Картинăра çапăçусем, хурахсем пулмĕç. Унта Дима Билан, Ханна тата Нюша хутшăнĕç. «Чеплашка» — аслă класра вĕренекен хĕрача пирки. Вăл сутăнчăклăхпа нĕрсĕрлĕхе çĕнтерме пултарнă.

24 Çу, 2016

Пурнăç çулĕпе чыслăн утма сăмах пачĕç

Айккинчен пăхсан — парад иртет тейĕн, тĕрĕссипе вара Шупашкарти 14-мĕш шкул вĕренекенĕсем — тĕттĕм кăвак кительлĕ, пилоткăллă хĕрсемпе яшсем, шкул картлашки çине тин ярса пуснă шăпăрлансемпе вĕсенчен аслăрах ÿсĕмри ачасем — "юлашки шăнкăрава" халалланă линейкăна пухăннă. Вĕсем кăна-и? Кĕç-вĕç сывпуллашма хатĕрленекен кадетсене вĕренсе пĕтернĕ ятпа саламлама шкулăн пĕтĕм ĕçченĕ, ашшĕ-амăшĕ пуçтарăннă. Сумлă хăнасем те килсе çитрĕç: Чăваш Республикин Пуçлăхĕ Михаил Игнатьев, ЧР вĕренÿпе çамрăксен политикин министрĕн тивĕçĕсене вăхăтлăх пурнăçлакан Светлана Петрова, Шупашкар хула администрацийĕн пуçлăхĕ Алексей Ладыков, ЧР ШĔМĕн представителĕсем.

24 Çу, 2016

Бизнес валли условисем лайăх

Çу уйăхĕн 23-мĕшĕнче Мускавра Чăваш Ен Пуçлăхĕн Михаил Игнатьевăн тата ТехноНИКОЛЬ корпораци президенчĕн Сергей Колесниковăн ĕçлĕ тĕлпулăвĕ иртнĕ. Вĕсем республикăн строительство отраслĕн, професси вĕрентĕвĕн тытăмĕн, пĕчĕк тата вăтам предпринимательлĕх аталанăвĕн ыйтăвĕсене сÿтсе явнă.

24 Çу, 2016

Республика уй-хирĕнче

Патăрьел. Туçа, Çĕнĕ Ахпÿрт, Хирти Пикшик ял тăрăхĕсенче пахчаçимĕç управĕ тăваççĕ. Анат Туçари Валерий Кузнецовпа Именкассинчи Владимир Гладков унăн кăшкарне хăпартнă, халĕ шалта ĕç пырать. Пĕрремĕшĕ — 500, иккĕмĕшĕ 250 тонна пахчаçимĕç упрамалăх çĕклеççĕ. Строительство материалĕ хăйсен укçипех туянма вăй çитереççĕ.

Çĕнĕ Ахпÿртри Евгений Мартышкин фермер пахчаçимĕç управĕсемпе усă курать пулин те çывăх вăхăтра 100 тонна севок хĕл каçармаллине хута ярасшăн. Пахчаçимĕç çитĕн­терессипе ку ялти Л.Краснова фермер та ырă тĕслĕх кăтартать.

24 Çу, 2016

БМВпа, ытла та пуçтах

Следстви комитечĕн Шупашкарти Калинин районĕнчи пайĕ Шупашкар районĕнчи Ишлей поселокĕн 24 çулти çамрăкĕ тĕлĕшпе пуçарнă уголовлă ĕçе тĕпчет. Вăл ниçта та ĕçлемест, анчах çакă ăна хаклă БМВ рулĕ умне ларма чăрмантарман. Сĕмсĕрскере влаç представителĕсем тĕлĕшпе вăйпа усă курнăшăн айăплаççĕ.

24 Çу, 2016

Пăр керменĕшĕн сасăлăр

Шупашкарти чи пысăк кермен "Спорт индустрийĕн лидерĕсем" конкурса хутшăнать. "Раççейри чи лайăх пăр кермен" ята тивĕçессишĕн çавăн пекех Мускаври "Мегаспорт", Сочири "Большой", Хусанти "Татнефть-Арена", Коломнăри конькипе чупакансен центрĕ тата ыттисем кĕрешеççĕ.

22 Çу, 2016

Малтанхи сасăлав — пĕлтерĕшлĕ пулăм

Çу уйăхĕн 22-мĕшĕ, "Единая Россия" партин малтанхи сасăлавĕн кунĕ, Чăваш Еншĕн чăнласах та пысăк уява çаврăнчĕ: шутлав участокĕсенче ирех хаваслă юрă-кĕвĕ янăрарĕ, концертсем пулчĕç, чылай çĕрте пĕчĕк ачасем валли вăйă кĕтесĕ йĕркелерĕç... Суйлавçăсем участоксене лайăх кăмăл-туйăмпа килни вĕсем пĕлĕшĕсене е кÿршисене курсан "Уяв ячĕпе!" тесе саламлани те çирĕплетрĕ. Çынсем малтанхи сасăлав пĕтĕмлетĕвĕсемпе РФ Патшалăх Думин тата ЧР Патшалăх Канашĕн кăçал авăн уйăхĕнче иртекен суйлавĕсене хутшăнакан кандидатсен списокне хатĕрленине те пĕлни палăрчĕ.

Pages