Владимир облаçĕнче çамрăксен Пĕтĕм Раççейри «Территория смыслов на Клязьме» вĕренÿ форумĕ иртет. Унта пирĕн республика яш-кĕрĕмĕпе хĕр-упраçĕ те хутшăнать. «IT облаçĕнчи çамрăк ăсчахсемпе преподавательсем» сменăра çеç И.Н.Ульянов ячĕллĕ ЧПУн 9 студенчĕ пулнă.
Иртнĕ эрнере Шупашкара Испанири çулçÿревçĕ Мануэл Кастильо çитнĕ. Вăл Альмерия хулинчен Мускава велосипедпа килнĕ.
Хоккайдо университетĕнчи славян тĕпчевĕсен центрĕн ăслăлăх ĕçченĕ Масанори Гото Раççейре, Вăтам Азире, Хĕвелтухăç Европăра социологи тĕпчевĕсем ирттерет. Инçет Хĕвелтухăçĕнче, Якутире хăйĕн тĕпчевĕсене йĕркеленĕскер нумаях пулмасть Муркаш районĕнчи Оринин тăрăхне çитнĕ.
Православи тĕнне пăхăнса пурăнакансем тĕнчери сăваплă вырăнсене çитсе пуç тайма тăрăшаççĕ. Акă Патăрьел тăрăхĕнчи Турра ĕненекенсен пĕр ушкăнĕ çак кунсенче Урал тăрăхĕнче пулнă.
— Ур-ра! Ур-ра! Ур-ра! — хăватлă сасăсем Атăл тăрăх ахрăм пулса инçете саланчĕç. Чăваш Енри десантниксем паян РФ Сывлăш- десант çарĕсен кунне 86-мĕш хут паллă турĕç. Кăвак беретлисене республика Пуçлăхĕ Михаил Игнатьев Хĕрлĕ тÿремре саламларĕ.
Республикăри вĕренÿ учреждениийĕсенче юсав-тирпей ĕçĕсене пурнăçласси çуллахи вăхăтра хĕрÿ пырать. Çак кунсенче районсемпе хуласенчи шкулсемпе садиксем вĕренÿ çулне пуçлама еплерех хатĕрленнине тĕрĕслеме тытăнчĕç. Организацисене йышăнакан комиссисем 1000 организацири лару-тăрăва тĕрĕслĕç.
Çĕнни хăпартлантарать
Патшалăхăн пĕрлехи экзаменĕ /ППЭ/ тата вĕренсе тухакансен патшалăх экзаменĕ /ВТПЭ/ кăçалхи авăн уйăхĕнче икĕ предметпа — вырăс чĕлхипе тата никĕс шайĕнчи математикăпа — иртĕç.
РФ Вĕренÿ министерстви çак тĕрĕслевсен расписанине çирĕплетнĕ. ЧР Вĕренÿ министерстви пĕлтернĕ тăрăх — авăн уйăхĕн 5-мĕшĕнче вырăс чĕлхипе /ППЭ тата ВТПЭ/ экзамен пулать. Авăн уйăхĕн 8-мĕшĕнче — никĕс шайĕнчи математикăпа ППЭ тата математикăпа ВТПЭ. Авăн уйăхĕн 14-мĕшĕнче — вырăс чĕлхипе /ППЭ тата ВТПЭ/, никĕс шайĕнчи математикăпа ППЭ тата математикăпа ВТПЭ.
Чăваш наци библиотекин «Кĕмĕл ĕмĕр» галерийинче çурла уйăхĕн 3-мĕшĕнче ЧР Художниксен союзĕн, РФ Журналистсен союзĕн членĕн Владимир Галошевăн «Пултарулăх чикки» куравĕ уçăлать.
Владимир Галошев Елчĕк районĕнче 1968 çулта çуралнă. И.Н.Ульянов ячĕллĕ Чăваш патшалăх университечĕн чăваш филологийĕпе культура факультетне пĕтернĕ. «Тантăш» корреспондентĕнче, Чăваш патшалăх университечĕн фотографĕнче, И.Н.Ульянов тата И.Я.Яковлев ячĕллĕ музейсен заведующийĕсенче, ЧР Патшалăх Канашĕн Аппаратĕнче вăй хунă.
Обязательнăй медстраховани сферинче Страховани представителĕн институчĕ ĕçлеме пуçлать.
Çакăн çинчен ЧР Сывлăх сыхлавĕн министерствин коллегийĕн иртнĕ эрнери ларăвĕнче Обязательнăй медицина страхованийĕн территори фончĕн директорĕ Вячеслав Александров пĕлтерчĕ.
Шупашкар влаçĕ хулана кивĕ тата авариллĕ çурт-йĕртен тасатас тĕлĕшпе ăнăçлă ĕçлет.
Хальхи вăхăтри ĕç-хĕл муниципалитетăн «Граждансене 2014-2017 çулсенче Шупашкар хулинче вырнаçнă пурăнмалли авариллĕ çурт-йĕр фондĕнчен куçарасси» программин иккĕмĕш тапхăрĕпе килĕшÿллĕн пурнăçланать. Паянхи кун тĕлне авари хăрушлăхĕ пысăк çичĕ çурта — Калинин урамĕнчи 89-мĕш, Граждан урамĕнчи 29, 31, 33-мĕш, Париж Коммуни урамĕнчи 2, 4-мĕш, Фучик урамĕнчи 56-мĕш — пăснă, территорие тирпейленĕ. Халĕ Париж Коммуни урамĕнчи икĕ об±ектпа /1/61 тата 3-мĕш çуртсем/ ĕçлеççĕ.
Чăвашла верси
Русская версия
