Новости по теме
Шкул автобусĕсен паркĕ çĕнелĕ
РФ Правительствин Председателĕ Дмитрий Медведев 2016 çулта федераци бюджетĕнчен шкул автобусĕсен паркне çĕнетмешкĕн 3 миллиард тенкĕ уйăрма хушнă. Авăн уйăхĕн 15-мĕшĕччен 73 региона çĕнĕ 1860 транспорт çитмелле.
Хальхи вăхăтра тивĕçлĕ килĕшÿсем тумалли йĕркене, автотранспорта регионсене çитермелли сроксене пăхса тухаççĕ. Чăваш Енĕн заявкине йышăннă, республикăна мĕн чухлĕ автобус парасси çывăх вăхăтра паллă пулĕ.
Çĕмĕрлесен бюджет тупăшĕ ÿсĕмлĕ
Монохула тĕрĕслев витĕр ăнăçлă тухрĕ
Рейтингри позицие çирĕплетнĕ
Политикăпа экономика коммуникацийĕсен агентстви Раççей субъекчĕсен пуçлăхĕсен витĕмлĕхĕн кăçалхи утă уйăхĕнчи черетлĕ рейтингне пичетленĕ.
Çĕртме уйăхĕнчипе танлаштарсан Чăваш Республикин Пуçлăхĕн Михаил Игнатьевăн рейтингри позицийĕ палăрмаллах çирĕпленнĕ. Çĕртме уйăхĕнче регион Пуçлăхĕ «Вăйлă витĕм» ушкăнра 38-мĕш вырăнта пулнă, утă уйăхĕнче вара вăтам 5,63 балпа 24-мĕш вырăна çĕкленнĕ /Атăлçи округĕнчи регионсен хушшинче — 5-мĕш вырăн. Çĕртме уйăхĕнче 7-мĕш вырăнта пулнă/.
Халăхсен съезчĕ
Чăваш Енре пĕрремĕш хут республикăра пурăнакан халăхсен съезчĕ иртет. Чăваш Республикин Пуçлăхĕ çурла уйăхĕн 2-мĕшĕнче алă пуснă хушура палăртнă тăрăх — съезда Раççей Федерацийĕн Президенчĕн «Раççейĕн 2025 çулчченхи патшалăх наци политикин стратегийĕ çинчен» Указĕпе килĕшÿллĕн йĕркелеççĕ.
Уçă тÿпе айĕнчи кино
Çурла уйăхĕн 1-мĕшĕнче Чăваш Ен Пуçлăхĕ Михаил Игнатьев культурăпа искусство сферинчи инноваци проекчĕсене пурнăçа кĕртме грантсем панине çирĕплетекен хушăва алă пуснă.
Унпа килĕшÿллĕн Республика Пуçлăхĕн 100 пин тенкĕлĕх грантне республикăри 5 организаци тивĕçнĕ. Конкурсра Чăваш Республикин патшалăх электрон тата кинодокументаци архивĕ «Уçă тÿпе айĕнчи кино» урам киновĕн фестивалĕ» проектпа çĕнтернĕ.
Тĕп пляжри инкек
Çанталăк шăрăх тăнăран çынсем шыв çывăхнелле туртăнаççĕ. Шел, асăрхануллă пулманран инкек тăтăшах тухать. Акă иртнĕ вырсарникун Шупашкарти тĕп пляжра 15-ри хĕрача путса вилнĕ.
Спортсменсем Олимп çулне такăрлаççĕ
Çак кунсенче Бразилири Рио-де-Жанейрора старт илнĕ Олимпиада вăй илсех пырать. Телее, унта Раççей спортсменĕсем те лайăх кăтартусемпе палăраççĕ.
Ăмăртăвăн пĕрремĕш кунĕнчех пирвайхи наградăна — "ылтăна" — Беслан Мудранов дзюдосит çĕнсе илчĕ. Шел те, чăваш хĕрĕ Ирина Долгова /ун çинчен эпир хаçатăн малтанхи кăларăмĕсенче çырса пĕлтернĕччĕ/ çурма финала тухаймарĕ. Иркутск облаçĕнчи Братск хулин дзюдоисчĕ пĕрре саккăрмĕш финалта Аргентина спортсменкине выляса ярса тупăшуран тухса ÿкрĕ.