19 Ноября, 2014 | Экономика

Бюджет тупăшĕ, шел те, пĕчĕкленет

Ытларикун Правительство çуртĕнче ЧР Патшалăх Канашĕн черетлĕ 25-мĕш сессийĕ ĕçлеме пуçларĕ. Унăн кун йĕркинче - 11 ыйту, анчах сессин пĕрремĕш кунĕнче парламентарисем вĕсен пĕр пайне кăна тишкерчĕç, ыттисене иккĕмĕш тапхăрта пăхса тухĕç, вăл ноябрĕн 27-мĕшĕнче уçăлĕ.

Çапах тĕп ыйтăва, республикăн виçĕ çуллăх бюджечĕ çинчен калакан саккун проектне, депутатсем ытларикунах сÿтсе яврĕç, ăна пĕрремĕш вулавпа йышăнчĕç. Бюджет тавра чăннипех çивĕч калаçу пулчĕ.

19 Ноября, 2014 | Культура

Светлана Асамат - Чăваш Республикин искусствăсен тава тивĕçлĕ деятелĕ, Ульяновск облаçĕн культурăн тава тивĕçлĕ ĕçченĕ, Çеçпĕл Мишши премийĕн лауреачĕ, Раççей Писательсен союзĕн, Чăваш Композиторсен ассоциацийĕн членĕ. Кĕскен - чăваш халăхĕ лайăх пĕлекен сăвăç, юрăç, композитор.

19 Ноября, 2014 | Культура

Янкăлч шкулĕн музейĕ Раççей конкурсĕнче 1-мĕш вырăн йышăннă.      Канаш районĕнчи Янкăлчри шкул ку тăрăхри пĕлÿ çурчĕсемпе танлаштарсан хăйне евĕрлĕхĕпе, вĕренÿ тытăмĕнче çĕнĕлĕхсемпе усă курнипе уйрăлса тăрать. Паян кунта 91 ача пĕлÿ илет.

18 Ноября, 2014

Кĕркунне сутлăх сĕт пĕлтĕрхинчен мĕншĕн йÿнелчĕ? Хресчене çак ыйту канăç памасть. 1-2 стр.

Çитĕнÿ çулĕ такăр пултăр. Чăваш Ен çĕршыври ирĕклĕ мелпе кĕрешекен хĕрарăмсен тĕп центрĕ пулса тăчĕ. Пирĕн республика ытти регионсенчен чи малтан спортăн çак тĕсне аталантарма пуçланă. 2 стр.

17 Ноября, 2014 | Ял хуçалăхĕ

Хресчене çак ыйту канăç памасть.  «Агро-Инновацисем» ХП пĕлтернĕ тăрăх - тирпейлекен предприятисем кашни килограмм сĕте /1-мĕш сорт/ кăçалхи ноябрĕн 6-мĕшĕ тĕлне 19,1 тенкĕлле /пĕлтĕрхи ноябрĕн 7-мĕшĕнче - 19,68/ йышăннă.

17 Ноября, 2014

Раççей Федерацийĕн уявĕсен кăçалхи календарьне хальхинче нихçанхинчен те ытларах кăсăкланса тишкерсе тухрăм. Сăлтавĕ те тупăнчĕ. Чăннипех, мĕнле кăна уяв çук иккен пирĕн? Сăмахран, акă, январь уйăхĕнче кăна тĕрлĕ пулăмпа çыхăннă 30 куна /ятарласа шутларăм!/ паллă тăватпăр: Çĕнĕ тата Кивĕ çул, РФ прокуратура ĕçченĕсен кунĕ, Раççей тата Чăваш пичечĕн кунĕсем, Студентсен кунĕ тата ытти те. Эпир пĕлменни те сахал мар иккен: çак уйăхрах - ытама илме юратакансен кунĕ, шурă эрех «çуралнă» кун. Ытти уйăхсенче те тĕлĕнмеллисем тупăнчĕç.

17 Ноября, 2014

«Чăваш Ене, Крыма тата Севастополе пулăшакан коммерцисĕр ĕçтешлĕхпе» Чăваш Республикинчи

çар комиссариачĕ республикăра пурăнакансене, организацисене, учрежденисемпе предприятисене чĕнсе калани

Совет çарĕсем 1944 çулта Крыма ирĕке кăларнă чухне Балаклава хулине те нимĕç тата румын захватчикĕсенчен тасатнă. Севастополе фашистсенчен пĕтĕмпех хăтариччен виçĕ эрне, Аслă Çĕнтерÿччен çулталăк ытларах юлнă.

Pages

Subscribe to