София Ермолаева Шупашкарти 49-мĕш вăтам шкулта 7-мĕш В класра вĕренет. Вĕренÿре аван ĕлкĕрсе пыраканскер пĕчĕкренех ташлама тата юрлама юратать.
2010 çултанпа хăйĕн пултарулăхне Трактор тăвакансен культура керменĕ çумĕнчи «Сингл» студире туптать. София — республикăри «Мехел» ача-пăча конкурсĕн 2012 çулхи çĕнтерÿçи.
Патăрьел районĕнче федерацин «Ял — Раççей чунĕ» проекчĕпе килĕшÿллĕн «Ата-лантарнă ял — Раççей ăс-хакăлĕн, кăмăл-сипечĕн, экономика чĕрĕлĕвĕн никĕсĕ» темăпа регионсен хушшинчи «Шăнкăртамри диалог» VI форум иртрĕ.
Юлашки çулсенче республика сăн-сăпачĕ палăрмаллах улшăнса лайăхланчĕ. Аякри нумай яла такăр çул, çут çанталăк газĕ çитрĕ. Çурт-йĕр тăвассипе те Чăваш Ен çĕршывра малтисен йышĕнче. Экономикăри йывăрлăхсене пăхмасăрах Шупашкарта кăна мар, районсенче те çĕнĕ çуртсем, ача сачĕсем, ытти социаллă объект хута каяççĕ.
Пĕтĕм чăвашсен «Асам» II кинофестивалĕ, регионсен хушшинчи “Культура урлă — халăхсен килĕшĕвĕ патне” форум хÿттипе йĕркеленĕскер, историе юлма ĕлкĕрчĕ те. Раççей Кино çулталăкĕнче унăн пĕлтерĕшĕ уйрăмах пысăк пулчĕ. “Асам” çавăн пекех Чăваш Енри Ĕç çыннин çулталăкне те туллин çутатрĕ.
Çапла пĕтĕмлетрĕç юпа уйăхĕн 31-мĕшĕнче иртнĕ ЧР Физкультура тата спорт министерствин коллегийĕнче. 2017 çулта спорта аталантарма республика бюджетĕнчен кăçалхинчен сахал мар укçа-тенкĕ уйăрнă. Министерствăн анлă ларвне ЧР Пуçлăхĕ Михаил Игнатьев та хутшăнчĕ.
Юпа уйăхĕн 28-мĕшĕнче Шупашкарти строительствăпа хула хуçалăхĕн техникумĕ 90 çул тултарнине паллă турĕç. Юбилее, техникумăн тĕп хуламăрти Илпек урамĕнчи 6-мĕш çуртра вырнаçнă корпусне, вĕренÿ заведенийĕн хисеплĕ ветеранĕсем, вĕрентекенсемпе студентсем, кунтан тĕрлĕ çулсенче вĕренсе тухнисем, тĕрлĕ тытăм представителĕсем йышлăн пухăнчĕç.
Юпа уйăхĕн 28-мĕшĕнче республикăри ял хуçалăх организацийĕсен, фермер, кил хуçалăхĕсен, апат-çимĕç хатĕрлекен предприятисен представителĕсемпе АПК ветеранĕсем Чăваш патшалăх оперăпа балет театрĕнче Ял хуçалăх тата тирпейлекен промышленноç ĕçченĕсен кунне паллă турĕç.
Республика Пуçлăхĕ Михаил Игнатьев юпа уйăхĕн 28-мĕшĕнче Правительство çуртĕнче ял хуçалăх организацийĕсен тата тирпейлекен промышленноç предприятийĕсен ертÿçисен пĕр ушкăнĕпе тĕл пулчĕ.
Чăваш Ен Пуçлăхĕ Михаил Игнатьев кĕçнерникун Патăрьел районĕнчи Шăнкăртам ялĕнче иртнĕ "Шăнкăртам диалогĕсем" VI ял экономика форумне хутшăннă.
Республикăра ку чухне 3 пин ытла строительство организацине шута илнĕ. Вĕсенче 29 пин çын вăй хурать. Çав шутра 22 пинĕшĕ çурт-йĕр хăпартать, ытти материалпа тивĕçтерет.
Чăвашла верси
Русская версия
