Чăвашла верси
Русская версия
22 Нарăс, 2017
Новости по теме
21 Нарăс, 2017
Пăрачкавсем 100 миллион тенке яхăн илĕç
Республика кунне халалласа ирттерекен мероприятисем кăçал Шупашкар хулисĕр пуçне Пăрачкав районĕнче те иртеççĕ. Палăртма кăмăллă: муниципалитет территорисене тирпей-илем кĕртме тата мероприятисем ирттерме Пăрачкавсем 100 миллион тенке яхăн илĕç. Кун пирки Чăваш Республикин Пуçлăхĕ Михаил Игнатьев ĕнер Пăрачкавра пулнă чухне пĕлтернĕ.
21 Нарăс, 2017
Укçа килет - хысна тулать
Чăваш Енĕн Финанс министерстви районсемпе хуласен хыснинче мĕн чухлĕ укçа пуçтарăннине тишкернĕ. Кăçалхи нарăс уйăхĕн 1-мĕшĕ тĕлне бюджета налук тата налук мар тупăш пурĕ 544,9 млн тенкĕ кĕнĕ. Асăннă суммăран 399,9 миллионĕ - налук. Ăна пухасси çулталăкăн пĕрремĕш уйăхĕнче 8,3 процент хушăннă.
21 Нарăс, 2017
Шкула лекес тесе тăван патне каяççĕ
Кăçал Чăваш Енри шкулсене пĕрремĕш класа 15736 ача кайĕ, çак йышран 65,6 проценчĕ хулари шкулсене çÿреме тытăнĕ. Шупашкарта заявленисене электрон майпа пухаççĕ. Шкул урати патĕнче кĕпĕрленме тивменрен ку хыпара ашшĕ-амăшĕ ырласа йышăннă. Анчах йывăрлăх та пур. Республикăн Правительство членĕсемпе эрнесерен иртекен канашлура Шупашкар хула администрацийĕн пуçлăхĕ Алексей Ладыков тепĕр шкула вĕренме кĕме заявлени йышлине, анчах вырăн çителĕксĕррине пĕлтернĕ.
20 Нарăс, 2017
Чукун çул аталанма пулăшать
Нарăсăн 17-мĕшĕнче Чăваш Ен Пуçлăхĕ Михаил Игнатьев коммерципе çыхăнман «Чукун çул техники туса кăларакансен пĕрлешĕвĕ» ĕçтешлĕхĕн пĕрлехи пухăвне хутшăннă, унта пĕлтĕрхи ĕç-хĕле пĕтĕмлетнĕ, кăçалхи тĕллевсене палăртнă.
Пухăва «РЖД» АУОн аслă вице- президенчĕ, ĕçтешлĕх президенчĕ Валентин Гапанович ертсе пынă, калаçăва Раççей промышленноç министрĕн заместителĕ Александр Морозов, федерацин тата регионсен влаç органĕсен, пĕрлешÿ предприятийĕсен ертÿçисем хутшăннă.
20 Нарăс, 2017
«Сирĕн таварсем пире кирлĕ»
Çапла каланă Куба Республикин Раççейри посолĕ
Шăматкун Чăваш Ен Пуçлăхĕ Михаил Игнатьев Куба Республикин Раççейри Чрезвычайлă тата Полномочиллĕ Посолĕпе Эмилио Лосада Гарсияпа курнăçнă.
Михаил Игнатьев икĕ республика çыхăнăвĕ çирĕппине, Посолăн Чăваш Енри визичĕ икĕ енлĕ хутшăнусене хушма хăват парассине палăртнă.
20 Нарăс, 2017
Инкек йăтăнса аниччен çитменлĕхе сирмелле
Чăваш Республикинчи авариллĕ çурт-йĕрте пурăнакансене юрăхлă çĕре куçарас енĕпе 2013-2017 çулсенче пурнăçа кĕртмелли программа тĕлĕшпе ĕç-пуç еплерех пырать-ха? Республика Пуçлăхĕ Михаил Игнатьев ĕç тăвакан влаç органĕсен тата федераци ведомствисен территори тытăмĕсен ертÿçисемпе ирттерекен канашлу паян шăпах çак ыйтăва сÿтсе явнинчен пуçланчĕ.
Лару-тăрăва уçса пама республикăн строительство, архитектура тата пурăнмалли çурт- йĕрпе коммуналлă хуçалăх министрĕ Владимир Михайлов сăмах илчĕ.
20 Нарăс, 2017
Михаил Игнатьев — Китай телеэфирĕнче
Эрнекун Чăваш Ен Пуçлăхĕ Михаил Игнатьев Китайри «Жэньминь жибао» хаçатăн — тĕнчери чи пысăк кăларăмсенчен пĕрин .пичет кăларăмĕн тиражĕ 3 миллиона яхăн экземплярпа танлашать. — телекурав проектне хутшăннă. Журналистсем ЧР Пуçлăхĕпе Чăваш Енре Китай бизнесменĕсемпе пĕрле инвестици проекчĕсене пурнăçлассипе, туризм сферинчи ĕçтешлĕхе аталантарассипе çыхăннă ыйтусене сÿтсе явнă.
20 Нарăс, 2017
Илья Павлович ПРОКОПЬЕВĂН çутă сăнарне асра тытса
91 çула кайса нарăс уйăхĕн 20-мĕшĕнче Чăваш Енри патшалăхăн, политикăн тата обществăн паллă деятелĕ Илья Павлович Прокопьев пурнăçран уйрăлчĕ.
Пысăк чун-чĕреллĕ, пултаруллă ертÿçĕн, ячĕ Чăваш Республикин тата Раççейĕн историйĕнче ылтăн саспаллисемпе çырăннă çыннăн куçĕ яланлăхах хупăнчĕ. Илья Прокопьев пурнăçне Тăван çĕршыв ырлăхĕшĕн тата тăван халăхшăн ĕçлессипе çыхăнтарнă. Чăваш халăхĕ ăна ĕçе чунран парăннăшăн, хăйĕнчен тата ыттисенчен çирĕп ыйтма пĕлнĕшĕн, татăклă йышăнусем тума пултарнăшăн хисепленĕ.
Илья Павлович Прокопьев 1926 çулхи утă уйăхĕн 29-мĕшĕнче Вăрнар районĕнчи Мачамăш ялĕнче çуралнă. Нурăс вăтам шкулĕнчен вĕренсе тухнă хыççăн унти педагогика училищине пĕтернĕ. 1943 çулта Хăмăшри 8 класлă шкулта истори тата географи учителĕнче ĕçлеме пуçланă. Çав çулах Хĕрлĕ Çар ретне тăнă. Фашистла Германие çапса аркатнă хыççăн Китая тата Корейăна яппун оккупанчĕсенчен ирĕке кăларма хутшăннă. Илья Павлович 1950 çулхи çурла уйăхĕчченех çар службинче тăнă. Çак вăхăтра Хабаровскри педагогика институтне куçăн мар майпа вĕреннĕ. Саппаса тухнă хыççăн республикăн обществăпа политика пурнăçне хастар хутшăннă.
20 Нарăс, 2017
Шупашкарта демографи лару-тăрăвĕ лайăхланнă
Нарăс уйăхĕн 20-мĕшĕнче Ачасемпе çамрăксен пултарулăх керменĕнче Шупашкар хула депутачĕсен Пухăвĕн черетлĕ 17-мĕш анлă ларăвĕ иртрĕ. Унта Чăваш Ен Пуçлăхĕ Михаил Игнатьев та хутшăнчĕ.
