Чăваш Енре ял хуçалăх продукцине туса илекенсене тавар вырнаҫтарма «Нашсельхоз» электронлă лапам пулӑшать.
Республикăн Ял хуҫалӑх министерствинче каланă тӑрӑх, ял хуҫалӑх таварне туса илекен статусĕллĕ предприяти-организацисем унта хăйсем пирки информаци вырнаҫтарма пултараҫҫӗ. Вӗсене районсенчи яваплӑ ӗҫченсем ку енӗпе пулӑшма тивӗҫ. Ҫавсен ятне-шывне, телефонне, электрон адресне министерство сайтӗнче пӗлтернӗ.
Чăваш Енри Татьяна Акимова биатлонистка темиçе минут каялла кĕмĕл медале тивĕçрĕ. Паян вăл Сочире çак кунсенче иртекен Пĕтĕм тĕнчери хĕллехи виççĕмĕш çар вăййинче спринтра тупăшрĕ.
Патăрьел районĕнчи арçынсем ашшĕ пулма вĕренеççĕ. Пурнăçри яваплă утăма хатĕрленекенсене шиклентерекенни чылай. Çавна шута илсе унти хĕрарăмсен консультацийĕ çумĕнче "Пулас амăшĕсен шкулĕ" кăна мар, "Пулас ашшĕсен шкулĕ" те вăй илсе пырать.
Раççейĕн Пĕрлешнĕ Нацисен Организацийĕ çумĕнчи яланхи представителĕн тивĕçне пурнăçлама Пётр Ильичёва шаннă. Пётр Ильичёв 1966 çулта çуралнă. "Парламентская газета" хыпарланă тăрăх, 2013 çулхи раштав уйăхĕнче вăл чрезвычайлă тата тулли праваллă 2-мĕш класлă посланник ята тивĕçнĕ.
Чи тӑрӑшуллӑ муниципалитетсене малашне республика Пуçлăхĕн Михаил Игнатьевăн Гранчĕпе хавхалантарма тытӑнӗҫ. Кун пирки Чӑваш Енӗн Правительствин пуҫлӑхӗн ҫумӗ — экономика министрӗ Владимир Аврелькин Министрсен Кабинечӗн ӗнерхи ларӑвӗнче пӗлтернӗ.
Тĕп хулари Оперăпа балет театрĕнче Тăван çĕршыв хÿтĕлевçине халалланă уяв иртрĕ. Ку уяв — пирĕн халăх мĕнпур ăру салтакĕ умĕнче пуç тайнине, вĕсен паттăрлăхĕпе харсăрлăхне сума сунине кăтартакан пулăм. Çĕршыв хÿтĕлевçисене, вĕсен çемйисене сумлă çак уявпа Чăваш Республикин Пуçлăхĕ Михаил Игнатьев саламларĕ:
Чăваш Енĕн Наци телевиденине кабель сечĕпе тÿлевсĕр кăтартмалли каналсен шутне кĕртнĕ. 21-мĕш кнопкăна йышăнассишĕн конкурса пирĕн республикăран икĕ телеканал хутшăннă. Наци телевиденийĕпе пĕрлех "Телеканал 21+" лекме ĕмĕтленнĕ.
Министрсен Кабинечĕн нарăсăн 22-мĕшĕнче иртнĕ ларăвне ЧР Пуçлăхĕ Михаил Игнатьев пухăннисене çул-йĕрпе транспортăн çĕнĕ министрĕпе паллаштарнинчен пуçларĕ. Вăл - Владимир Иванов, халĕччен Предпринимательсен прависем енĕпе ĕçлекен уполномоченнăй пулнăскер. Бизнес хӳтĕлевçинче ăнăçлă ĕçленине палăртнă май Михаил Васильевич ăна çĕнĕ должноçра та çавăн пекех тухăçлă ĕçпе палăрма сунчĕ.