Ыран, пуш уйăхĕн 25-мĕшĕнче, Чăваш Ене Раççей Стройминĕн проект дирекцийĕн ертÿçисем килмелле. Вĕсем Шупашкар хулин 2017 çулхи муниципалитет программине кĕртнĕ проектсемпе паллашĕç.
Чăваш Енĕн Стройминĕнче пĕлтернĕ тарăх, хăнасем республикăн тĕп хулине хăтлăх кĕртессипе çыхăннă ыйтусене сÿтсе явма йĕркелекен "çавра сĕтеле" хутшăнса кăçал пурнăçламалли ĕç-хĕле çеç мар, 2018-2022 çулсенчи плансене те тишкерĕç.
Етĕрне районĕнчи Лапракасси ял халăхĕ чăвашла калаçман пуçлăхсене кÿреннĕ. Кун пирки "Хыпар" хаçатăн паянхи номерĕнче Валентина Багадерова журналист пĕлтернĕ. Сăмахĕ нарăсăн 13-мĕшĕнче Лапракасси ялĕнче иртнĕ пуху пирки пырать.
Больницăна кăçалтан СМС-çырупа йыхравлаççĕ. Унта çынсене диспансеризаци тухмаллине аса илтереççĕ.
Ял-хула тăрăхĕсен çĕнĕ пуçлăхĕсем Патăрьел районĕнчен ĕçлеме вĕренесшĕн. Асăннă муниципалитета вĕсем семинар-канашлăва паян пухăннă.
Паянтан Чăваш Енĕн сывлăх сыхлав министрне çирĕплетнĕ. Ку должноçе Шупашкарти стоматологи поликлинин тĕп врачĕнче ĕçленĕ Владимир Викторова шаннă.
Чăваш Енре "Чăваш чĕлхин ăнлантаруллă сăмах кĕнекин" черетлĕ томĕ кун çути курнă. Ку - виççĕмĕш кăларăм. Унчченхи икĕ тома А-И тата И-К сас паллиллĕ сăмахсене кĕртнĕччĕ.
Ачаллă пулма ĕмĕтленекен, анчах хăйсем çуратайман xěpapăмсем экстракорпораци мелĕпе усă курса йывăp çын пулаççě. Кăçал ун пек меслетпе 1237 хутчен тÿлевсĕр усă курма май пур.
Арлă-арăмлă çулталăк пурăнсан та çие юлмасан тухтăрсем мăшăp xăйсем тěллěн aчаллă пулайманнине йышăнаççĕ. Ун пек йывăрлăх пур çемьесем Чăваш Енре - 17-18 процент. Сăлтавĕ арçынра та, хĕрарăмра та, мăшăрсенчен иккĕшĕнче те пулма пултарать.
Шупашкарти Калинин районĕнчи суд приставĕ мунча кăмакине туртса илесшĕн. Анчах хăйěн валли мар. Суд йышăнăвне пурнăçласа.
Шупашкар шыв управне юхса кĕрекен пĕчĕк юханшывсем кăçал ытти çултинчен 5 кун маларах тулма пуçланă. Пĕлтĕр шыв пуш уйăхĕн 30-мĕшĕнче кăна пуçтарăнма тытăннă.
Пĕтĕм тĕнчери театр кунĕ умĕн пирĕн республикăра "Чĕнтĕрлĕ чаршав" конкурс çулсерен ирттереççĕ. Ăна хальхинче те Культура министерстви, Чăваш Енри Театр ĕçченĕсен союзĕ тата республикăри театрсем йĕркелеççĕ.
Чăвашла верси
Русская версия
