Новости по теме
"Артека" кайма шанчăк пур
Чăваш Енри ачасен "Артек" лагере тÿлевсĕр кайма шанчăк пур. Ун валли вĕсен Раççейри Экологи çулталăкне халалланă çĕршыври конкурсра палăрмалла. Конкурсра çĕнтернĕ 150 ытла ача экологи сменине хутшăнайĕ. Заявка пама шутлă вăхăт юлнă: заявление ака уйăхĕн 9-мĕшĕнче юлашки кун йышăнаççĕ.
Кăçал Чăваш Енри кашни районта агроклассем уçасшăн
Чăваш Енри яш-кĕрĕмпе хĕр-упраç ял хуçалăх специальноçне хысна шучĕпе илме ăнтăлать. Ун пеккисен шучĕ 2016/2017-мĕш вĕренÿ çулĕсенче палăрмаллах йышланнă.
Чăваш Енри вăрçă ветеранĕсен Санкт-Петербурга тÿлевсĕр çитсе килме май пур
Тăван çĕршывăн Аслă вăрçине хутшăннă Чăваш Енри ветерансен çу уйăхĕн 3-12-мĕшĕсенче Санкт-Петербурга тÿлевсĕр кайса килме май пулĕ. Уяв парнине хатĕрлени - "РусЛайн" авиакомпани.
Арăмĕшĕн тăрăшакан пуçлăх ята кĕнĕ
Вăрнарти техника инвентаризацийĕн бюровĕн экс-директорĕ арăмĕшĕн тăрăшнине пула ята çеç мар, тĕпчевçĕсен куçĕ тĕлне те лекнĕ. Ун тĕлĕшпе РФ Следстви комитечĕн республикăри управленийĕн Çĕмĕрлери районсем хушшинчи тĕпчевçисем уголовлă ĕç пуçарнă.
Чăваш Енри тÿре-шара пневматика пистолетĕнчен пенĕ
Çак кунсенче республикăри тÿре-шара патшалăхăн влаç органĕсенче тата вырăнти хăй тытăмлăхра ĕçлекенсен физкультурăпа спорт спартакиадине хутшăннă май тĕл перессипе тупăшнă. Турнир республикăн тĕп хулинчи 5-мĕш гимназири тирта иртнĕ.
Чăваш Енре те терроризма хирĕç акцие хутшăнĕç
Шăматкун, ака уйăхĕн 8-мĕшĕнче, пирĕн çĕршывра терроризма хирĕç акци иртмелле. Унта Чăваш Енре пурăнакансем те тухĕç. Мероприяти Шупашкарти Республика тÿремĕнче 11 сехетре пуçланмалла. Акцие, малтанласа пĕлтернĕ тăрăх, парламентри мĕн пур парти хутшăнмалла.
Çĕнĕ Шупашкартан Шупашкара çитме çăмăлланě
Паянтан 101-мĕш номерлĕ "Çĕнĕ Шупашкар-Шупашкар" маршрутпа виçĕ пысăк автобус çÿреме пуçланă. Республикăн Транспорт министерстви автобуссен хуçине, "Чăвашавтотранс" предприятие, халăх хăш вăхăтра ытларах çÿренине çирĕп сăнаса тăма, çавна кура рейссене йĕркелеме хушнă.
Патăрьелĕнчи прокуратура тăлăха хÿтĕленĕ
Патăрьел район прокуратури 23 çулти каччăн правине хÿтĕлессишĕн суда çитнĕ. Пулăшу ыйтса надзор органне çамрăк хăй кайнă. Унта вăл тăлăх пулин те хваттер паманнине пăшăрханса пĕлтернĕ.