«Çĕнтерÿçĕ салтаксен кирек хăш вăхăтра та стройра пулмалла», — Пĕтĕм Раççейри «Вилĕмсĕр полк» акци кăçал та çак чĕнÿпе иртрĕ. Чăваш Ен унта кăçалхипе пиллĕкмĕш хут хутшăнчĕ.
Паян, çу уйăхĕн 7-мĕшĕнче, Чăваш наци радиовĕн эфирĕн "Ачалăх урхамахĕ" кăларăмĕнче "Хăнара - "Тантăш" рубрика уçăлнă. Ку вăл - радиопа хаçатăн пĕрлехи проекчĕ. Радиокăларăм 11 сехет те 20 минутра пуçланнă.
Унта хаçатăн çу уйăхĕн 4-мĕшĕнчи номерĕнче пичетленнĕ Луиза Васильеван "Нумай çул иртсен тăванĕсене тупнă" статйине сÿтсе явнă. Материалта автор Улатăр районĕнчи Кивĕç Эйпеçри пĕр çемьен кăсăклă историйĕпе паллаштарнă. Кăларăмра "Тантăшри" ытти хăш-пĕр статьяна та тишкернĕ.
Паян Чăваш Республикин Пуçлăхĕ Михаил Игнатьев Муркаш районĕнчи «Свобода» хуçалăхра, Етĕрне районĕнчи «Герой» ОООра, «Ленинская искра» колхозăн уй-хирĕнче çурхи уй-хир ĕçĕсем мĕнле пынипе паллашнă. Хирсене пăхса çаврăннă, механизаторсемпе калаçнă май май çурхи ĕçсене вăраха тăсса ямасăр вĕçлемеллине палăртнă, çак тапхăртпа «çанă тавăрса» ĕçлеме чĕнсе каланă.
Паян Шупашкарти Хĕрлĕ лапамра велочупу иртнĕ. Тăван çĕршывăн Аслă вăрçинче çĕнтернĕренпе 72 çул çитнине халалланăскер 12 сехетре старт илнĕ. "Хĕрлĕ лапам - Президент бульварĕ - Мускав кĕперĕ - "Раща" ункă - Мускав проспекчĕ - Президент бульварĕ - Хĕрлĕ лапам" маршрутпа çула тухнисем хушшинче тĕрлĕ ÿсĕмри çын пулнă. Вĕсем пурте икĕ урапаллă транспорт çине ларнă.
Паян, çу уйăхĕн 5-мĕшĕнче, Чăваш Ен Пуçлăхĕ Михаил Игнатьев ЧР Ĕçлев тата социаллă хутлăх министерствин "Аслă ăру çыннисемпе инвалидсен социаллă сиплевĕн центрĕнче - "Вегăра" - Тăван çĕршывă ветеранĕсемпе тата тыл ĕçченĕсемпе тĕл пулнă, Аслă Çĕнтерÿ 72 çул тултарнă ятпа ăшшăн саламланă.
«Хыпар» Издательство çурчĕн директорĕ-тĕп редакторĕ Татьяна Вашуркина, профком председателĕ Надежда Смирнова тата Сергей Журавлев фотокорреспондент паян, çу уйăхĕн 5-мĕшĕнче, ĕçтешĕмĕр, Тăван çĕршывăн Аслă вăрçин ветеранĕ Анатолий Семенов патне çитсе килнĕ.
Çу уйăхĕн 9-мĕшĕнче мĕнле уява паллă тунине шкул ÿсĕмĕнчи кăна мар, садике кăна çÿрекен ачасем те пĕлеççě. Шупашкарти ача сачĕсене çÿpeкенсем Тăван çĕршывăн Аслă вăрçи Çĕнтерÿпе вĕçленнине палăртакан праçнике виççĕмĕш çул ĕнтĕ чăн-чăн салтакла парадра утса кĕтсе илеççĕ.
Сире Тăван çĕршывăн Аслă вăрçинче çĕнтернĕренпе 72 çул çитнĕ ятпа чĕререн саламлатăп!
Çĕр çинчи тăнăçлăха тата Тăван çĕршывăн никама пăхăнманлăхне упраса хăвармашкăн чăмăртаннă совет халăхĕн хăюлăхĕ, пурнăçа шеллеменни, вĕсен чунĕсен çирĕплĕхĕ Раççейĕн паянхи çыннисемшĕн тата пулас ăрусемшĕн паттăрлăх тĕслĕхĕ пулса тăраççĕ.
Планетăна фашизм сăнчăрĕнчен хăтарма пултарнă ветерансем умĕнче эпир ĕмĕр-ĕмĕр парăмра.
Çамрăк вулакансем «Хыпар» Издательство çурчĕн «Тетте» журналĕн пурнăçӗпе кăсăклансах тăраççӗ. Ĕнер, çу уйăхĕн 4-мĕшĕнче, Шупашкарти 78-мӗш ача сачӗн хатӗрленӳ ушкăнӗ редакцире экскурсире пулса курнă.
Чăвашла верси
Русская версия
