Çичĕ çул ĕçсĕр ларнă хыççăн Етĕрнери спирт завочĕ продукци кăларма тытăннă. Лару-тăрупа республика Правительствин пуçлăхĕ Иван Моторин вырăна тухса паллашнă хыççăн кăмăллă юлнă.
Кăçалхи çур çулта Чăваш Енре çул-йĕр çинчи инкексен шучĕ чакнă. Çав вăхăтрах Çĕмĕрлепе Канаш хулисенче, Элĕк, Куславкка, Вăрмар, Çĕрпÿ, Елчĕк тата Тăвай районĕсенче вĕсен шучĕ ÿснĕ.
Шупашкарти "Çĕнĕ хула" микрорайонта тата тепĕр район çĕкленĕ. Республикăн тĕп хулинчи архитектура тата градостроительство управленийĕнче пĕлтернĕ тăрăх, ĕнер, утă уйăхĕн 13-мĕшĕнче, ку ыйтупа хулара халăха пухса сÿтсе явнă.
Паян "Хыпар" издательство çуртĕнче профсоюз организацийĕ пуху ирттерсе хăйĕн ĕçĕ-хĕлĕ пирки отчет турĕ. Профсоюз организацийĕ хăй вăхăтĕнче сумлă та шăллă организаци пулнă.
Çак шăматкун, утă уйăхĕн 15-мĕшĕнче, республикăра спорт сооруженийĕсене тÿлевĕсĕр кайма май пур. Вăхăт пуррисем республика тата муниципалитет шайĕнчи спорт учрежденийĕсенчи тренажер залне, бассейна, ытти спорт лапамне кайма пултарĕç.
Шупашкарта кăçал та "Ташлакан хула" фестиваль иртет. Ăна улттăмĕш хут йĕркелеççĕ. Проекта ирттерме Шупашкар хула администрацийĕпе Чăваш Енĕн ташă спорчĕн федерацийĕ пулăшаççĕ.
Министрсен Кабинечĕн паянхи, юнкунхи, ларăвĕн, Иван Моторин премьер-министр ертсе пынăскерĕн, кун йĕркине кĕртнĕ 17 ыйтăва пăхса тухма пухăннисене çур сехете яхăн кăна кирлĕ пулчĕ — лару хăвăрт вĕçленчĕ. Анчах ку тишкернĕ темăсем пĕлтерĕшсĕррине çирĕплетмест.
Шупашкарти Трактор тăвакансен культура керменĕ патĕнчи ращара парк пулĕ. Ку ыйтăва ĕнер хулари тÿре-шара вырăна тухса ирттернĕ канашлура сÿтсе явнă.
Йĕпреç районĕнчи "Путиловка" агрофирмăри качакасем Пĕтĕм Раççейри куравра виççĕмĕш вырăн йышăннă. Мăйракаллă çак выльăха Тутарстанра иртнĕ Пĕтĕм Раççейри уй-хир кунне илсе кайнă.
Шупашкар Пĕтĕм тĕнчери «Пурçăн çулĕ» ралли тупăшăвне хутшăнакансене кĕтсе илчĕ.
Чăвашла верси
Русская версия
