Утă уйăхĕн 27-мĕшĕнче РФ Президенчĕн Федерацин Атăлçи округĕнчи полномочиллĕ представителĕн заместителĕ Игорь Паньшин Шупашкарти кадет шкулĕпе паллашнă. Малтанах вăл Константин Иванов урамĕнчи кивĕ корпусри юсав ĕçĕсене пахаланă. Ун хыççăн Çĕнĕ-Кăнтăр районта çĕкленекен корпусăн строительствипе паллашнă.
Утă уйăхĕн 27-мĕшĕнче Çĕрпÿ районĕнче «Урпа, салат, хăмла тата сăра» Атăлçи уй кунĕ иртрĕ. Мероприятие пухăннисем малтан Çĕрпÿри «Чăвашхăмлапром» АУОра тулли хăватпа гранула туса кăларакан комплекслă оборудованин ĕçĕпе паллашрĕç. Германи техники сехетре 1500 кг гранула хатĕрлет. Анчах ăна валли чĕр тавар çителĕксĕр. Ун хыççăн ял хуçалăх культурисене тĕпчекен институтăн хăмла плантацийĕнче пулчĕç.
Паян кăнтăрла иртни 13 сехет те 30 минут тĕлĕнче Çĕрпÿ районĕнчи Тапанар ялĕ тĕлĕнче пысăк инкек пулнă. М7 федераци трасси çинче виçĕ çын вилнĕ, улттăн аманнă. Малтанласа шухăшланă тăрăх, йывăр тиевлĕ "MAN" машинăн урапи шăтса кайнипе сакăр вырăнлă "Peugeot" пĕчĕк автобуспа çапăннă.
Утă уйăхĕн 1-мĕшĕнчен пуçласа Раççейри медицина учрежденийĕсем çын вăхăтлăха ĕçлейменнине ĕнентерекен хутсене — «больничнăйсене» — электронлă мелпе те пама пуçларĕç.
Вӑрнар районӗнчи 43 çулти хӗрарӑма усрава илнӗ ачасене картманшăн суд тунӑ.
Шупашкар Беларуç троллейбусĕсемпе электробусĕсене туянасшăн.
Шупашкарти тăватă библиотекăна çывăх вăхăтра писательсемпе поэтсем капăрлатĕç. Тĕрĕсрех каласан, вĕсен портречĕсене çак учрежденисен мал енне ÿкерсе тухĕç.
Çĕршыври пысăк суту-илÿ компанийĕсенчен пĕри Чăваш Енре "Фасоль" бизнес-проект ĕçлеттерсе ярасшăн. 50-150 тăваткал метр пысăкăш апат-çимĕç лавкки тытакансене тата усламçăсене вăл пĕр брендпа ĕçлеме йыхравлать.
Утă уйăхĕн 21-мĕш каçхине Канашри Ленин урамĕнчи 27-мĕш çурт стени çуркаланса кайнине эпир пĕлтернĕччĕ. Паян çав çуртпа çыхăннă ыйтăва Чăваш Енĕн Пуçлăхĕ Правительство членĕсемпе ирттернĕ канашлура та хускатнă.
Чăвашла верси
Русская версия
