Италири Пезаро хулинче çак вырсарникун илемлĕ гимнастикăпа тĕнче чемпионачĕ вĕçленчĕ. Тĕрлĕ енлĕ ăмăртура та пирĕн çĕршыв хĕрĕсем маттур пулчĕç, ылтăн медале тивĕçрĕç. Чемпионатра Раççей команди сакăр ылтăн медальтен çиччĕшне çĕнсе илнĕ.
«Советская Чувашия» хаçат парнисене çĕнсе илессишĕн йĕркелекен çăмăл атлетсен кăçалхи ăмăртăвне кăçал авăн уйăхĕн 10-мĕшĕнче пухăнĕç.
Паян Чăваш Ен "Симĕс Раççей" пĕтĕм Раççейри акцие хутшăнать. Республикăри министерство-ведомствăсенче ĕçлекенсем те, район-хулара пурăнакансем те тавралăха тирпейлеме пĕр шухăшлăн пулса тухнă.
Пĕлÿ кунне Чăваш патшалăх ял хуçалăх академийĕнче те савăнăçлă лару-тăрура уявларĕç. Çак ятпа студентcене, преподавательсене саламлама РФ Патшалăх Думин депутачĕсем Алена Аршиновапа Леонид Черкесов, ЧР Министрсен Кабинечĕн Председателĕн заместителĕ - ял хуçалăх министрĕ Сергей Артамонов тата ытти сумлă хăнасем пуçтарăнчĕç. Вĕсем студентсене сывлăх, телей, вĕренÿре ăнăçу сунчĕç.
Ял хуçалăх академийĕнче кăçал ют çĕршывран килнĕ 58 студент вĕренĕ. Вĕсем Чăваш Ене ăс пухма тĕнчен тĕрлĕ кĕтесĕнчен пуçтарăннă.
Моряк тумне тăхăннă каччăсемпе хĕрсем салтакла çирĕп утăмпа стройпа иртеççĕ — маттурсене пăхса ытармалла мар... Çапла, кунта хĕрачасем те пур. Пĕтĕмпе вара Шупашкарти К.Иванов урамĕнче вырнаçнă кадетсен шкулĕнче паян 225 ача пĕлÿ илет, çар хатĕрленĕвĕн вăрттăнлăхĕсене ăса хывать. 5-мĕш класран пуçласа йышăнаççĕ. "Кĕçĕн" 5-мĕш класа кăçал 30 ачана йышăннă.
"Сире хăватлă та вăйлă аслă шкула вĕренме кĕнĕ ятпа сламлатăп!" - çапларах пулчĕ ЧР Пуçлăхĕн авăн уйăхĕн 1-мĕшĕнчи пирвайхи саламĕ. Пĕлÿ кунĕнче Михаил Васильевич темиçе вĕренÿ заведенине çитрĕ, çапах чи малтан Чăваш патшалăх университечĕн студенчĕсемпе курнăçрĕ.
Çак кунсенче çанталăк хресчене хирте ĕçлеме май туса пачĕ. Хĕвеллĕ те типĕ кунсемпе усă курса аграрисем талăкăн кашни сехечĕпе тенĕ пек усă курма тăрăшаççĕ.
Чăвашла верси
Русская версия
