«Хыпар» издательство çурчĕ çĕршывăн тĕрлĕ регионĕнче пурăнакан йăхташăмăрсем ыйтнипе иртнĕ уйăхăн çурринче «Регионсенчи ентешсене – тăван чĕлхепе тухнă кĕнекесем» акци пуçарчĕ. Юпа уйăхĕн пуçламăшĕччен пыракан ырă пуçарăва çыравçăсем те, вулакансем те хастар хутшăнаççĕ. Паянхи кун тĕлне 300 ытла кĕнеке пуçтарăннă та ĕнтĕ.
К.В. Иванов ячĕллĕ Чăваш патшалăх академи драма театрĕ ĕнер Ĕпхÿ хулине гастроле тухса кайнă.
Ĕç тăвакан влаç органĕсен тата муниципалитетсен ертÿçисемпе ирттеркен паянхи канашлура республикăри çулсем çинчи лару-тăру тавра тĕплĕ калаçу пулчĕ. Транспорт министрĕ Владимир Иванов хăйĕн докладĕнче палăртнă тăрăх, пĕлтĕрхи çак тапхăртипе танлаштарсан кăçалхи сакăр уйăхра çулсем çинчи аварисен, вĕсенче вилнисен тата аманнисен шучĕ чакнă. Инкексенчен ытларахăшĕ — транспорт хатĕрĕсем çапăнни /31%/, çуран çынсене таптани /32%/, машина тÿнсе кайни, чăрмав çине пырса кĕни...
Ĕç тăвакан влаç органĕсен тата муниципалитетсен ертÿçисемпе тунтикунсерен ирттеркен канашлăва республика Пуçлăхĕ Михаил Игнатьев ырă хыпартан пуçларĕ: Раççей Президенчĕн Владимир Путинăн авăн уйăхĕн 30-мĕшĕнче алă пуснă хушăвĕпе Чăваш Ене çĕршывăн Резерв фондĕнчен 26,5 миллион тенкĕ ытла пама йышăннă.
Авăн уйăхĕн 10-мĕшĕнче, Пĕрлехи сасăлав кунĕнче, республика территорийĕнче хушма суйлавсем иртрĕç. Сасăлавăн малтанхи кăтатртăвсем паллă ĕнтĕ. Вĕсемпе, сасăлав мĕнле иртнипе ЧР Тĕп суйлав комиссийĕн председателĕ Александр Цветков паллаштарчĕ.
Ирĕклĕ мелпе кĕрешекен Чăваш Енри хĕрсене тĕнчери чи вăйлă пикесен шутне хăюллăнах кĕртме пулать. В. Кочков ячĕллĕ Шупашкарти олимп резервĕн 5-мĕш спорт шкулĕнче тата В. Краснов ячĕллĕ Шупашкарти олимп резервĕн училищинче вĕреннĕ Екатерина Михайловапа Алена Тимофеева Грецинче иртнĕ тĕнче чемпионатĕнче кĕмĕл медале тивĕçнĕ.
"Хыпар" издательство çурчĕн "Тантăш" хаҫачĕпе Чăваш наци телевиденийĕн "Акилбупсер" кӑларӑмĕ пĕрле хатĕрлекен "Туслăх унки" проект малалла ĕҫлет.
Паян Шупашкарти "Энергия" стадионра "Советская Чувашия" хаçат Андриян Николаев космонавта асăнса йĕркелекен çăмăл атлетика эстафети иртрĕ. Паллах, унта "Хыпар" Издательство çурчĕн туслă ушкăнĕ те хутшăнмасăр юлмарĕ. Чупура ăмăртакан журналистсене хавхалантармашкăн "Хыпар" хаçат директорĕ-тĕп редакторĕпе Татьяна Вашуркинăпа пĕрле издательствăра тухса тăракан тĕрлĕ кăларăм ĕçченĕсем те стадиона пухăнчĕç.
Çак кунсенче, авăн уйăхĕн 6-10-мĕшĕсенче, Мускавра пĕтĕм тĕнчери XXX кĕнеке куравĕ иртет.
Паян ирпе, çурçĕр иртсен, Шупашкарти гидроэлектростанцире ваннине пула Улатăр, Пăрачкав, Канаш, Шăмăршă, Патăрьел тата Комсомольски районĕсенчи 224 ял çутăсăр юлнă. Çутта çавăн пекех Тутарстанри 7 районта сÿнтернĕ.
Чăвашла верси
Русская версия
