Кире пуканне çăмăллăн парăнтарма Шупашкарти «Энерги» спорт шкулĕнче Чăваш Енĕн тава тивĕçлĕ тренерĕ Борис Глинкин хăнăхтарнă атлетсем Крымри Алушта хулинче иртекен Раççей кубокне хутшăнĕç. Ăмăрту авăн уйăхĕн 16–23-мĕшĕнче пулĕ.
Пĕтĕм Раççейри чупу кăçал авăн уйăхĕн 16-мĕшĕнче иртĕ. 2004 çултанпа йĕркелекен массăллă ăмăртăва пирĕн республикăра пурăнакансем те хутшăнĕç.
Авăн уйăхĕн 21-27-мĕшĕсенче пирĕн республикăра Туризм эрни иртĕ. Унăн анлă программипе ĕнер ЧР культура министрĕн çумĕ Иван Архипов каласа кăтартрĕ.
Министрсен Кабинечĕн паянхи ларăвĕнче спиртлă продукцин вак суту-илĕвĕн калăпăшĕ пирки декларацисем панине патшалăх енчен тĕрĕслесе тăмалли йĕркене çирĕплетессине те сÿтсе яврĕç. Ку ыйтупа вице-премьер — экономика аталанăвĕн министрĕ Владимир Аврелькин сăмах илчĕ.
Министрсен Кабинечĕн юнкунхи ларăвĕн малтанах палăртнă кун йĕркине кĕртнĕ ыйтусене тишкерме пуçличчен республика Пуçлăхĕ çĕршыв ертÿçисем ирттернĕ канашлусенче сÿтсе явнă темăсем тавра сăмах хускатрĕ. Ăнсăртран мар: Чăваш Ене тÿрремĕнех пырса тивекен самантсем те пур.
Чăваш кĕнеке издательствине республика хыснинчен çулсеренех укçа уйăрса тăнă. Кĕмĕле социаллă пĕлтерĕшлĕ литературăна кун çути кăтартма панă.
Çитес уйăх вĕçĕнче Шупашкартан Екатеринбурга самолетсем вĕçме пуçлĕç. Ку маршрутпа çула тухакансене «Псковавиа» авиакомпани турттарĕ.
Элĕк районĕнче пурăнакан виçĕ çын патшалăха улталама шухăш тытнă. Пысăк шар кăтартман пулин те саккун пуçран шăлмасть-çке.
Шупашкар районĕнчи Чăрăшкассинчи культура çуртĕнче «Çÿп-çапран – мода» конкурс ирттернĕ. Культура çурчĕн заведующийĕ Галина Королькова (сăн ÿкерчĕкре - хыçалти ретре) «Хыпар» издательство çуртне пĕлтернĕ тăрăх, ал ăстисен хăйне евĕр конкурсне йĕркелес шухăша интернетри ырă пуçарусемпе паллашнă хыççăн тытнă.
Чăвашла верси
Русская версия
