Çĕнĕ вĕренÿ çулĕ пуçланнă-пуçланман шкулта ашшĕ-амăшĕнчен тĕрлĕ сăлтавпа укçа пухма пуçлаççĕ тесе кăмăлсăрланнине час-часах илтме тивет. Тарăхсан та кĕмĕле чуна хытарсах кăларса хураççĕ: ара, ачисен çав шкулах çÿремелле-çке.
Шупашкарта пурăнакан 6 çулти ачана 39 пин тенкĕ кирлĕ. Çак укçа ăна Мускаври Медицина технологийĕсен институтĕнче сиплев курсĕнче тухма май парĕччĕ.
Çĕмĕрлери 1-мĕш шкул кăçалхи вĕренÿ çулĕнче ачасене авăн уйăхĕн 16-мĕшĕнче çеç йышăннă. Çав куна вырăнтисем учреждени çĕнĕрен çурални вырăнне хурса хаклаççĕ.
Шăматкун Атăл хĕрринчи Анне палăкĕ умĕнче халăх йышлăн пухăнчĕ. Сăлтавĕ те пĕлтерĕшлĕ — вĕсем "Наци кросĕ" чупăва хутшăнчĕç. Çĕршывĕпе иртекен массăллă спорт мероприятийĕнче пирĕн республика çыннисем те çулсеренех хастар тупăшаççĕ. Кăçал унта 16 пин ытла çын чупрĕ. Шкул çулне çитмен ачасенчен пуçласа тивĕçлĕ канăва тухнă ватăсем таранах кроса хутшăнчĕç.
Атăлçи тăрăхĕнчи регионсем Оренбургра иртнĕ "Зарница" çарпа спорт вăййисене хутшăннă. Унтан Чăваш Ен команди çĕнтерÿпе таврăннă.
Паян Вăрнар районĕ хăйĕн çуралнă кунне паллă тăвать. Муниципалитета официаллă майпа 90 çул каялла авăн уйăхĕн 5-мĕшĕнче йĕркеленĕ.
Авăн уйăхĕн 15-мĕшĕнче Чăваш патшалăх академи драма театрĕнче Раççейри экологи çулталăкне тата Вăрман ĕçченĕсен кунне халалланă савăнăçлă пухăва хутшăннисем çак ыйту хуравне шырарĕç.
«Социаллă проекта пурнăçа кĕртмешкĕн Раççей Федерацийĕн Президенчĕн грантне мĕнле илмелле?» — шăпах çак темăпа Наци библиотекинче коммерципе çыхăнман организацисем /НКО/ валли семинар иртрĕ. Унăн спикерĕ Президент гранчĕсен фончĕн генеральнăй директорĕ Илья Чукалин пулчĕ.
Чăвашла верси
Русская версия
