2 Jul, 2014 | Вĕрентÿ

Юлашки шăнкăрав янăранăранпа вăхăт нумай та иртмерĕ пек - пĕтĕмĕшле пĕлÿ паракан учрежденисенче Патшалăхăн пĕрлехи экзаменĕсем тытнă хыççăн яшсемпе хĕрсем шкул пурнăçĕпе сыв пуллашрĕç. Пурĕ Чăваш Енри шкулсенчен вун пĕрмĕш класран кăçал 6621 ача вĕренсе тухрĕ.

2 Jul, 2014 | Вĕрентÿ

Кашнин пурнăçĕнче шкул мĕнле те пулин йĕр хăваратех. Телее, маншăн ачалăхри пĕлÿ тĕнчи ыррипе кăна асра юлнă. Çакă пире вĕрентнĕ педагогсем чăн профессионалсем пулнинчен килет. Хăйсен предметне тарăн пĕлни, тавра курăмĕ анлă, пултарулăх шыравĕ вĕçсĕр пулни ачасенчен чăн-чăн çынсем "калăплама" витĕм кÿнĕ.

Чăваш Ен тĕп хулинче РФ Президенчĕн «Раççей Федерацийĕнче Культура çулталăкне ирттересси çинчен» Указне пурнăçа кĕртес тĕлĕшпе федерацин Атăлçи округĕнчи субъектсен паха опытне палăртас тата ыттисен хушшинче сарас тĕлĕшпе конференци иртни пирки хаçатра çырнăччĕ.

2 Jul, 2014

Юлашки вăхăтра çанталăк питĕ шăрăх тăрать. Сывлăш температури пысăк пулни вара çын организмне уçă вырăнта та, пÿлĕмре те япăх витĕм кÿрет. Чи малтан - ватă çынсемпе ачасене. Çакă вăраха кайнă чирсене аталанма май парать, тепĕр чухне организма вĕрилентерсе ярать.

Çу уйăхĕ типĕ те шăрăх тăчĕ пулин те малтанхи вăхăтра 6 район çеç 330 гектар çинчи лаптăксене шăварчĕ. Сăлтавĕ паллă: çанталăк çапла пуласса кĕтмен, мелиорацие хатĕрленмен. Нÿрĕкпе пахча çимĕç валли усă курчĕç. Çав вăхăтра улăх-çаран, нумай çул ÿсекен курăксем типпе лекрĕç. Ял хуçалăх пĕрлешĕвĕсем вĕсене минерал удобренипе те вăхăтра апатлантараймарĕç. Ака уйăхĕн 21-мĕшĕ тĕлне те ăна курăксем çине /ЧР Ял хуçалăх министерстви хатĕрленĕ сводка тăрăх/ 9% çеç сапнăччĕ. 6 район вара çак ĕçе вуçех хутшăнмарĕ.

Тĕплĕнрех ыранхи «Хыпар» хаçатра.

Мускавра çул-йĕрĕн çамрăк инспекторĕсен Пĕтĕм Раççейри «Хăрушсăрлăх кустăрми - 2014» конкурсĕ вĕçленнĕ. Унта тĕрлĕ регионтан 83 команда пухăннă.

Ăмăртусем «Олимп ялĕ - 80» спорт керменĕнче тата АПК ĕçченĕсен профсоюзĕн методика центрĕнче иртнĕ. Чăваш Ен чысне Вăрнар районĕнчи Аçăм-Çырми шкулĕн вĕренекенĕсем /ертÿçи - аслă категориллĕ учитель Владимир Петров/ хÿтĕленĕ.

Тĕплĕнрех ыранхи «Хыпар» хаçатра.

Чăваш Ен спорт ориентировкин хастарĕсем федерацин Атăлçи округĕн чемпионатĕнчен медальсемпе таврăннă.

Ăмăрту Чул хула облаçĕнчи «Кĕрен парăс» сиплев лагерĕнче иртнĕ. Виçĕ кунра 12-65 çулсенчи спортсменсем спринт, кросс енĕпе тата эстафетăра мала тухассишĕн тупăшнă. Чемпионатра пирĕн ентешсенчен уйрăмах ветерансене ăннă.

Тĕплĕнрех ыранхи «Хыпар» хаçатра.

Валентина Белкова ветврач бройлер чăх чăпар е шурă чăхран мĕнпе уйрăлса тăни, ĕне маститпа ан чирлетĕр тесен мĕн тăвасси, амаран уйăрнă çăвăрсене еплерех çитĕнтересси çинчен нумай каласа пама пултарать.

Pages

Subscribe to