Чăваш Ен Пуçлăхĕ чÿк уйăхĕн 29-мĕшĕнче ачасен реабилитаци центрĕнче инвалидсен кунне халалланă «Эпир — тĕрлĕрен, çапах та пĕрле» «çавра сĕтеле» хутшăнчĕ.
Хăй вăхăтĕнче Ҫӗнӗ Шупашкарти «Химпром» çывăхĕнче тем пысӑкӑш шӑршлӑ кӳлленчӗк тӑнине асăрханине республикăри массăлллă информаци хатĕрĕсем тупăшса тенĕ пек хыпарларĕç.
Республикăн тĕп хулинче 6-мĕш номерлĕ «Малахит» ача садне 137-мĕш ача сачĕпе пĕрлештерĕç. Документа Шупашкар хула администрацийĕн пуçлăхĕ Алексей Ладыков алă пусса çирĕплетнĕ.
Паян, чÿк уйăхĕн 28-мĕшĕнче, Шупашкарти Трактор тăвакансен проспектĕнче ирхи сакăр сехет çитеспе икĕ пĕчĕк автобус пырса çапăннă. Вĕсенчен пĕринче ачасем пулнă.
Аслă Устюгра пурăнакан Раççейри тĕп Хĕл Мучи чÿк уйăхĕн 18-мĕшĕнче хайĕн çуралнă кунне паллă тунă. Çакăн хыççăн вара çĕршыври хуласене асамлă çул çÿреве тухнă. 25-мĕшĕнче Шупашкар хулине çитнĕ. Вăл кунта пĕрремĕш хут! Чи малтан Шупашкар районĕнчи "Ясна" этнокомплексра пулнă. Каярах "Шупашкар — Арена" пăр керменне тата "Мадагаскар" суту-илÿпе кану центрне çитнĕ.
ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе паян ирттернĕ канашлура тракторсен, хăй тĕллĕн çÿрекен машинăсен профилактика тĕрĕслевĕн кăтартăвĕ çинчен Машинăсен тата ытти техникăн юсавлăхне сăнаса тăракан инспекци пуçлăхĕ Сергей Вязовский каласа кăтартрĕ.
ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе паян ирттернĕ канашлура подрядчиксем патшалăх контракчĕсене мĕнле пурнăçланипе вице-премьер — экономика аталанăвĕн министрĕ Владимир Аврелькин паллаштарчĕ.
РФ Президенчĕн суйлавĕччен инçе-ха, анчах хатĕрленÿ пуçланнă ĕнтĕ. ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе паян ирттернĕ канашлăва шăпах суйлав теминчен пуçларĕ.
Паян, Амăшĕн кунĕнче, Чăваш патшалăх ÿнер музейĕнче нумай çул пĕрле пурăнакан çемьесен «Манăн çемье — манăн тĕрек» фестивалĕ иртрĕ. Унта çемье пурнăçĕн юбилярĕсене чысларĕç.