12 Aug, 2014

Тăвай районĕнчи Тăрмăшри çыхăну уйрăмĕнче чылай çул пĕрле килĕштерсе ĕçлекен Любовь Ивановăпа Елена Андреевăна, Анжела Бикининăпа Надежда Ильинана пĕр шухăш-тĕллев пĕрлештерет: 2015 çулăн пĕрремĕш çулĕнче те хаçата-журнал тусĕсен йышĕ ан чактăр, палăртни пурнăçлантăр.

12 Aug, 2014 | Спорт

Çурла уйăхĕн 10-мĕшĕнче Етĕрне районĕнчи Урпашри «Ювтук» туристсен клубĕн членĕсем - Максим Николаев, Людмила Садикова, Дмитрий Бородкин тата Çĕнĕ Шупашкарти Игорь Ильин Пушкăртстанран таврăннă. Унта вĕсем Пысăк Иремель тăвĕ çине хăпарнă.

12 Aug, 2014

Ача çурални яланах телей. Патăрьел район администрацийĕн ЗАГС пайĕнчен пĕлтернĕ тăрăх - Юхмапа Пăла тăрăхĕнче иртнĕ 7 уйăхра 299 пепке çуралнă. Вĕсен йышăнче 165 арçын ача, 134 хĕр ача.

Пĕлтĕрхи çак тапхăртипе танлаштарсан ку тăрăха кăçал 22 «çĕнĕ кайăк» нумайрах килнĕ. Арçын ачасене ашшĕ-амăшĕ ытларах - Артем, Арсений, Максим, Антон, хĕр пĕрчисене вара Анна, Аделина, Азалия, Екатерина ятсене хурать. Çырăнмасăр пĕрле пурăнакан çемьесенче 57 ача çут тĕнчене килнĕ. Çул çитмен икĕ амăшĕ пепкеллĕ пулнă.

12 Aug, 2014

Çак кунсенче Тăвай районĕнчи Улянкăра пурăнакан Илья Иванов 95 çул тултарнă. Юбилей ячĕпе ветерана Йăнтăрччă ял тăрăхĕн пуçлăхĕн çумĕ А.Уськина саламланă. Раççей Президенчĕн саламне тата асăнмалăх парне парса çирĕп сывлăх суннă.

12 Aug, 2014 | Ыр кăмăллăх

Çĕнĕ Шупашкарти çурт-йĕр тăвакан «Суор» комбинат /директорĕ Владимир Ермолаев/ çак кунсенче Пĕтĕм Раççейри Куç курманнисен обществин Куславкка районĕнчи организацине /Куславкка тата Вăрмар районĕсене пĕрлештерет/ 103 пин те 400 тенкĕлĕх пулăшу кÿнĕ. Вырăн таврашĕ, тÿшек-çытар çиттисем кÿрсе килнĕ.

12 Aug, 2014 | Ял хуçалăхĕ

Республикăра кĕрхи тырăсене вырса пĕтернипе пĕрех, хăш-пĕр хуçалăх вырма техникине çурхисен уйсене куçарнă. Эрне пуçламăшĕ тĕлне пĕрчĕллĕ тата пăрçа йышши культурăсем гектартан вăтамран 20,4 центнер тухнă (пĕлтĕрхи çак тапхăрти кăтарту – 19,2 центнер).

Тухăç кăтартăвĕпе иртнĕ эрнери пекех Çĕрпÿсем, Вăрнарсем, Красноармейскисем, Шупашкарсем, Муркашсем малта пыраççĕ.

Уйсенче пуç пулса тăнă тулă тухăçĕ Красноармейски (гектартан вăтамран 27,5 центнер), Вăрнар (26,5 ц), Çĕрпÿ (25,9 ц) районĕсенче уйрăмах пысăк.

12 Aug, 2014 | Ял хуçалăхĕ

Уя тухсан мĕн сас лайăх? Машин-трактор сасси лайăх, тесе юрлатчĕç пулас пĕр юрăра. Техника кĕрлет, апла хуçалăхра ĕç пырать. Куншăн савăнмалла. Механизатор ăна йĕркене пăхăнса ĕçлеттернине нимĕн те çитмест.

Pages

Subscribe to