Чăваш Республикин вĕренÿ министрĕн пĕрремĕш заместителĕ Алексей Лукшин тата Красноармейски округĕн пуçлăхĕн тивĕçĕсене вăхăтлăх пурнăçлакан Владимир Долгов ертсе пынă ушкăн Яманак ялĕнче пурăнакансемпе тĕл пулчĕ.
Владимир Долгов пĕлтернĕ тăрăх, Яманак тăрăхĕнче пурăнакансем валли Пшонкă ялĕн плотининче шыва кĕме ятарлă вырăн йĕркеленĕ.
«Истори астăвăмĕ» парти проекчĕн регион координаторĕ, И.Н.Ульянов ячĕллĕ ЧПУ ректорĕ Андрей Александров паян шкул музейĕн конкурсĕн çĕнтерÿçисене чысларĕ.
Чăваш Енре çу уйăхĕн вĕçĕнче «Под водой» илемлĕ фильм ÿкерме пуçласшăн.
«Дыхание планеты» союз ертÿçи Владимир Синяев пĕлтернĕ тăрăх, фильмри ĕç-пуç Емельян Пугачев пытарнă пурлăх тавра аталанать. Мистика сĕмне уйăрма пулать.
Фильмăн пысăк пайне Улатăрта тата Улатăр округĕнче ÿкерме палăртнă. Çавнашкалах ку ĕçе хутшăнакансем Шупашкара тата Шупашкар тăрăхне çитĕç.
Республикăн социаллă пурнăçĕпе экономика аталанăвĕн, бюджета пурнăçланин кăтартăвĕсем, «Раççей шывĕ», «Çитĕннисем — ачасене» акцисене йĕркелесси — Чăваш Ен Пуçлăхĕ Олег Николаев ĕнер ĕç тăвакан влаç органĕсен тата муниципалитетсен ертÿçисемпе ирттернĕ канашлура пăхса тухнă тĕп ыйтусем пулчĕç.
Çĕнĕ спорт объектне уçма çак яла Чӑваш Ен Пуҫлăхĕ Олег Николаев, Патшалăх Канашĕн Председателĕ Леонид Черкесов, физкультурăпа спорт министрĕ Василий Петров тата ытти сумлӑ хӑнасем çитрӗҫ. Вĕсене Çĕмӗрле муниципалитет округĕн пуçлăхĕ Лев Рафинов, Турханти Олимп чемпионĕ Валерий Ярды ячĕпе хисепленсе тăракан спорт шкулĕн директорĕ Алина Васильева кĕтсе илчӗҫ.
Красноармейскинчи ачасемпе çамрăксен спорт шкулĕн стадионĕнче «Ял пурнăçĕ» хаçат парнисемшĕн çăмăл атлетсен ăмăртăвĕ иртрĕ. Ăна Тăван çĕршывăн Аслă вăрçинче тăшмана çĕнтернĕренпе 78 çул çитнине халалланă.
Чăваш Енре паян Тăван çĕршывăн Аслă вăрçин 4,7 пине яхăн ветеранĕ пурăнать. Шел те, вăрçăра çапăçнисен йышĕ çуллен чакса пырать. Çĕнтерÿ кунĕ тĕлне вăрçă участникĕсемпе инваличĕсене, блокадăри Ленинградра пурăннисене, çул çитичченех концлагерьсенче нушаланнисене — пĕтĕмпе 170 çынна — парнесемпе савăнтарма палăртнă.