Чĕмпĕр Ен çыравçисем кăларакан "Атăл юрри" журнал - 100 çулта

Чĕмпĕр хулинче Чăваш çыравçисен регионсен хушшинчи «Чĕмпĕр - чăваш литературин сăпки» конференцийĕ иртет. Ăна Чĕмпĕр Ен çыравçисем кăларакан «Атăл юрри» журналăн 1-мĕш номерĕ тухнăранпа 100 çул çитнине халалланă.

Мероприятие Ульяновск облаçĕнчи чăвашсен наципе культура автономийĕ тата «Канаш» хаçат редакцийĕ тăрăшнипе йĕркеленĕ.

Форума Хусантан, Пушкăртстанран, Чăваш Енрен килнĕ сумлă çынсем хутшăнаççĕ. 

Паянхи кун илемлĕ литература тата публицистика альманахĕ пине яхăн экземплярпа тухса тăрать. Унăн тĕп редакторĕ - Елена Мустаева.

www.hypar.ru Татьяна Вашуркина сăн ÿкерчĕкĕсем кунта...