Медальпе таврăннă

25 Авăн, 2014

Чăваш Ен шкул ачийĕсем Краснодар крайĕнчи Анапа хулинче ачасен «Смена» сиплев-вĕренÿ центрĕнче иртнĕ çĕр-шыв смотрĕнчен таврăннă. Унта вĕренекенсен физкультура хатĕрлевĕн ăсталăхне тĕрĕсленĕ.

РФ Спорт министерствипе «Раççей çамрăклăхĕ» физкультура пĕрлешĕвĕ пуçарнă смотрта Чăваш Ен чысне икĕ команда - Канаш хулинчи тата Патăрьел районĕнчи шкулсенче вĕренекенсем - хÿтĕленĕ. Хĕрсемпе яшсем 100 метрлă, 2-3 километрлă дистанцисенче вăй виçнĕ, ишевçĕсен турнирĕнче тупăшнă, çурăм çине выртса çĕкленес тата турник çинче туртăнас енĕпе ăмăртнă. Çавăн пекех çамрăксем Олимп вăййисен кун-çулĕпе те паллаштарнă. Смотр пĕтĕмлетĕвĕпе Канашри 6-мĕш вăтам шкулта 10-мĕш класра вĕренекенсем пьедесталăн виççĕмĕш картлашки çине хăпарма пултарнă. Пирĕн ентешсем спорт тупăшăвĕсенче те малти вырăнсене йышăннă, теори конкурсĕнче те палăрнă.

А.МИХАЙЛОВ.

Комментари хушас

Image CAPTCHA
Введите символы, которые показаны на картинке.