Шупашкарти И.Яковлев проспектĕнчи Пичет çурчĕ çывăхĕнчи каçмăш юлашки вăхăтра çуран çÿрекенсемшĕн те, руль умĕнчисемшĕн те питĕ хăрушă вырăн пекех. «Хыпар» хаçат ун çинчен пĕлтерсе-асăрхаттарсах тăрать. Çапах та кашни кун тенĕ пек шар куракансен шучĕ ÿссех пырать.

Ĕнер те, 16 сехет иртсен, асăннă вырăнта, общество транспорчĕн «Пичет çурчĕ» чарăнăвĕнче, Шупашкарти Элкер урамĕнче пурăнакан 42 çулти хĕрарăма çăмăл автомобиль пырса çапнă. Йывăр суранланнăскере васкавлă медицина пулăшăвĕн машинипе сыватмăша ăсатнă. «Пурнăçĕшĕн хăрушлăх çук», - терĕç шурă халатлисем.

Çапла ят панă Сĕнтĕрвăрринчи тĕп библиотека ĕçченĕсем хăйсем пухса хатĕрленĕ методика материалне.

Çурçĕр Осетире 10 çул каялла пулнă инкекпе паллаштаракан кăларăма слайд-презентаци, мероприяти йĕркелемелли сценарисем тата халал-сăвăсем кĕнĕ. Сăн ÿкерчĕкпе пуян материалта Беслан шкулĕ, унăн пĕр кунхи пурнăçĕ, теракт вăхăтĕнче вилнĕ ачасемпе вĕсен ашшĕ-амăшĕ, вĕрентекенсем, вĕсен хуйхи-суйхи, кулянăвĕ сăнланнă. Пособи пурне те чрезвычайлă лару-тăрура мĕн тумаллине вĕрентет, çавăн пекех унта терроризм темине те анлăн çутатнă.