Çулталăк хушшинче Майамире куçми пурлăх хакĕсем 20% яхăн ÿснĕ.

- 2008 çулхи кризис хыççăн Майамире пурăнмалли çуртсем тăвасси чарăнса ларнă, куçми пурлăх рынокĕ арканнă. Юлашки 2 çулта ку енĕпе лару-тăру йĕркеленме пуçланă, тăваткал метрсен хакĕ ÿснĕ, паян та ÿссе пырать. Çавăнпах Раççей олигархĕсемпе çăлтăрĕсем перекетленĕ укçи-тенкине Майамири çурт-йĕре хываççĕ, - тенĕ океан леш енчи çак курорт вырăнĕнче 10 çул ытла ĕçлекен Павел Дмитриев риэлтор.

А.Г.Николаев космонавт летчикăн тăван ялĕнчи мемориал комплексĕпе «Хыпар» Издательство çурчĕ чылайранпа тытакан çыхăну çирĕпленсех пырать.

Вулакансем валли пĕрле космос темипе темиçе конкурс та ирттернĕ. Халĕ - тепĕр конкурс. Ăна тĕнче уçлăхне пĕрремĕш хут вĕçнĕ Юрий Алексеевич Гагарин çуралнăранпа кăçалхи пуш уйăхĕн 9-мĕшĕнче 80 çул çитнине халалланă. Тупăшăва 14 çул тултарнисенчен пуçласа кашниех хутшăнма пултарать.

1 Mar, 2014 | Хыпар | Спорт | Тĕслĕх

Кÿкеç поселокĕнче «Улăп» спортпа сывлăх комплексĕ уçăлнине Шупашкар районĕнче пурăнакансем хапăлласа йышăннă. Унсăрăн епле-ха! Çĕнĕ те хăтлă керменте хĕлĕн-çĕвĕн бассейнра шыва кĕме май пур, тренажер залĕ те кашнине тарават, спортзалта çутă та таса. Унта кунĕпех çын татăлмасть.

«Çавал» эстрадăпа фольклор ансамблĕ Сочирен таврăнчĕ. Республикăри чи пултаруллă коллективсенчен пĕри Хĕллехи XXII Олимп вăййисен лапамĕсенче чăваш культурипе паллаштарнă. Тăван кĕвĕ-çемĕпе чăваш тренерĕсем те киленме пултарнă.

«Капкăн» журналăн кăçалхи тăваттăмĕш номерĕ кун çути курчĕ. Вăл Сергей Мягковăн «Ваçук продюсер тепĕр арăслана çăлтăрсен йышне кĕртесшĕн» ÿкерчĕкĕпе уçăлать.

«Кулăш – пулăш, çавра сăмах» рубрикăра фронтри кулăшсем пичетленнĕ.

Аист çĕклесе килмен ĕнтĕ вĕсене Чăваш çĕр-шывне, хамăрах çурататпăр. Хаçат-журналта, радиопа телекурав кăларăмĕсенче те, пуçлăхсем ларусенче тухса калаçнă чух та "чăваш халăхĕ ĕçчен, хастар, маттур" тесе мухтанаççĕ. Анчах хамăра ытти халăх мĕнле хаклать-ши? Хальлĕхе, ман шутпа, кăкăра çапса мухтанмалли курăнмасть. Пачах урăхла. Халăх кунсерен кахалланса пынишĕн чан çапмалла.

Хамăн груша йывăçĕпе мухтанас килет. Хитре те мăнаçлăскер, çулçисем тĕттĕм симĕс, йăлтăртатса тăраççĕ. Анчах çимĕçĕ чăх çăмарти пысăкăш пулсанах хуппи çуркаланма пуçлать, унтан çĕрет. Мĕн тумалла?

Раиса Кириллова. Кÿкеç.

Инсульт хыççăнхи çĕвĕсенчен хăтăлма шĕпĕн курăкĕн шывĕ пулăшать теççĕ. Аптекăран пĕр пачка шĕпĕн курăкĕ туянтăм та ĕнтĕ. Рецептне пĕлесчĕ.

Т. Васильева. Вăрмар поселокĕ.

Инсульт чăтса ирттернĕ çыннăн ирсерен зарядка тумалла, уçă сывлăшра çÿремелле. Пур ĕçе те васкамасăр, асăрханса, кана-кана тумалла.

Шĕпĕн курăкĕн шывĕ: тин вĕретнĕ 1 стакан шыва 1 кашăк чухлĕ типĕтсе вĕтетнĕ шĕпĕн курăкĕ (чистотел) ямалла. 15 минутран сăрăхтармалла. Икĕ-виçĕ эрне таран кунне 3 хут, апат умĕн, 2-шер кашăк ĕçмелле.

Икĕ çул каяллахи «Кĕмĕл сасă» фестиваль конкурсçисен йышĕнче пулнă Алена Савельева ыттисенчен темшĕн ытларах асра юлчĕ. Ун чухне Пушкăртстан пики лауреат ятне тивĕçрĕ. Пĕтĕм тĕнчери чăвашсен çамрăк юрăçисен конкурсне вăл унччен те пĕрре мар хутшăннă, дипломантсен йышне кĕнĕ.

Pages

Subscribe to