13 Кăрлач, 2015

Чи нумай вулакан пуçлăх

"Кĕнеке - чи çывăх тус" тесе вĕрентетчĕç пире ача чухне. Шел, çулсем иртнĕ çемĕн унăн сумĕ чакса, вулакансен йышĕ пĕчĕкленсе пырать. Çавна май халăхра кĕнекен пĕлтерĕшне ÿстерес тĕллевпе юлашки вăхăтра сахал мар мероприяти ирттерме тивет.

13 Кăрлач, 2015

Пакунлă Юрпикесем

Мĕнешкел парнесемпе килнĕ те - прокуратура ĕçченĕсем ачасемшĕн чăннипех Юрпике вырăнне пулчĕç. Республика прокуратурин ĕçченĕсем йăлана кĕнĕ йĕркепе Çĕнĕ çул ячĕпе Кÿкеçри ачасен интернат çуртĕнче пулчĕç.

13 Кăрлач, 2015

Кăтартусем савăнтараççĕ

Кÿкеç тăрăхĕ республикăн çурçĕр енчи районĕсен хушшинче социаллă пурнăçпа экономика аталанăвĕн кăтартăвĕсемпе çулленех малти вырăнсенчен пĕрне йышăнать, ялхуçалăх тата тирпейлекен промышленноç ĕçченĕн уявĕнче пĕлтĕр те ырă ята тивĕçрĕ. Шупашкар районĕнчен «Агро-100» клуба 9 хуçалăх кĕнĕ, 7-шĕ - малти 31-шĕн йышĕнче.

13 Кăрлач, 2015

Нумай кĕтнĕ субсиди çитнĕ

Çĕнĕ çул умĕн ЧР Министрсен Кабинечĕн Председателĕн çумĕ-ялхуçалăх министрĕ Сергей Павлов Шупашкарти А.Николаев космонавт урамĕнчи ялхуçалăх пасарĕнче сутакан апат-çимĕç ассортименчĕпе хакне тишкернĕ хыççăн "Хыпар" ыйтăвĕсене хуравларĕ.

13 Кăрлач, 2015

Качакапа сурăх çулĕнче йыш хушăнтăр ÿсĕмлĕ

Хĕвелтухăç гороскопĕпе 2015 - Кăвак йывăç качака /сурăх/ çулталăкĕ. Вăл шăппăн, тÿлеккĕн, тикĕссĕн иртĕ теççĕ. Кашни çын - уйрăмах ырă ĕç тăвакансен - пурнăçĕ ăнĕ. Ĕçтешĕрсене, çывăх çыннăрсене ытларах усă кÿрсен хăвăра телейлĕ туятăр.

13 Кăрлач, 2015

Вĕсем пире вилĕмрен çăлнă

Чылай вăхăт иртрĕ эп унпа паллашнăранпа. Вăл вара паян та, эпир паллашнă чухнехи пекех, çамрăк та вашават, ĕçчен те харсăр. Паян та унăн çĕмĕрт пек хура куçĕсенче ырă кăмăлпа çынлăх тата пурнăçа питĕ-питĕ юратни тапса тăрать.

13 Кăрлач, 2015

Чăваш Енрен писнĕ

«Хыпарăн» декабрĕн 9-мĕшĕнче тухнă «Валентина Терешкова чăваш халăхĕн кинĕ-и?» статья тĕрлĕ шухăш çуратать.

«Валентина Терешкова вăхăт тупсанах Чăваш Ене курма килетех», - тет А.Тукмаков. Ман шутпа - В.Терешковăн пирĕн тăрăха килес ĕмĕчĕ хупланнă пек туйăнать. Андриян Григорьевич çут тĕнчерен уйрăлсан ăна юлашки çула ăсатма та килмерĕ вĕт. Ун пек чухне пĕтĕм ĕçе пăрахсах çула тухаççĕ. «Питĕ кăмăллă, чăваш халăхне хисеплекен, питĕ хăватлă хĕрарăм» вунă çул хушшинче те /2004 çултанпа/ Чăваш Ене çитсе курма май тупаймарĕ.

13 Кăрлач, 2015

"Эх, кăçатă, кăçатă! Манăн старик ватă!"

Сĕнтĕрвăрри районĕнчи Урхас Кушкă ялĕнчи Еленăпа Сергей Елегоновсем Кăвак йывăç качака /сурăх/ çулталăкне пысăк шанăçпа кĕтсе илеççĕ. Мĕншĕн тетĕр-и?

13 Кăрлач, 2015

Пĕр тĕвĕри ăс-пурлăх

Çĕнĕ çул умĕн ЧР культура министрĕ Вадим Ефимов Раççей халăх художникне, Раççей ÿнер академийĕн президиумĕн членне, чаплă живописеца тата графика Ревель Федорова пурнăçĕнчи паллă пулăмпа - 85 çулхи юбилейĕпе - чысланă.

13 Кăрлач, 2015

Таврара - пĕртен пĕр янавар

Шупашкар районĕнчи Ишек ял тăрăхĕнчи килти хуçалăхра лаша усраканни Мăн Марка ялĕнчи Шаровсен çемйи çеç. Юлан ут е çăрхалакан урхамах мар, çапах кăмăлĕ пур чух юртать. Сăхăм мар, тăлпан ураллă, пакăлчамас. Ĕçре шăпах çавăн пекки кирлĕ. Яра куна сухапуç туртаять. Кантармассерен сĕлĕ çитер кăна.

Pages